Hechos 2:38 - Kashibo-Kakataibo Biblia

³⁸ Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Nukën 'Ibu Diosan ain unikama 'inan ain bana

³⁸ Cacëxun ca Pedronën atu cacëxa: —'Atimoquin sinánxunbi camina sinanaquin, upí oquin Nucën Papa Diosmi sinánti 'ain. Usai 'itancëx camina mitsun 'uchacama tërë́ncë 'inun Jesucristomi catamëti nashimicë 'icanti 'ain. Usai 'icëbëtan ca Nucën Papa Diosan aín Bëru Ñumshin Upí abëmi 'inun mitsu 'inánti 'icën.

Hechos 2:38 ပူးပေါင်းရင်းမြစ်များ

Isaías 32:15

ꞌAínbi ka Nukën ꞌIbu kamabi kushiñu an ñu unio an amiribishi nukama ꞌakintëkënti ꞌikën, usakin ꞌakin ka me ënkëxa anu ñu ꞌapátisama ꞌikëbi anu ñu ꞌapátisa ꞌimitëkënti ꞌikën, usakin ꞌakëx ka a me anu unin ñu ꞌapátisabi upíira ꞌiti ꞌikën.

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Mateo 3:2

Bana ñuixunquin ca cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca Nucën Papa Diosmi sináncë ꞌaíshmabi sinanati ami sinan.

Mateo 3:6

Cuanxúan atun ꞌuchacama chiquinatia ca Juanën Jordán bacanuxun nashimiacëxa.

Mateo 4:17

Bana ñuixuntabaquin ca Capernaúm ëmanu ꞌixun Jesusan anu ꞌicë unicama ësaquin cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca ami sináncë ꞌaíshmabi sinanati ami sinan. Usaquian anuxun bana ñuixunquin cacësabi oquin ca Jesusan ꞌitsa oquin a bana unicama ñuixuancëxa.

Marcos 1:15

Ñuibiani cuani ca ësai quiacëxa: —Anun Nucën Papa Diosan ainan ꞌiti unicama aín uni ꞌimiti nëtë ca ꞌurama ꞌicën. Mitsux ami sináncë ꞌixunmabi sinanati ca anun aín uni ꞌinux ië́ti bana sinan.

Marcos 16:16

Ñuixuncëxun cuatia ꞌëmi catamëtia nashimicë ax ca Nucën Papa Diosan ainan ꞌinun ië́micë ꞌiti ꞌicën. Usa ꞌaínbi ca axa ꞌëmi catamëisama tancë uni ax aín ꞌucha cupí xënibua ꞌaínbi Nucën Papa Diosbëma ꞌiti ꞌicën.

Lucas 24:47

Usa ꞌain ca aín unicaman Jerusalénuxun pain aín bana ñuitancëxun camabi menu cuanquin ësoquin caquin unicama ñuixunti ꞌicën, Nucën Papa Diosan atun ꞌatima ñu ꞌacëcama tërë́ncë ꞌinuxun ca sinanaquin bëtsi oquin sinánti ꞌicë quixun. Ësaía a ñui cuënëo bana quicë a ñuixuntancëxun ca Jesusan atu cacëxa:

Lucas 3:10

Juanëan usaquin ñuixunia cuaquin ca anu ꞌicë unicaman —¿Nucën Papa Dios cuëëncësabi oi ꞌinuxun caranuna añu ꞌati ꞌai? —quixun Juan ñucáquin cacëxa.

Hechos 10:43

An Nucën Papa Dios quicë bana uni ñuixuncë unicamaxribi ca Jesús ñui ësai quiacëxa, camabi uni axa aín bana cuati ami catamëcë, a ca aín ꞌuchacama Jesusan tërë́nxunia quixun.

Hechos 10:48

Ësoquin catancëxun ca Pedronën a unicama Jesucristomi catamëcë ꞌaísha nashimicë ꞌinun cacëxa. Nashimicë ꞌixun ca Pedro a unicaman atubë pan isa ꞌinun quixun cacëxa.

Hechos 13:38

ꞌËn xucë́antu, usa ꞌain camina ꞌunánti ꞌain, Jesús cupíshi ca uni aín ꞌuchacama tërë́ncë ꞌiti ꞌicën. Ca usa ꞌicë quixun cananuna mitsu cain.

Hechos 16:15

Sinánmicëx Jesucristomi catamëti ca Lidia, aín xubunu ꞌicëcamabë, nashimicë ꞌiacëxa. Nashimicë ꞌixun ca nu cacëxa: —Mitsun, ꞌëx cana asérabi Jesucristonan ꞌain quixun sinani camina ꞌën xubunu ꞌiti ꞌain. Usaquin nu caía nux anu ꞌiti cuëëncëbë cananuna anu ꞌiacën.

Hechos 17:30

Nucën Papa Dios ꞌunáncëma ꞌixun ca unin anbia uniocë ñu rabiacëxa. Rabia isquinbi ca Nucën Papa Diosan isëshiacëxa. Isëshia ꞌixunbi ca bërí camabi menu ꞌicë uni ꞌatimaquin sináncë ꞌixunbia sinananun quixun aín unicaman canun camia.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Hechos 22:16

Usaími ꞌinúan caíscë ꞌaish camina bënëtishi nirui min ꞌuchacama tërë́nun Nucën ꞌIbu Jesúsmi catamëti nashimicë ꞌiti ꞌain.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Hechos 26:20

ꞌAquin, Jesús ñuiquin, Damasconu ꞌicë unicama ñuixuntancëxun cana Jerusalénu ꞌicë unicama ñuixuanan Judea menu ꞌicë ëmacamanuxunribi bana ñuixuan. Ñuixuanan cana judíosma unicamaribi ñuixunquin ësaquin can: ꞌAtimaquin sináncë ꞌaíshbi sinanati camina Nucën Papa Diosnan ꞌiti ꞌain. Usai ami sinánquin camina ñu ꞌaisama ꞌaquinma ax cuëëncësabi oquinshi ꞌati ꞌain, mix camina ainan ꞌai quixuan camabi unin ꞌunánun.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

Hechos 8:12

Usa ꞌaínbi ca Felipenën —Jesucristomi catamëti ca uni Nucën Papa Diosnan ꞌiti ꞌicë —quixun ñuixuncëxun cuati —a banax ca asérabi ꞌicë —quixun sinani ꞌitsa uni ꞌimainun ꞌitsa xanuribi nashimicë ꞌiacëxa.

Hechos 8:20

Cacëxunbi ca Pedronën cacëxa: —Nucën Papa Diosan cushi ax ca cupíoquin bitima ꞌicën. Min usoquin sináncë cupí camina min curíquibëbi cëñúti ꞌain.

Romanos 6:3

Cananuna usai ꞌitima ꞌain. ¿Jesucristonën uni ax ca nashimicë ꞌaish ꞌuchatëcëntimoi Cristobë bamacësa ꞌicë quixun caramina ꞌunaniman?

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Tito 3:5

Usoquin ca nun ñu upí ꞌacë cupíma, nuibaquinshi nu ainan ꞌinun ië́miacëxa. Ië́miquin ca bacë́ntëcëncësa ꞌinun nun ꞌuchacama tërë́nquin aín Bëru Ñunshin Upitan nu bëtsi ocëxa.

1 Pedro 3:21

Nucën Papa Diosan sinánmicëxa Noé manë nuntinu ꞌiruax ië́asa, usaribiti cananuna nuxribi Nucën Papa Diosmi catamëti ꞌunpaxan nashimicë ꞌaish iëtin. Nun namia chuañuma ꞌinun cananuna nashimicë ꞌitima ꞌain. Usai ꞌíma cananuna —Jesucristo baísquia cupía Nucën Papa Diosan nu upí ꞌimicë ꞌaish cananuna nun ꞌuchacama tërë́nce ꞌaish an iscëx upí ꞌai —quixun sinani nashimicë ꞌain.