Hechos 2:30 - Kashibo-Kakataibo Biblia

³⁰ David, ax ca an Nucën Papa Dios quicë bana unicama ñuixuncë ꞌiacëxa. Usa ꞌixun ca paránuxunma Nucën Papa Diosan —min rëbúnqui achúshinëx ca judíos unicaman ꞌapu, Cristo, ꞌinuxun ꞌaia —quixun cá bana a ꞌunáncëxa.

Nukën 'Ibu Diosan ain unikama 'inan ain bana

³⁰ David, ax ca an Nucën Papa Dios quicë bana unicama ñuixuncë 'iacëxa. Usa 'ixun ca paránuxunma Nucën Papa Diosan —min rëbúnqui achúshinëx ca judíos unicaman 'apu, Cristo, 'inuxun 'aia —quixun cá bana a 'unáncëxa.

Hechos 2:30 ပူးပေါင်းရင်းမြစ်များ

2 Samuel 23:2

Ësai ꞌëx banakë ax ka ꞌënbi sinanx ꞌikëma ꞌikën ax ka Diosan bëru ñunshin an ꞌë sinánmikëx banakë ꞌikën, uisai kinun kara ꞌë sinánmia usaibi ki kana kantain.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Mateo 22:43

Cacëxun ca Jesusan cacëxa: —Davitax ca ësai quiacëxa: Nucën ꞌIbu Diosan ca ꞌën ꞌIbu Cristo caxa: Axa mimi nishcë unicama ꞌën mi ꞌibuamimainun camina mix ꞌëbë ꞌApu ꞌaish ꞌën mëqueu ꞌiti ꞌain. Axa aín rëbúnquin ꞌaínbi ca Cristo ñui David Nucën Papa Diosan Bëru Ñunshin Upitan sinánmicëx —Cristo ax ca ꞌën ꞌIbu ꞌicë —quiax quiacëxa. ¿Uisa ꞌaish cara David usai quiacëx?

Mateo 27:35

Usaía ꞌia anu matástancëxun ca suntárunën anuaxa Jesús bamanun i curúsocë nitsíancëxa. Nitsíntancëx ca uin cara isa aín chupa bëtsi bëtsi biti ꞌicë iscatsi quixun ñuratsu pain niquin tantancëx Jesusan chupa mëtíquiacëxa. Usa ꞌain ca a Nucën Papa Dios quicë bana uni ñuixuncë uni quiásabi ꞌiacëxa, ësai quicë: “ꞌËn chupa ca ñuratsu pain niquin tantancëx mëtíquiaxa”.

Marcos 12:36

Nucën Papa Diosan Bëru Ñunshin Upitanbi ca David ësaquin quimiacëxa: Nucën ꞌIbu Diosan ca ꞌën ꞌIbu caxa, “axa mimi nishcë unicama ꞌën mi ꞌibuamimainun camina mix ꞌëbë ꞌapu ꞌaish ꞌën mëqueu ꞌiti ꞌain”.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Hechos 1:16

—ꞌËn xucë́antu, ësaquin cana mitsu cain. Nucën Papa Diosan Bëru Ñumshin Upitan sinánmicëxuan Davidnën cuënëo bana quicësabi oi ca Judas, an Jesús uni bimicë, ax ꞌiaxa.

Romanos 1:3

A cuënëomia banax ca aín Bëchicë, Nucën ꞌIbu Jesucristo ñui quicë ꞌicën. Aín ꞌunan papa ax ca Davidnën rëbúnqui ꞌiacëxa.

Romanos 15:12

Nucën Papa Diosan bana Isaíasnënribi cuënëo ca ësai quia: Davitan papa, Isaí cacë, aín rëbúnquin achúshi uax ca ꞌApu ꞌaish judíosma unibunën ꞌApuribi ꞌiti ꞌicën. An ca nu ꞌaquinti ꞌicë quixun sinani ca judíosma unibunëx ami catamëti ꞌicën.

2 Timoteo 2:8

Axa bamaxbi baísquia Jesucristo, Davidnën rëbúnqui, a camina manuquinma sinánti ꞌain. A ñui quicë bana anun uni Nucën Papa Diosnan ꞌinux ië́ti, a ca ꞌën unicama ñuixuncë ënëx ꞌicën.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Hebreos 3:7

Usa ꞌain ca a bana Nucën Papa Diosan Bëru Ñunshin Upitan ꞌamicëxun unin cuënëo, ax ësai quia: Bëría Nucën Papa Diosan mitsu cacëxun cuaquin

Hebreos 4:7

A paían ñuixuncë unicaman aín bana cuama ꞌain ca ënë nëtënu ꞌicë unicaman cuati oi Nucën Papa Dios amiribishi quitëcëni, bërí camina ꞌëmi catamëcanti ꞌai quiax quiacëxa, ësai: Bëría Nucën Papa Diosan mitsu cacëxun cuaquin camina cuacëmasa otima ꞌain. Usaquin ca Davitan, Josuénëan judíos unicama Nucën Papa Diosan ñuixuan menu bëbaquiían ꞌain, a xënibucëbëtan cuënëocëxa.

Hebreos 6:17

Usaribiti ca Nucën Papa Dios axribi, axa ami catamëti ainan ꞌiti unicaman —aín quicësabi oi ca asérabi ꞌiti ꞌicë —quixun ꞌunánun, —xënibua ꞌaínbia sinanatëcëntimoi usabi ꞌiti ca ënë bana ꞌicë —quiax quiacëxa.

Hebreos 7:21

Levitan rëbúnquinën ca ꞌën unicama ë ñucáxunti ꞌicë quixun ca Nucën Papa Diosan sinanatëcëntimoquin cáma ꞌicën. Usa ꞌixúnbi ca an sinanatëcëntimoquin caquin, Jesús asérabi an unicama a ñucáxunti ꞌimiacëxa, aín bana cuënëo ësai quicësabi oquin: Nucën ꞌIbu Diosan ca sinanatëcëntimoquin aín Bëchicë ësaquin cacëxa: Mix camina nëtë́timoi usabi sacerdote, an ꞌën unicama ꞌë ñucáxunti, a ꞌain, Melquisedec ꞌiásaribi, quixun.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 19:16

Aín chupanu ꞌimainun ca aín quisinuribi ësaquin cuënëocë ꞌiaxa: “ꞌApucaman ꞌApu ꞌianan ꞌibucaman ꞌIbu”.