Hechos 2:4 - Kashibo-Kakataibo Biblia

⁴ Usacëbëshi ca Nucën Papa Diosmi cushii aín Bëru Ñumshin Upitan ꞌimicëx anu ꞌicë unicamax bëtsi bëtsi banan banacëxa.

Nukën 'Ibu Diosan ain unikama 'inan ain bana

⁴ Usacëbëshi ca Nucën Papa Diosmi cushii aín Bëru Ñumshin Upitan 'imicëx anu 'icë unicamax bëtsi bëtsi banan banacëxa.

Hechos 2:4 ပူးပေါင်းရင်းမြစ်များ

2 Samuel 23:2

Ësai ꞌëx banakë ax ka ꞌënbi sinanx ꞌikëma ꞌikën ax ka Diosan bëru ñunshin an ꞌë sinánmikëx banakë ꞌikën, uisai kinun kara ꞌë sinánmia usaibi ki kana kantain.

Isaías 28:11

Asabi ka mitsunmi bana kuaisama tania, ka Diosan bëtsi banan banakin kuaisama ꞌitánun ënë unikama kati ꞌikën.

Ezequiel 3:11

Anu kuanxun kamina min aintsikama mi këñunbia ñatanbiankin buan, akama min kakëxun kara kuati ꞌikë, kara kuaisama tanti ꞌikë abi. Ësai ka Nukën ꞌIbu kiaxa kati ꞌain.”

Miqueas 3:8

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Mateo 10:19

A unicaman mitsu ꞌapunu buáncëxun camina racuë́quin —uisai carana quiti ꞌai —quixun sinánan —uisa banan carana cati ꞌai —quixun sinántima ꞌain. Nucën Papa Diosan ca mitsúxmi banacëbëtainshi uisaquin caramina cati ꞌai quixun mitsu sinánmiti ꞌicën.

Marcos 16:17

Axa ꞌëmi catamëcë unicaman ca Nucën Papa Diosan cushin uni itsin ꞌacëma ñu ësoquin ꞌati ꞌicën: ꞌënan ꞌixun ca ꞌën cushin uninua ñunshin ꞌatima chiquínti ꞌicën. Chiquíanan ca bëtsi banan banati ꞌicën.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Lucas 1:41

Usaquin Marianën cacëxuan Elisabetnën cuacëbëshi ca aín pucunuax aín tuá ubíacëxa. Usai ꞌicëbëtan ca Nucën Papa Diosan Bëru Ñunshin Upitan upí oquin Elisabet sinánmiacëxa.

Lucas 1:67

Usai quimainun ca a tuacën papa, Zacarías, ax aín Bëru Ñunshin Upíñu ꞌaish, Nucën Papa Diosan sinánmicëx cuëëni quiacëxa:

Lucas 12:12

Nucën Papa Diosan Bëru Ñunshin Upitan ca mitsúxmi banacëbëtanshi uisaquin caramina cati ꞌai quixun mitsu sinánmiti ꞌicën.

Lucas 4:1

Juanëan Jordán bacanuxun nashimicëbë abë ꞌixun ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa.

Juan 14:26

Usa ꞌaínbi ca Nucën Papa Diosan ꞌë cupíshi aín Bëru Ñunshin Upí, an uni ꞌaquinti, xuti ꞌicën. Xucëxun ca an camabi ñu ꞌunánmianan ꞌën ñuixuncë banacama manutimoquin mitsu sinánmiti ꞌicën.

Juan 20:22

Canan ca cuëbitan atumi uínpuquin atu cacëxa: —Nucën Papa Diosan Bëru Ñunshin Upíñu ca ꞌican.

Hechos 1:5

Asérabi ca Juanën uni ꞌunpaxan nashimiacëxa. Usa ꞌaínbi ca ꞌitsama nëtë ꞌicëma ꞌaínshi Nucën Papa Diosan aín Bëru Ñumshin Upí mitsubëa ꞌinun xuti ꞌicën.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 10:47

Usaria ca Pedronën cacëxa: —Nux ꞌicësaribitia Nucën Papa Diosan Bëru Ñumshin Upíñu ꞌicë cananuna ënë unicama, ꞌunpaxan nashimitima ca quixun catima ꞌain.

Hechos 11:15

Ësaquin ca ángelnën ꞌë caxa quixun an ꞌë camicë unin ꞌë cacëxun cana ꞌën Jesucristo ñuiquin anu ꞌicë unicama bana ñuixuan. Atu bana ñuixuncëbëbi ca Nucën Papa Diosan Bëru Ñumshin Upí nunua ucësaribiti atunu uaxa.

Hechos 11:24

Ax upí nuituñu ꞌianan Jesucristomi catamëcë ꞌaish Nucën Papa Diosan Bëru Ñumshin Upíñu ꞌixuan Bernabénën usaquin cacëxun cuati ca ꞌitsaira uni Nucën ꞌIbu Jesúsmi catamëacëxa.

Hechos 13:52

Cuanbi ca Antioquía ëmanu ꞌicë axa Jesucristomi catamëcë unicama aín Bëru Ñunshin Upíñu ꞌaish chuámashirua tani cuëëancëxa.

Hechos 13:9

Usa ꞌaínbi ca Saulo ꞌicëbi Pablo caquinribi anëcë, an Nucën Papa Diosan Bëru Ñunshin Upitan sinánmicëxun Barjesús ñachacëxa.

Hechos 15:8

An camabi unían sináncë ñu ꞌunáncë ꞌixun ca Nucën Papa Diosan, a unicamax ca judíosma ꞌaíshbi Jesucristomi asérabi sinánxa quixun ꞌunánquin, nu ꞌimicësaribi oquin aturibi aín Bëru Ñunshin Upíñu ꞌinun ꞌimiaxa.

Hechos 19:6

Usa ꞌain ca a unicama Pablonën aín mëcënan ramë́cëbë atunu Nucën Papa Diosan Bëru Ñunshin Upí uacëxa. Usaría ꞌicëbë unin ꞌunáncëma banan bananan ca a unicaman, usaquian Nucën Papa Diosan sinánmicë bana unicama ñuixuancëxa.

Hechos 2:11

ꞌImainun cananuna Creta cacë nasínu ꞌicë ꞌimainun Arabia cacë menu ꞌicë unicama ꞌain. Usa ꞌixunbi cananuna ënë unicaman, uisaira oquin cara Nucën Papa Diosan ñu ꞌaia quixuan ñuia nun banan quicësai quia cuatin.

Hechos 2:3

Usai ꞌishi ca tsi ërë́nrucësa ꞌaish rëquiabati anu ꞌicë unicaman maxcánu cëñúruacëxa.

Hechos 4:31

Usaquin abë banaquin Nucën Papa Dios catancë́xa sënë́ncancëbë ca anua bucucancë xubu ax shaíquiacëxa. Usaía ꞌicëbëshi aín Bëru Ñumshin Upí atunu ucëbëtan ca an quimicëxun racuë́quinma Nucën Papa Diosan bana unicama ñuixuancëxa.

Hechos 4:8

Ñucácëxun ca Nucën Papa Diosan Bëru Ñumshin Upitan quimicëxun Pedronën cacëxa: —Judíos ꞌapucama ꞌimainun caniacëcë unicama, cananuna mitsu cain:

Hechos 6:3

Usa ꞌain camina mitsun mëcën achúshi ꞌimainun rabë́ uni an piti mëtícanun caísti ꞌain. Aín sinan ca upí ꞌicë quixuan unin ꞌunáncë ꞌianan Nucën Papa Diosan Bëru Ñumshin Upitan upí oquin sinánmicë ꞌianan sinánñuira ca a unicama ꞌiti ꞌicën. Caístancëxun camina atúan uni piti mëtícanun cati ꞌain.

Hechos 6:5

Ësoquian cacëx ca camáxbi cuëëni —cananuna caísti ꞌai —quiax canancëxa. Canantancëxun ca Esteban, Nucën Papa Diosmi catamëcë ꞌicëa aín Bëru Ñumshin Upitan sinánmicë, acëñun Felipe, Prócoro, Nicanor, Timón, Parmenas, ꞌimainun Nicolás, Antioquíanu ꞌicë uni ꞌixunbia an judíos unicamabëtan Nucën Papa Diosan bana ꞌunáncë, acama caísacëxa.

Hechos 6:8

Esteban axa upí sinan ꞌianan Nucën Papa Diosmi cushicë uni an ca, an ꞌamicëxun uni itsin ꞌacëma ñu ꞌacëxa.

Hechos 7:55

Nishmainun ca naíu bësuquin aín Bëru Ñumshin Upitan cushiocë ꞌixun Estebanën Nucën Papa Diosan cushi isanan asaribi ꞌaísha Jesús aín Papa mëqueu nicë isacëxa.

Hechos 8:17

Ñucáxunquian Pedrobëtan Juanën aín mëcënan ramëcëx ca atux Nucën Papa Diosan Bëru Ñunshin Upíñu ꞌicancëxa.

Hechos 9:17

Usaquian Jesusan cacëx ca Ananías anua Saulo ꞌicë xubunu cuancëxa. Cuanx atsínxun ca aín mëcënan ramëquin Saulo cacëxa: —ꞌËn xucën Saulo, axa anúnmi ucë bainuax mibë banaëxancë, Nucën ꞌIbu Jesús, an ca minu unun ꞌë xuaxa, amiribishi istëcëananmi aín Bëru Ñumshin Upíñu ꞌinun.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

1 Corintios 12:10

Aín Bëru Ñunshin Upitan ꞌamicëxun ca bëtsi bëtsi unin, uni itsían ꞌacëma ñu ꞌaia. An sinánmicëxun ca bëtsi bëtsi unin Nucën Papa Diosan sinánmicësabi oquin aín bana unicama ñuixunia. An ꞌimicëxun ca bëtsi bëtsi unin, uni itsían bana ñuia cuaquin, asérabi cara Nucën Papa Diosan sinánmicëxun bana ñuia quixun ꞌunania. An sinánmicëx ca bëtsi bëtsi unix Nucën Papa Dios rabi, uni itsían cuacëma bana banaia. Banacëbëtan ca Nucën Papa Diosan aín Bëru Ñunshin Upitan sinánmicëxuan bëtsi unin uisai quicë cara a bana ꞌicë quixun uni ñuixunun ꞌunánmia.

1 Corintios 13:1

ꞌËx bëtsi bëtsi banan bananan anun ángel banacë banánribi banacëxbi ca uni nuibacëma ꞌaish ꞌën bana rata tancácësa ñancáishi ꞌicën.

1 Corintios 13:8

Ënë nëtëcama cëñúcëbëtan camaxunbi a ꞌunáncë cupí ca uinu ꞌicë unínbi Nucën Papa Dios quicë bana unicama ñuixuntëcëntima ꞌicën, uinu ꞌicë uníxbi ca Nucën Papa Dios rabi unin cuatima banan banatima ꞌicën, unían bëtsi uni ꞌunánmiti ca ꞌaíma ꞌiti ꞌicën. Usai ꞌiti a ꞌaíma ꞌaínbi ca nux nuibananti ax cëñutima, bamatancëxribi cananuna Nucën Papa Diosan nëtënu ꞌaish anuaxribi bëtsibë nuibananti ꞌain.

1 Corintios 14:18

Mitsúxmi ꞌicësamaira oi cana ꞌëx Nucën Papa Dios rabi unin cuacëma banan banain. ꞌËn usai banati ꞌunáncë cupí cana Nucën Papa Dios —asábi ca —quixun cain.

1 Corintios 14:5

Mitsúxmi unin cuacëma banan banati cana ꞌëx cuëënin. Usa ꞌaínbi cana mitsúxmi usai banati cuëëncësamaira oi mitsúnmi Nucën Papa Diosan sinánmicëxun aín bana unicama ñuixunti cuëënin. Unin cuacëma banan banaquinbi uisai quicë cara a bana ꞌicë quixun ñuixuncëxunma ca bëtsi unin uisai quicë cara quixun ꞌunántima ꞌicën. Nucën Papa Diosan ꞌimicëxuinshi ca unin ꞌunánti ꞌicën. Usa ꞌain ca ami catamëcë unicama Jesucristo cuëëncësabi oi ꞌinun ꞌaquinuxun an a bana ꞌunáncë unin uisai quicë cara quixun raíri ñuixunti ꞌicën.

Efesios 3:19

Nun nu camaira ꞌunántisama ꞌicëbimi mitsun, uisaira oquin cara Cristonën mitsu nuibatia quixun, aín cushi an mitsun nuitu upí ꞌimiti axa asérabi mitsubë ꞌain ꞌunánun cana Nucën Papa Dios mitsu ñucáxunin.

Efesios 5:18

Mitsux camina paë́ntima ꞌain. Paë́ncë uni ax ca uisai cara banatisa tania usai bananan, añu cara ꞌaisa tania a ꞌaia. Usai ꞌima camina Nucën Papa Diosan Bëru Ñunshin Upitan mitsubë ꞌixun anbi upí oquin cushiocë ꞌaish upiti bananan upí ñuishi ꞌati ꞌain.

Efesios 6:18

Usai ꞌiquin camina aín Bëru Ñunshin Upitan sinánmicësabi oquin añu caramina ꞌai a ñu ꞌai Nucën Papa Diosbë bananan an mitsu ꞌaquinun ñucáti ꞌain. Usai abë bananux camina atsanima ami manúaxma ꞌianan axa Jesucristomi catamëcë unicamaribi Nucën Papa Dios ñucáxunti ꞌain.

1 Pedro 1:12

Usai Cristo ꞌitia Nucën Papa Diosan ꞌunánmicëxun ca atun isquinmabi, atun rëbúnqui ꞌixun cananuna nun a ñucama isnuxun ꞌai quixun ꞌunáncëxa. A bana Cristo ñui quicë, a ca a Nucën Papa Diosan naínua xucë aín Bëru Ñunshin Upitan ꞌamicëxun aín unicaman mitsu ñuixunia. A bana ca ángelcamanribi uisai quicë cara quixun cuaisa tania.

1 Samuel 1:14

sinánkin ka kakëxa: —¿Uínsaran kaina min paë́nkë ënti ꞌain? ¡Uvas baka paëokin ꞌakë ꞌuran xëaxuma ka at!

1 Samuel 10:10

Usai ꞌikiani kuanxa Saúl aín unibë Guibeá, anu bëbakë ꞌain ka, an Dios kikë bana ñuixunkë unikamax atubë mëranani kuankëxa. Kuankë ꞌain ka Diosan Bëru Ñunshin upitan abë ꞌixun ꞌamikëxun Saúlnën atun ꞌakësaribi okin bana ñuixunkin uni kuëënmiakëxa.