Hechos 2:7 - Kashibo-Kakataibo Biblia

⁷ Sináncasmai ca atun bëmánan pëqui ratuti canancëxa: —¿Galilea menuaxa ucë unishima cara axa xubunu timë́ax banacë unicama ënëx ꞌic?

Nukën 'Ibu Diosan ain unikama 'inan ain bana

⁷ Sináncasmai ca atun bëmánan pëqui ratuti canancëxa: —¿Galilea menuaxa ucë unishima cara axa xubunu timë́ax banacë unicama ënëx 'ic?

Hechos 2:7 ပူးပေါင်းရင်းမြစ်များ

Mateo 21:11

Canania ca axa Jesúsbë ꞌicë unicaman cacëxa: —Ënëx ca Jesús, an Nucën Papa Dios quicë bana unicama ñuixuncë, a ꞌicën, ax ca Galilea menu ꞌicë ëma, Nazaret, anuaxa ucë ꞌicën.

Mateo 26:73

Usaquian cacëa panácëma ꞌaínshi ca anu ꞌicë uni raírinën anu cuanquin Pedro cacëxa: —Mix camina Galileanu ꞌicë unix banacësari banain. Usa ꞌaish camina mix Jesúsbë nicë uni a ꞌain.

Mateo 8:10

Usaía judíosma uni ꞌaíshbi a capitán quia cuaquin ca Jesusan an a nuibiancë unicama cacëxa: —Asérabi cana ꞌën mitsu cain, ënë uníxa ꞌëmi catamëcësaribitia ꞌia cana judío uni achúshibi iscëma ꞌain.

Marcos 1:27

Usoia isi ca anu ꞌicë unicama ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënëx ca nun cuacëma bana ꞌicën. Ënë uni ca ñunshin ꞌatimanënbi aín bana cuatia. Uninuax —ca chiquit —quixuan cacëx ca chiquitia.

Marcos 2:12

Cacëxëshi niruquin aín bacë́ti bibiani ca a uni, anu ꞌicë unicaman ismainunbi cuancëxa. Usaría cuania isi ratuti ca Nucën Papa Dios rabi quicancëxa: —Ësa ñu cananuna isáma ꞌain.

Juan 7:52

Cacëxun ca sacerdotenën cushicamabëtan fariseo unicaman Nicodemo cacëxa: —¿Mixribi caramina Galilea menu ꞌicë uni ꞌain? Nucën Papa Diosan bana cuënëo upí oquin isquin camina isti ꞌain, uisa ꞌaíshbi ca an Nucën Papa Dios quicë bana unicama ñuixuncë uni Galilea menu ꞌicë uni ꞌicëma ꞌicën.

Hechos 1:11

Usa ꞌixun ca atu cacëxa: —Galileanu ꞌicë unicama, ¿añuaquin caramina manámia isabatin? Jesús, axa bërí naínu cuancë, ënëx ca mitsúnmi cuania iscësa ësaribicuatsini utëcënuxun ꞌaia.

Hechos 2:12

Usai ꞌicëbë ca camáxbi ratuti sináncasmai canancëxa: —¿Uisa ꞌaish cara usa ꞌiti ꞌic?

Hechos 2:8

¿Usa ꞌicëbi caranuna bëtsi bëtsi nëtënuax uá ꞌixunbi atun bana nun banasabi ꞌicë cuatin? ¿Uisa ꞌaish cara usa ꞌiti ꞌic?

Hechos 3:10

Isi ca, ënë unix ca an anuxun Nucën Papa Dios rabiti xubu xëcuë Upíira cacë, anu tsóxun uni curíqui ñucácë a ꞌicë quixun ꞌunani atun bëmánan pëqui ratúcancëxa.