Hechos 2:47 - Kashibo-Kakataibo Biblia

⁴⁷ Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Nukën 'Ibu Diosan ain unikama 'inan ain bana

⁴⁷ Usaía 'ia isquin ca axa atubë timë́cëma unicaman —atux ca asérabi upí nuituñu 'icë —quixun sináncëxa. Sinania ca uicamax cara ainan 'iti 'icë acamaxa Jesucristomi sinánun Nucën 'Ibu Diosan 'imiacëxa.

Hechos 2:47 ပူးပေါင်းရင်းမြစ်များ

Lucas 19:48

Usai ꞌësë́nanquinbi ca ꞌapuma unicama aín bana cuati ami sináncë ꞌain uisoxun ꞌati cara quiax sináncasmacëxa.

Lucas 2:52

Sinánmainun ca Jesús caniacëxa. Cani aín nami cushi ꞌianan ca ñu upí oquin ꞌunáncëxa. Usa ꞌicë ca —ax ca upí tuá ꞌicë —quixun camabi unin cuëënquin nuibacëxa. Nuibamainun ca Nucën Papa Diosanribi a isi cuëënquin nuibacëxa.

Hechos 11:21

Nucën ꞌIbu Diosan cushiocëxuan a unicaman aín bana ñuixuncëxun cuati ca ꞌitsa uni atúan bëráma ñu ꞌaisama ꞌacëcama ënquin sinanati, Nucën ꞌIbu Jesúsmi catamëacëxa.

Hechos 11:24

Ax upí nuituñu ꞌianan Jesucristomi catamëcë ꞌaish Nucën Papa Diosan Bëru Ñumshin Upíñu ꞌixuan Bernabénën usaquin cacëxun cuati ca ꞌitsaira uni Nucën ꞌIbu Jesúsmi catamëacëxa.

Hechos 13:48

Usoquian caia cuati ca judíosma uni raírinëx cuëëni, —Nucën Papa Diosan bana ënëx ca asábi ꞌicë —quiacëxa. Usa ꞌaish ca uicamax cara Nucën Papa Diosnan ꞌaish xënibua ꞌaínbi abë ꞌiti ꞌicë acamax Jesucristomi catamëacëxa.

Hechos 14:1

Antioquíanuax cuanx Iconio ëmanu bëbax ca Pablobë Bernabé anua judíos unicama timë́ti xubunu atsíancëxa. Atsínxuan bana ñuixuncëx ca ꞌitsaira judíos uni ꞌimainun judíosma uni acamaxribi ami sinani Jesúsmi catamëacëxa.

Hechos 14:21

Cuanx bëbatancëxun ca —Jesucristomi catamëti ca aín ꞌuchacama tërë́ncë ꞌaish uni Nucën Papa Diosnan ꞌiti ꞌicë —quixun unicama bana ñuixuancëxa. Ñuixunia cuati ca ꞌitsa uni Jesucristomi catamëacëxa. Usaquin ꞌatancëx ca Derbenuax Listranu cuantëcëanx Icónionu cuanan Antioquíanuribi cuantëcëancëxa.

Hechos 16:5

Usaquian Pablobëtan Timoteonën bëtsi bëtsi ëmanu cuanquin bana ñuixuncëx ca axa ami catamëcë unicamax upiti Jesúsmi sináncëxa. Usai ꞌicëbëa camabi nëtën uni raírinëxribi ami sináncëbë ca axa Jesucristomi catamëcë unicama ꞌaisamaira ꞌiacëxa.

Hechos 17:12

Usaquin ꞌai ca atux ꞌitsáxira —asérabi ca —quixun sinani Jesucristomi catamëacëxa. Usai ꞌimainun ca griego banan banacë unicama ꞌimainun xanucamaribi —upí sinánñu ca —quixuan unin ꞌunáncë, acamax Jesucristomi catamëacëxa.

Hechos 2:39

Ënë banacamax ca mitsu ꞌimainun mitsun bëchicëcama ꞌimainun bëtsi unicamanribi cuati oquin Nucën Papa Diosan mënío ꞌicën. Amia sinánmisa tancë unicamanribi cuati oquin ca usoquin mëníocëxa.

Hechos 2:41

Usaquian Pedronën cacëxun cuaquin ca ꞌitsa unin —asérabi ca a bana ꞌicë —quixun sináncëxa. Sinani ca a nëtë́nbi nashimicë ꞌaish tres mil uniribishi axa Jesúsmi sináncë unicamabë ꞌiacëxa.

Hechos 4:21

Usaquin cacëxun ca ꞌapucaman castícainsa tanquinbi, atun uni pëxcucë cupía unicaman Nucën Papa Dios rabicëbëtan ꞌama ꞌicën. Usa ꞌixun ca —ñuixuntëcënia caranuna mitsu uisoti ꞌai —quixuinshi catancëxun cuantánun ëancëxa.

Hechos 4:33

Usaxun ca Jesusan aín bana ñuixunun caíscë unicaman atun iscë ꞌixun, Nucën ꞌIbu Jesús bamacë ꞌaíshbia baísquicë ñuiquin, racuë́quinma upí oquin Nucën Papa Diosan ꞌaquincëxun unicama ñuixuancëxa. Usa ꞌain ca an bana ñuixuncë unicamacëñun an aín bana cuacë unicamaribi upí sinánñu ꞌaish cuëënun Nucën Papa Diosan ꞌimiacëxa.

Hechos 4:4

Usa ꞌaínbi ca an a ñuiquin bana ñuixuncëxun cuati Jesúsmi catamëcë unicamax ꞌitsaira ꞌiacëxa. Acamax ca xanucëñunma nucë bënëcamaishi tupúncëx cinco milsa ꞌiacëxa.

Hechos 6:1

Usomainun ca amiribi amiribi an Nucën Papa Diosan bana cuati unicamax ꞌitsacëxa. Griego banan banacë unicama ꞌimainun hebreo banan banacë judíos unicamaribi ca Jesucristomi catamëacëxa. Usa ꞌaish ca axa hebreo banan banacë unicama ñui ësai griego banan banacë unicamax quiacëxa: —Camabi nëtën piti mëtícaquinbi ca nun aintsi xanu casunamëcë a piti ꞌinanima.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Hechos 9:31

Usa ꞌain ca Judea menu ꞌimainun Galilea menu ꞌimainun Samaria menuribi, axa Jesucristomi catamëcë unicama uínbi ubíocëma ꞌaish chuámarua bucüacëxa, usai ꞌi ca Jesucristomi catamëti ꞌitsarui cushiacëxa. Usaía ꞌicëbë ca raíri uniribi abë timëti Nucën ꞌIbu Diosan bana upí oquin cuati, aín Bëru Ñumshin Upitan ꞌaquincëx ꞌitsarui Jesúsmi sináncëxa.

Hechos 9:35

Usai ꞌiáxa Eneas nitsia isi ca Lida ëma ꞌimainun Sarona menu ꞌicë unicama, usama ꞌaíshbi sinanati Nucën ꞌIbu Jesucristomi catamëacëxa.

Romanos 14:18

Usai ꞌicë unicamax ca Cristo cuëëncësabi oquin ꞌacë ꞌaish Nucën Papa Diosan iscëx upí ꞌianan unínribia iscëx upí ꞌicën.

Romanos 8:30

Uicamax cara usai ainan ꞌiti ꞌicë quixun ꞌunánquin ca Nucën Papa Diosan acama an sinánmicëxa ami catamëtia atun ꞌuchacama tërë́nquin ainan ꞌimiaxa. ꞌImiquin ca atux aín nëtënu abë ꞌiti ꞌimiaxa.

Romanos 9:27

Isaíasnënribi ca Nucën Papa Diosan ꞌamicëxun judíos unibu ñuiquin ësaquin cacëxa: “Israelnën rëbúnqui ꞌaisamaira, parúnpapa cuëbí ꞌicë masisa, ꞌaíshbi ca acama ꞌitsamanëxëshi asérabi Nucën Papa Diosnan ꞌinux ië́ti ꞌicën.

1 Corintios 1:18

Cristo ca unin ꞌucha cupí i curúsocënu bamacëxa quixun ñuicë bana a ca an Nucën Papa Dios cuëëncëma unicaman —a banax ca cëmë ꞌicë —quixun ñuiquin ꞌusania. Usa ꞌaínbi ca axa Nucën Papa Diosbë ꞌinux ië́ti unicaman a bana cuaquin, aín cushin ꞌimicëx cananuna nun ꞌuchacama tërë́ncë ꞌaish Nucën Papa Diosnan ꞌai quixun ꞌunania.