Hechos 2:37 - Kashibo-Kakataibo Biblia

³⁷ Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

Nukën 'Ibu Diosan ain unikama 'inan ain bana

³⁷ Ësoquian cacëxun cuati —'atimabi cananuna 'a —quixun sinani ratúquin ca Pedrocëñun abëa 'icë unicama ñucáquin cacancëxa: —'Ën xucë́antu, 'atimabi cananuna usoquin a 'an. ¿Upí 'inux caranuna bërí uisai 'iti 'ain?

Hechos 2:37 ပူးပေါင်းရင်းမြစ်များ

Salmos 73:21

ꞌËx kana ꞌitsaira nishkë ꞌiakën, usa ꞌain kana ꞌën sinánkënënbi ꞌën nuitu ꞌitsaira paëi ꞌiakën,

Lucas 3:10

Juanëan usaquin ñuixunia cuaquin ca anu ꞌicë unicaman —¿Nucën Papa Dios cuëëncësabi oi ꞌinuxun caranuna añu ꞌati ꞌai? —quixun Juan ñucáquin cacëxa.

Lucas 3:12

An ꞌapu buánmiti curíqui bicë unicamaxribi ca an atu nashiminun quiax Juanu cuancëxa. Cuanx bëbaxun ca cacëxa: —¿Nucën Papa Dios cuëëncësabi oi ꞌinuxun caranuna añu ꞌati ꞌain?

Lucas 3:14

Suntárucamanribi ca anu cuanxun Juan ñucáquin cacëxa: —¿Nunribi caranuna añu ꞌati ꞌain? Ñucácëxun ca cacëxa: —Camina unin ñu ꞌimainun aín curíqui mëcamatima ꞌain, mëëxun ꞌanan camina paránxunribi unin ñu mëcamatima ꞌain, camina cëmëi ami manánxunribi unin ñu bitima ꞌain. Mitsun ñu ꞌati cupía ꞌapun curíqui ꞌináncëxun camina ꞌatimati banaquinma cuëënquin ashi biti ꞌain.

Juan 8:9

Cuënëomainun ca unicamax Jesús quia cuax —ꞌëx cana ꞌuchañumama ꞌai —quixun sinani cuancëxa. Cuanía mëcócamax pain cuancëbë ca usaribiti bërí canicëcamaxribi cuancëxa. Cuancëbëa Jesúsëshi anu ꞌimainun ca a xanuribi anu ꞌiacëxa.

Hechos 1:16

—ꞌËn xucë́antu, ësaquin cana mitsu cain. Nucën Papa Diosan Bëru Ñumshin Upitan sinánmicëxuan Davidnën cuënëo bana quicësabi oi ca Judas, an Jesús uni bimicë, ax ꞌiaxa.

Hechos 22:10

Ësaquian cacëxun cana cacën: “Mix camina ꞌën ꞌIbu ꞌain. ¿Usa ꞌaish caramina añu ꞌën ꞌati cuëënin?” Cacëxun ca ꞌë cacëxa: “Niruquiani camina Damasconu cuanti ꞌain. Anuxun ca uisa ñu caramina ꞌati ꞌai quixun mi unin cati ꞌicën”.

Hechos 5:33

Quia cuati nishquin ca judíos unibunën ꞌapucaman atu ꞌati sináncë́xa.

Hechos 7:54

Usaquían cacëxun cuati ca ꞌapucama xuamati Estebanmi nishacëxa.

Romanos 7:9

ꞌËn uisa ñu cara ꞌati ꞌicë, uisa ñu cara ꞌatima ꞌicë quicë bana ꞌunánma ꞌixun cana ñu ꞌaisama ꞌaquinbi usaquin ꞌati ca ꞌaisama ꞌicë quixun ꞌunánma ꞌain. Usai ꞌitancëxunbi cana a bana ꞌunáncën. ꞌUnánquin cana ñu ꞌatima ꞌati ax ca ꞌuchaira ꞌicë quixun ꞌunánxunbi ꞌacë ꞌaish ꞌën ꞌucha cupí Nucën Papa Diosbë ꞌitimoi bamati ꞌiacën.