Hechos 2:40 - Kashibo-Kakataibo Biblia

⁴⁰ Usoquin canan ca bana raíriribi ñuixunquin Pedronën ꞌësëquin cacëxa: —Ënë nëtënu ꞌicë unían a ꞌunáncëma ꞌaínbi camina mitsux Jesucristomi sinanati Nucën Papa Diosnan ꞌinux ië́ti ꞌain.

Nukën 'Ibu Diosan ain unikama 'inan ain bana

⁴⁰ Usoquin canan ca bana raíriribi ñuixunquin Pedronën 'ësëquin cacëxa: —Ënë nëtënu 'icë unían a 'unáncëma 'aínbi camina mitsux Jesucristomi sinanati Nucën Papa Diosnan 'inux ië́ti 'ain.

Hechos 2:40 ပူးပေါင်းရင်းမြစ်များ

Mateo 12:34

Mitsux ꞌatima ꞌixun uni paráncë ꞌaish camina mitsun raracama ꞌiásaribiti an uni picë runusaribi ꞌain. Unix ca aín nuitu mëúa sináncësaribi oi aín cuëbitan banaia. Mitsun nuitu ꞌaisama ꞌain camina ꞌatimati banain.

Mateo 16:4

Ënë unicama Nucën Papa Diosmi sináncëma ꞌixun ca atun isnun uni itsin ꞌacëma ñu ꞌanun quixun ꞌë caia. Usa ꞌaínbi cana, ꞌëx cana asérabi Nucën Papa Diosnuax uá ꞌai quixun atun ꞌunánun, bëtsi ñuribi atúan ñucácëxunbi ꞌaiman. Ënëishi cana mitsu cain, Jonás ꞌiásaribiti cana ꞌëx ꞌiti ꞌain. Usoquin cabiani ca Jesús anu ꞌicë unicama ëbiani cuancëxa.

Mateo 17:17

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi nëtën carana ꞌëx mitsu cupí masá nuituti ꞌain? ꞌË ca a tuá bëxun.

Mateo 23:33

ꞌAtima ꞌixun uni paráncë ꞌaish camina mitsux runu an uni picë asa ꞌain, mitsun raracama ꞌiásaribiti camina ꞌin. Mitsúxmi usai ꞌicë cupí ca Nucën Papa Diosan asérabi mitsux bamaia anuaxmi tëmërati manë tsinu mitsu ꞌimiti ꞌicën.

Marcos 8:38

Ui unix cara ꞌënan ꞌicëbia axa ꞌëmi sináncëma unin ꞌusánti sinani ꞌënan ꞌitimi rabíanan ꞌën bana quicësai ꞌitimi rabinia, a uníxa ꞌënan ꞌitimi cana ꞌëxribi rabínti ꞌain, uni ꞌinux anuax uá ꞌaish cuantancëx ꞌën Papa Diosbë ꞌApu ꞌitancëx aín ángelcamabë utëcëni.

Lucas 16:28

ꞌËx cana mëcën achúshi xucë́nñu ꞌain. Atúxribi ënu paë tani tëmërai uaxma ꞌinuan, uisa cara ënu ꞌicë quixun atu canun camina Lázaro xuti ꞌain.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Juan 21:25

ꞌËn mitsu ñuixuncë bana ënë ꞌimainun ca bëtsi ñucamaribi Jesusan ꞌacëxa. A ñucama ñuiquin achúshi achúshi cuënëocëxbi ca a quirica camabi menu sënë́ntima ꞌicën. Ashi.

Hechos 10:42

Usa ꞌicë ca aín bana unicama ñuixunun xuquin nu ësaquin cacëxa: Nucën Papa Diosan ꞌimicëxun cana ꞌën, uni bamacëmacama ꞌimainun bamacë unicamaribi, uisaira cara ënë menuax ꞌiaxa quixun ꞌunánquin, Nucën Papa Diosbë cara ꞌiti ꞌicë, cara ꞌitima ꞌicë quixun cati ꞌain. Usaquin camina unicama ñuixunti ꞌai quixun ca Jesusan nu cacëxa.

Hechos 15:32

Usa ꞌain ca an Nucën Papa Diosan sinánmicëxun bana uni ñuixuncë uni ꞌixun Judas ꞌimainun Silasnën ꞌitsa oquin bana ñuixunquin anu ꞌicë unicama ꞌësëacëxa. ꞌËsëcëxun upí oquin Jesús sinani chuámarua tani ca unicama cuëëancëxa.

Hechos 20:11

Catancëx manan ꞌirutëcënxun, pán tucapaxun pianan pëcaratamainun bana ñuixunëti, ca Pablo atu ëbiani cuancëxa.

Hechos 20:2

Cuanquin ca a menua ꞌicë ëmacamanua ꞌicë axa Jesucristomi catamëcë unicama, ëníma Jesúsmi catamënun quixun caquin sinánmiacëxa. Sinánmibiani ca Grecia ꞌicëbi Acayaribi cacë menu cuancëxa.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 20:9

Usaquian Pablonën manámi ꞌicë xubu cata rabë́ ꞌimainun achúshi, anuxun bana ñuixuncëbëbi ca bëná uni achúshi, Eutico cacë, ax xubu manámia ꞌicë xëcuë anu tsotax, ꞌuxcënan tënáncëx ꞌuxax ëman nipacëacëxa. Nipacëtía bamaia ca bicancëxa.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.

Hechos 4:36

Axa usai ꞌaquianancë unicama achúshi ca Levitan rëbúnqui, José cacë, Chipre nasínu ꞌicë, ꞌiacëxa. Ax ca Jesusan caíscë unicaman Bernabé caquinribi anëcë ꞌiacëxa. A banax ca an masá nuitutiabi cuëënmicë qui quicë ꞌicën.

2 Corintios 5:20

Nux Cristonën ꞌimicë ꞌixun cananuna an sinánmicësabi oquin mitsu ësaquin cain, Nucën Papa Dios anbia mitsu cacësa ꞌinun: Nucën Papa Diosbë upí ꞌinux camina min ꞌuchacama tërë́ncë ꞌinun Jesucristomi catamëti ꞌain.

2 Corintios 6:17

Ësairibi ca Nucën ꞌIbu Diosan bana quia: Axa ꞌëmi sináncëma unicamabë ꞌima ꞌianan camina atun sináncësaribi oi ꞌicantima ꞌain. Usai ꞌiquin camina ꞌëx cuëëncëma ñu ꞌatima ꞌain. Usai ꞌia cana ꞌënan mitsu ꞌimiti ꞌain.

Gálatas 5:3

Cana mitsu catëcënin, uicaman cara —ꞌunántioracacëma ꞌaish cana Nucën Papa Diosan iscëx ꞌën nuitu upí ꞌinux ꞌunántioracacë ꞌiti ꞌai —quixun sinania, a unicaman ca ꞌunántioracacë ꞌiti ashima camabi usai ca judíos unicama ꞌiti ꞌicë quixun Moisésnën cuënëo bana quicësabi oquin ꞌati sinánti ꞌicën.

Efesios 4:17

Nucën ꞌIbu Jesucristonën ꞌë sinánmicësabi oquin cana mitsu cain, axa Nucën Papa Diosmi sináncëma uníxa ꞌicësaribiti ꞌiá ꞌaíshbi camina usai ꞌitëcëntima ꞌain. A unicamax ca Nucën Papa Dios cuëëncësa oíma atúnbia sináncësa oíshi ꞌi bucuia.

Deuteronomio 32:5

Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania:

Filipenses 2:15

bëtsi unicaman, mitsúxmi ñu ꞌaisama ꞌaíma Nucën Papa Dios cuëëncësabi oíshi ꞌia isnun. Usai ꞌia ca ꞌaisama ꞌaísha ax ami sináncëma unicaman, Nucën Papa Diosan bëchicë ꞌaíshmi mitsun nuitu upí ꞌicë isti ꞌicën. Usa ꞌaish camina mitsux ꞌispacaman bëánquibucë ꞌicëbi pëcacë usaribi ꞌain,

1 Tesalonicenses 2:11

Usaribi oquin camina ꞌunanin, unían aín bëchicë ꞌacësaribi oquin cananuna mitsu achúshi achúshi upí oquin sinánmiquin ꞌësëa quixun.

1 Timoteo 4:16

Amanu amanua sinanima camina a bana quicësabi oi ꞌianan a banaxa quicësabi oquin uni bana ñuixunti ꞌain. Usaquin ꞌaími mix ië́cë ꞌimainun ca an mínmi a bana ñuixuncëxun cuacë unicamaxribi Nucën Papa Diosnan ꞌinux ië́cë ꞌiti ꞌicën.

1 Pedro 5:12

Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.