Hechos 20:16 - Kashibo-Kakataibo Biblia

¹⁶ Anuxun ca Pablonën Pentecostés cacë nëtë ꞌiisama pain ꞌain Jerusalénu bëbati sinánquin ꞌuran Asia menu ꞌiisama tanquin, Efeso ëma ꞌurama ꞌaínbi anu cuantima sináncëxa.

Nukën 'Ibu Diosan ain unikama 'inan ain bana

¹⁶ Anuxun ca Pablonën Pentecostés cacë nëtë 'iisama pain 'ain Jerusalénu bëbati sinánquin 'uran Asia menu 'iisama tanquin, Efeso ëma 'urama 'aínbi anu cuantima sináncëxa.

Hechos 20:16 ပူးပေါင်းရင်းမြစ်များ

Éxodo 34:22

Kamina mapai achúshi ꞌimainun achúshi nëtë a sinánkin anumi mitsun ñu ꞌapákë ax pain bimikë bikë aín fiesta ꞌianan, a baritian mi mitsun trigo bimi bikin sënë́onkë a ꞌiti ꞌikë kixun ka Diosan kakëxa.

Hechos 12:13

Cuanx bëbaquian xëcuë taxcaia cuabëtsini ca xanu xuntacu, Rode, ax xëócai uacëxa.

Hechos 16:6

Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Hechos 18:19

Tëamitancëx cuanx ca Efeso ëmanu bëbacëxa. Bëbax Priscila ꞌimainun Aquila ëbiani cuanx anua judíos unicama timë́ti xubunu atsíanx ca anuax Pablo anua timë́cë judíos unicamabë banai atubë usai Jesús ꞌiti ñuiquin Nucën Papa Diosan bana cuënëo ñui canancëxa.

Hechos 18:21

Abë ꞌiquinma ëbianquin ca atu cacëxa: —Judíos unicama anun timë́ti nëtë sënë́ncëbë atubë Jerusalénu ꞌitancëx cana Nucën Papa Dios cuëëncëbë mitsu isi utëcënti ꞌain. Quixun cabiani ca Efesonuax cuancëxa.

Hechos 19:1

Corinto ëmanua Apolos ꞌain ca Pablo matá me sapáncama oi cuantancëx Efesonu bëbacëxa. Bëbaxun ca anu ꞌicë axa Jesucristomi sináncë unicama mëracëxa.

Hechos 19:21

Usa ꞌain ca Pablonën Macedonia me ꞌimainun Acaya menu pain cuantancëx Jerusalénu cuanti sináncëxa. Jerusalénu cuanti sinani ca quiacëxa: Anu pain ꞌitancëx cana Roma ëmanuribi cuanti ꞌain.

Hechos 2:1

Usa ꞌain ca Pentecostés cacë nëtë ucëbë Jerusalénu ꞌicë achúshi xubunu timë́ax axa Jesucristomi catamëcë unicama bucüacëxa.

Hechos 20:13

Usa ꞌain cananuna Pablonëan taën cuainsa tanquin, anua bitsi cuanun cacëx, nux pain rëcuë́nquiani manë nuntin Asón cacë ëmanu cuancën.

Hechos 20:18

Camicëx aia ca cacëxa: —Asia menu utancëx carana mitsubë ꞌaish uisai ꞌëx ꞌia quixun camina mitsun ꞌunanin.

Hechos 20:22

Usa ꞌain cana Nucën Papa Diosan Bëru Ñunshin Upitan sinánmicësabi oi Jerusalénu cuanin, uisai carana anuax ꞌiti ꞌai quixun ꞌunanimabi.

Hechos 20:4

Cuancëbë ca Berea ëmanu ꞌicë uni, Sópater, a ꞌimainun Tesalónica ëmanu ꞌicë uni rabë́, Aristarco ꞌimainun Segundo, ꞌimainun Derbe ëmanu ꞌicë uni, Gayo, ꞌimainun Asia menu ꞌicë unicama, Timoteo, Tíquico, Trófimo, acamax Pablobë cuancëxa.

Hechos 20:6

Usa ꞌain cananuna anun chamiti ñucëñunma ꞌacë pán anun piti nëtë inúmitancëx, nuxribi Filiposnuax manë nuntin cuanx, mëcën achúshi nëtë ꞌicëbë Troasnu bëbacën. Bëbax cananuna mëcën achúshi ꞌimainun rabë́ nëtë anu ꞌiacën.

Hechos 21:4

Usai Tironu bëbaxun, axa Jesucristomi catamëcë unicama mërax, cananuna mëcën achúshi ꞌimainun rabë́ nëtën atubë anu ꞌiacën. Nuxnu anu ꞌain ca Nucën Papa Diosan Bëru Ñunshin Upitan sinánmicëxun a unicaman uisai cara Pablo ꞌiti ꞌicë quixun ꞌunánquin Jerusalénu cuanxma ꞌinun quixun cacëxa.

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

1 Corintios 16:8

Efeso ënuxun ꞌën a ñuiquin bana ñuixunia cuati cuëëni ca ꞌitsa uni Cristomi catamëtia. Usaía ꞌicëbëtanbi ca ꞌitsa uniribi ꞌën ñuicë bana cuaisama tanquin timanan ꞌën ñuixunxunma ꞌanun ꞌë ꞌimitisa tania. Usa ꞌain cana Pentecostes nëtë utámainun Efeso ëma ënu pan ꞌiti sinanin.