Hechos 2:45 - Kashibo-Kakataibo Biblia

⁴⁵ Usai ꞌiquin ca atun ñu maruanan aín me maruxun curíqui bixun ñuñuma unicama ꞌináncëxa.

Nukën 'Ibu Diosan ain unikama 'inan ain bana

⁴⁵ Usai 'iquin ca atun ñu maruanan aín me maruxun curíqui bixun ñuñuma unicama 'ináncëxa.

Hechos 2:45 ပူးပေါင်းရင်းမြစ်များ

Mateo 19:21

Cacëxun ca Jesusan cacëxa: —Mix Nucën Papa Dios cuëëncësabi oi ꞌiisa tanquin camina cuanxun min ñucama maruquin curíqui bixun ñuñuma unicama ꞌinánti ꞌain. Usotancëx camina mix ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 16:9

ꞌËn cana mitsu cain, mitsun curíqui anun camina uni itsi ꞌaquinsa ꞌicë ꞌaquinti ꞌain. ꞌAquincëx mitsubë nuibanancë ꞌianan ꞌënan ꞌaish bamatancëxun ca mitsúxribimi ꞌëbë ꞌinun, ꞌën ꞌiti anuxun mitsu caínti ꞌicën.

Lucas 18:22

Cacëxun cuaquin ca Jesusan cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 19:8

Usa ꞌain ca manámi chairuquin Zaqueonën Jesús cacëxa: —ꞌËn cana mi cain, bërí cana ꞌën curíquicama mësú usaribi ꞌënan ꞌinun bianan usaribi ñuñuma unicama ꞌinani cuanin. ꞌInánan cana ꞌën aín curíqui mëcama uni, ꞌën ainan mëcama inumiquin rabë́ ꞌimainun rabë́ oquin ꞌinánti ꞌain.

Hechos 11:29

Usai ꞌicëbëa Judeanu ꞌicë axa Jesucristomi catamëcë unicamax atun piti ñuñuma ꞌicë ñuicania cuaxun ca Antioquíanu ꞌicë unicaman curíqui atu buánmiti sináncëxa, axa ꞌitsa curíquiñucaman uiti cara nainsa tania ꞌati nanmainun uicamax cara ꞌitsamashi curíquiñu ꞌicë acamanribi uiti cara nainsa tania ꞌati nantancëxun.

Hechos 4:34

Uinu ꞌicë uníxbi ca anun aín piti aín chupa marutiñuma ꞌiáma ꞌicën. Naëñu unicaman atun naë marumainun ca xubuñu unicamanribi atun xubu maruacëxa.

Hechos 4:35

Maruxun curíqui bixun ca Jesusan aín bana ñuixunun caíscë unicama ꞌináncëxa. ꞌInáncëxun bixun ca atun uinu ꞌicë unix cara anun aín piti, aín chupa maruti ꞌaíma ꞌicë, a curíqui mëtícaquin ꞌináncëxa. ꞌInáncëx ca uni achúshiratsubi ñuñuma ꞌiáma ꞌicën.

2 Corintios 9:1

Cana ꞌunanin, ꞌën cacëxunmabi camina mitsúnbi cuëënquin axa Jesucristomi catamëcë unicama curíqui buánmiti sináncancën. Usaquinmi sináncë cupí cana mitsu ñuiquin —bëtsi baritian ca Acaya menu ꞌicë unicaman curíqui timëti sinánxa —quixun Macedonia menu ꞌicë unicama cain. Usaquin ꞌën ñuia cuaquin ca Macedonianu ꞌicë unicaman mitsun ꞌacësaribi oquin ꞌati sinánxa.

2 Corintios 9:9

Usa ꞌain ca axa ami sináncë uni ñui Nucën Papa Diosan bana cuënëo ësairibi quia: Upí oquin sinánxun ca ñuñuma uni ñonquinma ꞌitsaira ꞌinánxa. Usoquian ꞌacë a ca Nucën Papa Diosan manuquinma xënibua ꞌaínbi sinania.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.