Hechos 2:24 - Kashibo-Kakataibo Biblia

²⁴ Usoquian unin ꞌacëbi ca Jesús a Nucën Papa Diosan baísquimiaxa, uisatimoia tsónun. Ax asaribi cushiira ꞌicëa uinu ꞌicë unínbi ashiquin bamamisama ꞌicë ca Nucën Papa Diosan aín Bëchicë baísquimiaxa.

Nukën 'Ibu Diosan ain unikama 'inan ain bana

²⁴ Usoquian unin 'acëbi ca Jesús a Nucën Papa Diosan baísquimiaxa, uisatimoia tsónun. Ax asaribi cushiira 'icëa uinu 'icë unínbi ashiquin bamamisama 'icë ca Nucën Papa Diosan aín Bëchicë baísquimiaxa.

Hechos 2:24 ပူးပေါင်းရင်းမြစ်များ

Salmos 116:16

¡ꞌËn ꞌIbu Dios, ꞌëx kana an mi ñu ꞌaxunkë uni a ꞌain! ¡ꞌËx kana an mi ñu ꞌaxunkë xanu aín tuá ꞌain! Min kamina an ꞌë nëakësa oxun ꞌatimamikë ñukama a ꞌë mëníoxuankën.

Isaías 53:10

Nukën ꞌIbun ka ꞌitsaira a tëmëramisa tankëxa. Usai ax unin ꞌucha kupí ñukë ꞌixun ka ꞌitsaira baritia xënibua, ꞌaínbi tsókin aín rëbúnkikama isti ꞌikën; usa ꞌixun ka Nukën ꞌIbu kakësabiokin an sinánkësa okin ꞌati ꞌikën.

Oseas 13:14

¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Mateo 27:63

Cuanxun ca cacëxa: —A cëmë unix ca bamacëma pain ꞌaish: ꞌËx cana bamaxbi rabë́ ꞌimainun achúshi nëtë ꞌicëbë baísquiti ꞌai quiax quiaxa. A bana cananuna sinanin.

Juan 10:18

ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Juan 10:35

Cananuna ꞌunanin, Nucën Papa Diosan bana cuënëo a ca unin —asérabima ca —quixun catima ꞌicën. Usa ꞌain ca an asérabi ami sinánquin aín bana cuacë unicama Nucën Papa Diosan “ꞌËn bëchicë ꞌaish camina dioscama ꞌai” quixun cacëxa.

Juan 12:39

Uisa ꞌaish cara ami sinántisama tania quixuan unin ꞌunánun ca Nucën Papa Diosan bëtsi banaribi Isaías cuënëomiacëxa. Ax ca ësai quia:

Juan 20:9

A ñu isquinbi ca a rabëtan Nucën Papa Diosan bana cuënëo, bamatancëx ca ax baísquiti ꞌicë quiáxa quicë, a uisai quicë cara quixun ꞌunánma ꞌicën.

Hechos 1:16

—ꞌËn xucë́antu, ësaquin cana mitsu cain. Nucën Papa Diosan Bëru Ñumshin Upitan sinánmicëxuan Davidnën cuënëo bana quicësabi oi ca Judas, an Jesús uni bimicë, ax ꞌiaxa.

Hechos 13:30

Mëníocëbi ca Nucën Papa Diosan baísquimiacëxa.

Hechos 13:37

David chëquia ꞌaínbi ca a Nucën Papa Diosan baísquimicë Jesús ax chëquiama ꞌicën.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

Hechos 2:32

Davidnën cuënëo bana quicësabi oquin ca Nucën Papa Diosan Jesús bamacëbi baísquimiaxa quixun cananuna nucamanbi ꞌunan.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 3:26

Nucën Papa Diosan ca aín Bëchicë bamacëbi baísquimitancëxun judíos unicama mitsunu pain xuaxa, mitsúnmi a isi ami sinanaquin ñu ꞌatima ꞌati ënun quixun.

Hechos 4:10

Usa ꞌain cananuna Israel unicaman ꞌunánun mitsu cain, Jesucristo, Nazaretnu ꞌicë mitsúnmi i curúsocënu matásmicëx bamacëbia Nucën Papa Diosan baísquimicë, an ꞌimicëx ca mitsúnmi iscë ënë uni pëxcúonxa.

Hechos 5:30

Aín Bëchicë, mitsun i curúsocënu uni matásmicë, a ca Nucën Papa Dios, a nun rabicësaribi oquin nucën raracaman rabia, an baísquimiaxa.

Romanos 10:9

A bana ca ësai quia: —Jesús ca ꞌën ꞌIbu ꞌicë —quianan bamacëbi ca Nucën Papa Diosan a baísquimiacëxa quixun min nuitunën sinania ca Nucën Papa Diosan ainan ꞌinun mi ië́miti ꞌicën.

Romanos 14:9

Aín unicamax bamacëma ꞌaish ꞌianan bamatancëxribi ainan ꞌinun ca Cristo bamaxbi baísquiacëxa.

Romanos 4:24

nuribi ñuiquin Nucën Papa Diosan aín uni cuënëomia ꞌicën. Usa ꞌain cananuna Nucën Papa Dios, an Nucën ꞌIbu Jesús bamacëbi baísquimia, an ca ami catamëcë cupíshi nu upí isia quixun ꞌunánti ꞌain.

Romanos 6:4

Nux nashimicë ꞌaish cananuna Jesucristo, nun ꞌucha cupí bama ꞌain ꞌuchatëcëntimoi abë bamacësa ꞌian. Usa ꞌaish cananuna bamacëbia Nucën Papa Diosan Jesucristo, aín cushínbi baísquimia cupí, usaribi ꞌaish bëtsi sinánñu ꞌianan bëráma ꞌicësai ꞌitëcëntima oquin Nucën Papa Diosan ꞌimicë ꞌain.

Romanos 8:11

Nucën Papa Dios, an Jesús bamacëbi baísquimia, aín Bëru Ñunshin Upí mitsubë ꞌixun ca an Cristo Jesús bamacëbi baísquimia anbi mitsuribi bamacëbi Cristo utëcëncëbëtan baísquimiti ꞌicën, aín Bëru Ñunshin Upí mitsubë ꞌain.

Romanos 8:34

¿Uin cara nu ꞌuchoti ꞌic? Cristo bamacëbia Nucën Papa Diosan baísquimicë, an ca aín nëtënu abë ꞌApu ꞌaish aín mëqueu ꞌixun, nu Nucën Papa Dios ñucáxunia. Ñucáxuncë ꞌixun ca an asérabi nu ꞌuchotima ꞌicën.

1 Corintios 15:12

¿Nun mitsu —Cristo ca bamaxbi baísquiacëxa —quixun ñuixuncëxbi caramina uisa ꞌaish mitsu raírinëx uni isa bama ꞌaish baísquitima ꞌicë quin?

1 Corintios 15:15

Cristo baísquimiama ꞌain cananuna —Nucën Papa Diosan ca Cristo baísquimiacëxa —qui cëmëtsian. Unicamaxa ax utëcë́ncëbë baísquitima ꞌain ca Cristoribi baísquiama ꞌitsíanxa.

1 Corintios 15:20

Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama ꞌaíshbi ax utëcëncëbë baísquinuxun ꞌaia.

1 Corintios 15:4

Bamacëa maíncancëxbi ca rabë́ nëtë ꞌiónxa pëcaracëbë baísquiacëxa. Usaía ꞌiti ñuiquin ca Nucën Papa Diosan ꞌamicëxun aín unin cuënëocëxa.

1 Corintios 6:14

Usoquin nu unio ꞌixun ca an Nucën ꞌIbu Jesús baísquimiasaribi oquin aín cushínbi nuribi baísquimiti ꞌicën.

Gálatas 1:1

ꞌËx cana Pablo ꞌain. Unin ca Jesucristo ñuiquin uni bana ñuixunun ꞌë caísama ꞌicën. Nucën Papa Dios, an a bamacë ꞌicëbi baísquimicë, abëtan ca Jesucristonën aín bana ñuixunun ꞌë caísacëxa.

Colosenses 2:12

Mitsun, Nucën Papa Diosan ca bamacëbi Cristo baísquimiacëxa quixun ꞌunánquin, an ca a cushínbi ꞌë ië́miti ꞌicë quixun ꞌunani camina ax ꞌiásaribiti nashimicë ꞌaish Cristobëbi bamacë acëñun maíncëx abëbi baísquiasa ꞌain.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.