Hechos 2:43 - Kashibo-Kakataibo Biblia

⁴³ Usa ꞌain ca atun ꞌaia isía, a ëmanu ꞌicë unicamax ratúmainun aín bana ñuixunuan Jesucristonën caíscë unicaman uni itsin ꞌacëma ñu ꞌacëxa.

Nukën 'Ibu Diosan ain unikama 'inan ain bana

⁴³ Usa 'ain ca atun 'aia isía, a ëmanu 'icë unicamax ratúmainun aín bana ñuixunuan Jesucristonën caíscë unicaman uni itsin 'acëma ñu 'acëxa.

Hechos 2:43 ပူးပေါင်းရင်းမြစ်များ

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Marcos 16:17

Axa ꞌëmi catamëcë unicaman ca Nucën Papa Diosan cushin uni itsin ꞌacëma ñu ësoquin ꞌati ꞌicën: ꞌënan ꞌixun ca ꞌën cushin uninua ñunshin ꞌatima chiquínti ꞌicën. Chiquíanan ca bëtsi banan banati ꞌicën.

Lucas 7:16

Usaía ꞌia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx ꞌicë —quianan ca —Nucën Papa Diosaxbi ca aín unicama ꞌaquini uaxa —quiacëxa.

Lucas 8:37

Ñuixuncëxun ca a mecamanu ꞌicë unicaman racuë́iraquin aín nëtënuaxa cuantánun quixun Jesús cacëxa. Cacëx manë nuntinu ꞌiruquiani ca cuancëxa.

Juan 14:12

Asérabi cana ꞌën mitsu cain, ꞌëx Nucën Papa Diosnu cuancë cupí ca axa ꞌëmi catamëcë uni, an ꞌën ꞌacë ñuribi ꞌati ꞌicën, ꞌanan ca ꞌën ꞌacësamaira oquin ñu ꞌati ꞌicën.

Hechos 2:22

Usaquin canan ca Pedronën ësaquinribi cacëxa: —Israel unicama, ꞌën mitsu camainun ca cuat: Jesús Nazaretnu ꞌicë, an ca Nucën Papa Diosan ꞌamicëxun mitsúnmi ismainunbi, ax ca Nucën Papa Diosnuax uá ꞌicë quixuan unicaman ꞌunánun, uni itsían ꞌacëma ñuira ꞌaxa. An ꞌacë ñucama camina mitsun ꞌunan.

Hechos 4:33

Usaxun ca Jesusan aín bana ñuixunun caíscë unicaman atun iscë ꞌixun, Nucën ꞌIbu Jesús bamacë ꞌaíshbia baísquicë ñuiquin, racuë́quinma upí oquin Nucën Papa Diosan ꞌaquincëxun unicama ñuixuancëxa. Usa ꞌain ca an bana ñuixuncë unicamacëñun an aín bana cuacë unicamaribi upí sinánñu ꞌaish cuëënun Nucën Papa Diosan ꞌimiacëxa.

Hechos 5:5

Ësai quia cuatishi ca Ananías nipacëti bamacëxa. An usai bamacë ñuicania cuacë unicamax ca racuë́iracëxa.

Hechos 9:34

Mëraquin ca Pedronën cacëxa: —Eneas, Jesucristonën ca mi pëxcuia. Ca nirut, niruxun ca min anu ꞌuxti mëníot. Cacëxëshi ca niruacëxa.

Hechos 9:40

Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.