Hechos 20:4 - Kashibo-Kakataibo Biblia

⁴ Cuancëbë ca Berea ëmanu ꞌicë uni, Sópater, a ꞌimainun Tesalónica ëmanu ꞌicë uni rabë́, Aristarco ꞌimainun Segundo, ꞌimainun Derbe ëmanu ꞌicë uni, Gayo, ꞌimainun Asia menu ꞌicë unicama, Timoteo, Tíquico, Trófimo, acamax Pablobë cuancëxa.

Nukën 'Ibu Diosan ain unikama 'inan ain bana

⁴ Cuancëbë ca Berea ëmanu 'icë uni, Sópater, a 'imainun Tesalónica ëmanu 'icë uni rabë́, Aristarco 'imainun Segundo, 'imainun Derbe ëmanu 'icë uni, Gayo, 'imainun Asia menu 'icë unicama, Timoteo, Tíquico, Trófimo, acamax Pablobë cuancëxa.

Hechos 20:4 ပူးပေါင်းရင်းမြစ်များ

Hechos 14:20

Usoquin ꞌacëa bamacësa sinánquin axa Jesucristomi catamëcë unicaman nëbë́tsioracëxbi ca niruquiani a ëmanubi cuantëcëancëxa. Usai ꞌionx ca pëcaracëbë Pablobë Bernabé, Derbe ëmanu cuancëxa.

Hechos 14:6

ꞌËsë́nania ñuia cuabiani ca Licaonia menu ꞌicë ëma rabë́, Listra ꞌimainun Derbe, ꞌimainun a ꞌurama ꞌicë me camanuribi cuancëxa.

Hechos 16:1

Cuanx ca Pablobë Silas Derbe ëmanu cuanan anuribi cuani Listra ëmanu bëbacëxa. Anu ca axa Jesucristomi catamëcë Timoteo cacë uni ꞌiacëxa. Aín titax ca judío xanu ꞌianan Jesúsmi sináncë ꞌiacëxa, ꞌimainun ca aín papax griego banan banacë ꞌiacëxa.

Hechos 16:6

Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Hechos 17:1

Usaquiani cuani Anfípolis ëma ꞌimainun Apolonia ëma anun cuanx ca Tesalónica ëmanu bëbacëxa. Tesalónicanu ca anua judíos unicama timë́ti xubu achúshi ꞌiacëxa.

Hechos 17:13

Usaía ꞌicëbëbi ca Tesalónicanu ꞌicë judíos unicamax, Pablonëan Bereanuxun Nucën Papa Diosan bana ñuixunia ñuicania cuabiani anuribishi cuancëxa. Cuanxun ca Pablomia nishnun quixun anu ꞌicë unicamaribi tsuáquirumiacëxa.

Hechos 19:29

Usari quicëbë ca Efeso ëmanu ꞌicë unicama sharati tsuáquiruacëxa. Tsuáquiruquin Macedonia menu ꞌicë uni rabë́, Gayo ꞌimainun Aristarco, axa Pablobë nicë, a bixun nirínbianx ca anua unicama timë́cë xubunu abáquianx atsíancëxa.

Hechos 2:9

Nux cananuna Partia, Media, Elam, Mesopotamia, Judea, Capadocia, Pontus, Asia, a mecamanuax ucë ꞌain.

Hechos 20:16

Anuxun ca Pablonën Pentecostés cacë nëtë ꞌiisama pain ꞌain Jerusalénu bëbati sinánquin ꞌuran Asia menu ꞌiisama tanquin, Efeso ëma ꞌurama ꞌaínbi anu cuantima sináncëxa.

Hechos 20:18

Camicëx aia ca cacëxa: —Asia menu utancëx carana mitsubë ꞌaish uisai ꞌëx ꞌia quixun camina mitsun ꞌunanin.

Hechos 21:29

Jerusalënuaxa abë nitsia isbaiëxanx ca Efesonu ꞌicë uni, Trófimo, a Pablonën anuxun Nucën Papa Dios rabiti xubunu atsínmicësa sinani usai quicancëxa.

Hechos 27:2

Usa ꞌain cananuna parúnpapa cuëbí cuanx, Adramitio ëmanuaxa ucë manë nunti, axa Asia menu cuanti, anu ꞌiruacën. Nubë ca Macedonia menu ꞌicë ëma Tesalónica, anua ꞌicë uni Aristarco, axribi cuancëxa.

Romanos 16:21

Timoteo, an ꞌëbëtan Cristo ñuiquin bana ñuixuncë, abëtan ca Lucio, Jasón, Sosípater, acamax ꞌën aintsi ꞌixun bërúanxmi ꞌinun mitsu canun quixun ꞌë caxa.

Romanos 16:23

ꞌËx cana Gayonën xubunu ꞌin. Ënë xubunu ca axa Jesucristomi catamëcë unicama timëtia. Gayo, anribi Jesucristonan ꞌixun ca bërúanxmi ꞌinun mitsu canun quixun ꞌë caxa. Erasto, an ënë ëmanu ꞌicë curíqui anun uni cupíoti a bërúancë uni, a ꞌimainun nucën xucën, Cuarto, anribi ca mitsúxmi bërúanx ꞌinun quixun mitsu canun ꞌë caxa.

2 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin ca Jesucristonën ꞌën a ñuiquin aín bana uni ñuixunun ꞌë caísacëxa. An caísa ꞌixun cana Timoteobëtan mitsu quirica buánmin. Axribi Jesúsmi catamëcë ꞌaish ca nun xucën ꞌicën. Mitsúxmi Corinto ëmanu ꞌicë axa Jesucristomi catamëcë unicama ꞌimainun Acaya menu ꞌicëcama axa Jesucristo cupí Nucën Papa Diosan iscëx upí ꞌicë, micama cananuna ënë quirica buánmin.

2 Corintios 1:19

Nucën Papa Diosan Bëchicë Jesucristo, a ꞌëbëtan Silvano ꞌimainun Timoteonën mitsu ñuixuncë, an ca —cana ꞌatima ꞌai —quixun ꞌunánquinbi —cana ꞌati ꞌai —quixun uni cáma ꞌicën. An ca axa quicësabi oquin ꞌaia.

Efesios 6:21

Mitsúnmi uisai carana ꞌëx ꞌi quixun ꞌunánun ca Tíquiconën minu cuanxun mitsu ñuixunti ꞌicën. Axribi ainan ꞌaish nun nuibacë xucën ꞌixun ca Nucën ꞌIbu Jesucristo ñuiquin upí oquin uni bana ñuixunun ꞌë ꞌaquianxa.

Filipenses 2:19

Nucën ꞌIbu Jesús cuëëncëbëtan Timoteo mitsu istánun ꞌitsama nëtë ꞌicëbëtan xuti cana sinanin. An mitsu isbëtsíntancëxun uisa caramina ꞌicani quixun ñuixuncëxun cuati cana cuëënti ꞌain.

Colosenses 4:10

Acëñun ꞌë sipuacancë Aristarco, ꞌimainun Bernabénën sëcë́nanë, Marcos, anribi ca bërúanx ꞌinun mitsu camia. A ñuiquin ꞌën cacë ꞌixun camina Marcos mitsu isi cuania upí oquin bicanti ꞌain.

Colosenses 4:7

Nun nuibacë xucën Tíquico, an upí oquin ꞌë ꞌaquianan ꞌëbëtan Nucën ꞌIbu Jesús ñuiquin uni bana ñuixuncë, an ca mitsu isi cuanxun nun ꞌacë ꞌimainun ꞌëx usai ꞌicëcamaribi mitsu ñuixunti ꞌicën.

1 Timoteo 1:1

ꞌËx cana Pablo, aín bana uni ñuixunuan Jesucristonën caísa ꞌain. Usa ꞌinun ca Nucën Papa Dios, an nu ainan ꞌinun ië́micë, abëtan Jesucristo, an nu asaribi ꞌiminunu nun caíncë an mëníocëxa.

2 Timoteo 1:2

Timoteo, ꞌën bëchicësa ꞌicë nuibaquin cana ënë quirica mi buánmin. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámashirua ꞌiti cana cuëënin.

2 Timoteo 4:12

Tíquico cana Efeso ëmanu xuan.

2 Timoteo 4:20

Corinto ëmanu Erasto bërúmainun cana Trófimo aín nami upíma ꞌicë, Mileto ëmanu ëbian.

Tito 3:12

Nicópolisnuxun mita inúmiti cana sinanin. Usa ꞌain, Artemas carana xuti ꞌain, Tíquico carana xuti ꞌain, xucëbë camina panatima Nicópolisnu ꞌë isi uti ꞌain.

Filemón 1:24

ꞌImainun ca an ëbëtan bana uni ñuixuncë unicama Marcos, Aristarco, Demas, Lucas, acamanribi bërúanxmi ꞌinun mi canun quixun ꞌë caxa.

3 Juan 1:1

ꞌËx axa Jesucristomi catamëcë unicaman cushi ꞌixun cana, axa ꞌëx ꞌicësaribiti asérabi Nucën Papa Diosan uni ꞌaish ꞌë nuibacë Gayo, a ënë quirica buánmin.