Hechos 21:16 - Kashibo-Kakataibo Biblia

¹⁶ Cuancëbë ca nubë Cesáreanuaxa ax Jesucristomi catamëcë unicama raíri cuancëxa. Acaman ca Chiprenuax ucë uni Mnasón, axa ꞌitsa baritian Jesucristomi catamëcë, a ꞌunáncë ꞌixun aín xubunu anunu ꞌinun nu buáncëxa.

Nukën 'Ibu Diosan ain unikama 'inan ain bana

¹⁶ Cuancëbë ca nubë Cesáreanuaxa ax Jesucristomi catamëcë unicama raíri cuancëxa. Acaman ca Chiprenuax ucë uni Mnasón, axa 'itsa baritian Jesucristomi catamëcë, a 'unáncë 'ixun aín xubunu anunu 'inun nu buáncëxa.

Hechos 21:16 ပူးပေါင်းရင်းမြစ်များ

Hechos 10:24

Coonx ca Cesárea ëmanu bëbacëxa. Bëbamainun ca Cornelionën aín aintsi ꞌibucamacëñun an ꞌunáncë unicamaribi aín xubunu cuanun quixun camiacëxa. Camicë́xa timë́an ca acamabëtan Pedro caíancëxa.

Hechos 10:48

Ësoquin catancëxun ca Pedronën a unicama Jesucristomi catamëcë ꞌaísha nashimicë ꞌinun cacëxa. Nashimicë ꞌixun ca Pedro a unicaman atubë pan isa ꞌinun quixun cacëxa.

Hechos 11:19

Esteban pain rëtancëxun ca Jesucristomi catamëcë unicama axa atumi nishcë unicaman bëtsi bëtsi ocëxa. Usocëx ca tsuáqui raírinëxa Fenicia menu cuantamainun raírinëxribia nasí cha, Chipre cacë, anu cuantamainun raírinëxribi Antioquía ëmanu cuancëxa. Cuanxun ca bëtsi unibuma judíos unibuishi, Jesucristomi catamëti ca uni Nucën Papa Diosnan ꞌiti ꞌicë quixun bana ñuixuancëxa.

Hechos 15:39

Usai canantancëx ënananquin Marcos buani ca Bernabé, manë nuntin Chipre nasínu cuancëxa.

Hechos 15:7

Timë́xun sinania ꞌuran canania oi niruqiun ca Pedronën atu cacëxa: —ꞌËn xucë́antu, camina ꞌunanin, Nucën Papa Diosan ca, Jesucristomi catamëtishi ca uni ainan ꞌinux ië́ti ꞌicë quixun judíosma unicama ñuixunun micama achúshi ꞌë caísacëxa, usaquin ꞌën ñuixuncëxun cuatía atúxribi ainan ꞌinun.

Hechos 21:8

Anuax pëcaratëcëncëbë cuanx cananuna Cesárea ëmanu bëbacën. Bëbax cananuna Felipenën xubunu abë ꞌi cuancën. Felipe ax ca an Jesús ñuiquin unicama bana ñuixuncë ꞌianan mëcën achúshi ꞌimainuan rabë́ uni Jerusalénuxun an piti mëtícanun caíscan acama achúshi ꞌiacëxa. A Felipebë cananuna ꞌiacën.

Hechos 4:36

Axa usai ꞌaquianancë unicama achúshi ca Levitan rëbúnqui, José cacë, Chipre nasínu ꞌicë, ꞌiacëxa. Ax ca Jesusan caíscë unicaman Bernabé caquinribi anëcë ꞌiacëxa. A banax ca an masá nuitutiabi cuëënmicë qui quicë ꞌicën.

Hechos 8:40

Usobiania cuancë ca unin Azote cacë ëmanua Felipe mëracëxa. Anuax cuanxun, ëma itsi ëma itsinu cuanquin —Jesucristomi catamëti ca uni Nucën Papa Diosnan ꞌiti ꞌicë —quixun unicama ñuixunbianx ca Cesárea ëmanu bëbacëxa.

Romanos 16:7

Adrónico ꞌimainun Junias, ꞌën aintsi rabë́, axa ꞌëcëñun sipuacë ꞌicë, a camina bërúanxa ꞌinun ꞌë caxunti ꞌain. —Atux ca asérabi upí uni rabë́ ꞌicë —quixun ca a Jesucristonën bana ñuixunun caíscë unicaman ñuia. ꞌËx Cristomi sináncëma pain ꞌain ca atux pain Cristomi sináncëxa.

Filemón 1:9

Usa ꞌaínbi cana —ꞌë nuibaquinshi camina ëx cuëëncësabi oquin ꞌati ꞌai —quixun sinánquin mi cain. ꞌËx cana Pablo, caniacëcë uni ꞌaish, Cristo ñuiquin uni bana ñuixuncë cupí sipuacë ꞌain.