Hechos 2:42 - Kashibo-Kakataibo Biblia

⁴² Usai ꞌitancëx ca an bana ñuixunuan Jesusan caíscë unicaman bana ñuia cuaquin upí oquin sinani camáxbi nuibanancëxa. Nuibanani ca camabi nëtën timë́quin, ënima Nucën Papa Diosbë bananan pán tëcë́npaxun pi, camáxbi achúshinën sinánsashi ꞌaish a ëmanu bucüacëxa.

Nukën 'Ibu Diosan ain unikama 'inan ain bana

⁴² Usai 'itancëx ca an bana ñuixunuan Jesusan caíscë unicaman bana ñuia cuaquin upí oquin sinani camáxbi nuibanancëxa. Nuibanani ca camabi nëtën timë́quin, ënima Nucën Papa Diosbë bananan pán tëcë́npaxun pi, camáxbi achúshinën sinánsashi 'aish a ëmanu bucüacëxa.

Hechos 2:42 ပူးပေါင်းရင်းမြစ်များ

Lucas 24:30

Atsíntancëx mesanu a uni rabë́bë tsóbuxun ca pán bixun —asábi ca —Nucën Papa Dios catancëxun, tucapaquin atu ꞌináncëxa.

Lucas 24:35

Usaquian cacëxun cuaquin ca Emaúsnuax ucë uni rabëtan, usai ca bainuax nubë ꞌipunia quixun canan —nua pán mëtícaquin ꞌináncëxuinshi cananuna ax ca asérabi Jesús ꞌicë quixun ꞌunánpuni —quixun cacëxa.

Hechos 1:14

A unicamax ca atúxa ꞌicësabi oi ꞌi, Jesusan xucë́antu ꞌimainun aín tita María ꞌimainun bëtsi xanucamabëribi timë́ax ami sinani Nucën Papa Diosbë banacëxa.

Hechos 11:23

Xucëx cuanx bëbaquin, Nucën Papa Diosanbia atu judíos uni ꞌicëmabi chuámarua ꞌaísha upí nuituñu ꞌinun ainan ꞌimicë isi ca Bernabé cuëëancëxa. Cuëënquin ca ꞌësëquin cacëxa: —Mitsúnmi bëráma ꞌacë ñu ꞌatëcëníma camina Nucën ꞌIbu Jesús ami ëníma catamëti ꞌain.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 20:11

Catancëx manan ꞌirutëcënxun, pán tucapaxun pianan pëcaratamainun bana ñuixunëti, ca Pablo atu ëbiani cuancëxa.

Hechos 20:7

Anu ꞌaish cananuna domingo nëtën axa Jesucristomi catamëcë unicamabë pán tucapaxun pi timë́acën. Timë́an ca Pablonën, imëishinu cuanti ꞌain, ñantónpaquin ꞌuran bana ñuixuancëxa. Usoquin ca imë́ naëx ꞌitámainun ꞌacëxa.

Hechos 4:23

Usa ꞌain ca cuanxun Pedrobëtan Juanën —judíos sacerotenën cushicamabëtan ca caniacëcë unicaman nu usaquin caxa —quixun aín raíri ñuixuancëxa.

Hechos 4:31

Usaquin abë banaquin Nucën Papa Dios catancë́xa sënë́ncancëbë ca anua bucucancë xubu ax shaíquiacëxa. Usaía ꞌicëbëshi aín Bëru Ñumshin Upí atunu ucëbëtan ca an quimicëxun racuë́quinma Nucën Papa Diosan bana unicama ñuixuancëxa.

Hechos 6:4

Usocëbëtan cananuna nun abë banaquin Nucën Papa Dios unicama ñucáxuanan aín bana ñuixunti ꞌain.

Romanos 12:12

Nucën Papa Diosan ca ax quicësabi oquin mitsu ꞌaquianan abë ꞌinun mitsu ꞌimiti ꞌicë quixun sinani camina chuáma tani cuëëni bucuti ꞌain. Tëmëraibi camina masá nuituti bënë́tima ꞌain. Ënima camina Nucën Papa Diosbë banati ꞌain.

1 Corintios 10:21

Nucën ꞌIbu Jesucristo ca nun ꞌucha cupí bamacëxa quixun sinánquin uvas bimi aín baca ꞌacë ꞌixun camina uni itsibëtan ñunshin ꞌatima rabiquin xëati ñu xëatima ꞌain. Nucën ꞌIbu Jesucristo sinánquin uvas bimi aín baca ꞌanan pán picë ꞌixun camina ñunshin ꞌatima sinánquin a rabiquin ꞌati ñu pitima ꞌain.

1 Corintios 11:2

ꞌËn xucë́antu, mitsun ꞌë manuquinma camina ꞌën mitsu ñuixuncë bana quicësabi oquin ꞌain. Usaími ꞌia cuaquin cana —asábi ca —quixun mitsu cain.

1 Corintios 14:6

ꞌËn xucë́antu, ësaquin cana mitsu cain. Mitsu isi cuanx Nucën Papa Dios rabi unin cuacëma banan banaquinbi, an ꞌë sinánmicë ñu mitsu ñuixuncëma ꞌianan usai ca axa Jesúsmi sináncë uni ꞌiti ꞌicë quixun caíma, ꞌianan Nucën Papa Diosan bana mitsu upí oquin sinánmiquin ꞌësëima, ꞌianan aín bana ñuiquin mitsu ꞌunánmicëma ꞌaish cana upitimi Jesúsmi sinánun mitsu ꞌaquincëma ꞌitsían.

Gálatas 1:6

Cristonën nuibacë ꞌaíshmi ainan ꞌinúan Nucën Papa Diosan caísquin sinánmicë ꞌixunbimi mitsun aín bana ënquin bëtsi bana cuacëbëtan, cana uisacatsi caramina usari ꞌicani quixun sinanin.

Efesios 2:20

Mitsux camina an aín bana uni ñuixunun Jesusan caíscë unicama ꞌimainun an Nucën Papa Dios quicë bana uni ñuixuncë unicaman ñuiasabi oi, Jesucristomi catamëti ami cushicë ꞌain. Usa ꞌaish camina unin maxax xubu oquin ami cushiti pain nantancëxun raíriribi bucúnrucësaribi ꞌain, Cristo a pain nancë maxáxsa ꞌain.

Efesios 6:18

Usai ꞌiquin camina aín Bëru Ñunshin Upitan sinánmicësabi oquin añu caramina ꞌai a ñu ꞌai Nucën Papa Diosbë bananan an mitsu ꞌaquinun ñucáti ꞌain. Usai abë bananux camina atsanima ami manúaxma ꞌianan axa Jesucristomi catamëcë unicamaribi Nucën Papa Dios ñucáxunti ꞌain.

Filipenses 1:5

ꞌËn mitsubë timë́xun bana ñuixuntabacëxun camina ꞌën ꞌacësaribi oquin, Jesucristomi catamëquin uni raíriribi amia catamënun ꞌaquinin. Usa ꞌain cana —asábi ca —quixun caquin Nucën Papa Dios rabin.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 4:2

Ami manúquinma ábi sinani camina atsánquin ëníma Nucën Papa Diosbë banati ꞌain. —Asábi ca —quixun cai camina abë banati ꞌain.

2 Timoteo 3:14

Usa ꞌaínbi camina a ëníma mínmi ꞌunáncë bana quicësabi oi ꞌiti ꞌain. —Asérabi ca —quixun sinánquin camina a bana ꞌunan. Uicaman cara mi ꞌunánmiaxa quixun camina ꞌunanin.

Hebreos 10:25

Usabi ꞌicë aísha bëtsi bëtsi uni axa Jesucristomi catamëcë unicamabë timë́tisama tancëbëbi cananuna nux usai ꞌima, aín unicamabë timë́anan bëtsibë bëtsibë Jesucristomia catamënun ꞌaquiananti ꞌain, Jesucristo utëcënti nëtë ca ꞌurama ꞌicë quixun sinani.

Hebreos 10:39

Usaía an aín bana ꞌaquinbi ëncë uni ax Nucën Papa Diosan nëtënu abë ꞌitima ꞌaínbi cananuna nun ami catamëquin ëncëma ꞌaish, asérabi Nucën Papa Diosnan ꞌaish aín nëtënu abë ꞌiti ꞌain.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.

Judas 1:20

ꞌËn nuibacë xucë́antu, ami catamëcë ꞌaish camina camabi nëtën asérabi Jesucristomi sinánti ꞌain. Ami sináncëxun ca an mitsu sinánmiti ꞌicën, an sináncësaribi oquinmi sinánun. Aín Bëru Ñunshin Upitan ꞌaquincëx camina Nucën Papa Diosbë banati ꞌain.