Hechos 2:23 - Kashibo-Kakataibo Biblia

²³ Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Nukën 'Ibu Diosan ain unikama 'inan ain bana

²³ Usoquian ñu 'acëbi camina mitsun unían 'ináncëxun bixun 'aisama uni rabë́cëñun i curúsocënu matásmitancëxun bamamian. Usai ca 'iti 'icë quixuan, ënë nëtë unitisama pain 'ain Nucën Papa Diosan mëníosabi oi ca 'iaxa.

Hechos 2:23 ပူးပေါင်းရင်းမြစ်များ

Génesis 50:20

Mikaman kamina ꞌë ꞌatima oti sinánkën, usakin mitsun ꞌaiabi ka Nukën ꞌIbu Diosan ꞌatima okin ꞌakë a upíokin bërínu iskë ñukama ënë mëníoxa: usa ꞌain kana ꞌën ꞌitsaira uni bamati ꞌikëbi ꞌakian.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Mateo 20:19

judíosma unicaman ꞌanun ꞌë ꞌinánti ꞌicën. ꞌË bëtsi bëtsi onan ꞌëmi cuaianan ꞌë mëëtancëxun ꞌëx bamanun i curúsocënu matásnun ca judíos unicaman ꞌë judíosma unicama ꞌinánti ꞌicën. Usoquian ꞌë ꞌacëx cana bamatancëx rabë́ nëtë ꞌiónxa pëcaracëbë baísquiti ꞌain.

Mateo 26:24

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Mateo 27:35

Usaía ꞌia anu matástancëxun ca suntárunën anuaxa Jesús bamanun i curúsocë nitsíancëxa. Nitsíntancëx ca uin cara isa aín chupa bëtsi bëtsi biti ꞌicë iscatsi quixun ñuratsu pain niquin tantancëx Jesusan chupa mëtíquiacëxa. Usa ꞌain ca a Nucën Papa Dios quicë bana uni ñuixuncë uni quiásabi ꞌiacëxa, ësai quicë: “ꞌËn chupa ca ñuratsu pain niquin tantancëx mëtíquiaxa”.

Marcos 15:24

Usaía ꞌia anu matástancëxun ca suntárunën anuaxa Jesús bamanun i curúsocë nitsíancëxa. Nitsíntancëx ca uin cara isa aín chupa bëtsi bëtsi biti ꞌicë iscatsi quixun ñuratsu pain niquin tantancëx suntárucama Jesusan chupa mëtíquiacëxa.

Lucas 22:22

Nucën Papa Diosan mëníosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë, usoquian Nucën Papa Diosan ꞌacë ꞌiti ꞌicën.

Lucas 23:33

Usoxun ca suntárunën a buani cuanx, Mapuxo cacë me, anu bëbaquin anuaxa bamanun Jesús matástancëxun i curúsocë nitsíancëxa. Nitsíanan ca an ꞌatima ñu ꞌacë uni rabë́ribi i curúsocënu matástancëxun, bëtsia Jesusan mëqueu ꞌimainun bëtsi Jesusan mëmiu ꞌinun nitsíancëxa.

Lucas 24:20

Usa ꞌicëbi ca nun sacerdotenën cushicamabëtan nun cushi raíricamanribi a Piláto ꞌinánxa, ax isa i curúsocënu matáscëx bamanun quixun.

Juan 19:18

Buanx bëbacë ca suntárucaman Jesús i curúsocënu matástancëxun nitsíancëxa. Usoquin ca rabë́ uniribi, bëtsi amo ꞌanan bëtsiribi amo i curúsocënu matástancëxun nitsíancëxa, Jesús a nëbë́tsi ꞌinun.

Juan 19:24

a bitsi canancëxa: —Tucatima ca. Uin cara a tari biti ꞌicë quixun isti cananuna ñuratsu pain niquin tanti ꞌain. Nucën Papa Diosan bana cuënëo, axa ësai quiásabi oquin ca suntarucaman ꞌacëxa: “Ñuratsu pain niquin tantancëx ca ꞌën chupacama mëtícananxa”.

Hechos 13:27

Ësaquinribi ca Pablonën Pisidia menu ꞌicë ëma, Antioquíanu ꞌicë anua judíos unicama timë́ti xubunuxun cacëxa: —Jerusalénu ꞌicë unicamabëtan ca aín cushicamanribi Jesús, ax ca Cristo, axa uti atun caíncë, a ꞌicë quixun ꞌunánma ꞌicën. Anun ñu mëëtima nëtën ꞌicëbë timë́xun an Nucën Papa Dios quicë bana uni ñuixuncë unicaman cuënëo bana iscë ꞌixunbi ca uisai quicë cara quixun ꞌunanimabi —ax ca bamati ꞌicë —quiacëxa, a bana quicësabi oi.

Hechos 15:18

Usai cana mitsun ꞌIbu Dios an ënë banacama bëráma ñuiá ꞌëx quin.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 3:18

Usa ꞌaínbi camina mitsun, an sinánmicëxun uni ñuixuncë unicama Nucën Papa Diosan usaia Cristo ꞌiti ñuiquian cuënëomia banaxa quicësabi oquin ꞌacan. A banax ca quia, Nucën Papa Diosan ënu unun xuá, Cristo, ax ca paë tani tëmërati ꞌicë quiax.

Hechos 4:28

usai ca ꞌiti ꞌicë quixunmi mëníosabi oi ca usai ami ꞌiaxa.

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

Hechos 5:30

Aín Bëchicë, mitsun i curúsocënu uni matásmicë, a ca Nucën Papa Dios, a nun rabicësaribi oquin nucën raracaman rabia, an baísquimiaxa.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Romanos 2:12

An Nucën Papa Diosan bana Moisésnën cuënëo, a ꞌunáncëma ꞌixun ñu ꞌatima ꞌacë unicamax ca atun ꞌucha cupíbi ainanma ꞌaish Nucën Papa Diosbë ꞌitima ꞌicën. ꞌImainun ca an Nucën Papa Diosan bana Moisésnën cuënëo ꞌunánquinbi a bana quicësabi oquin ꞌaquinma ñu ꞌatima ꞌacë unicama atux ca aín ꞌucha cupí, a bana quiásabi oquin Nucën Papa Diosan ꞌuchocë ꞌiti ꞌicën.

Romanos 4:17

Nucën Papa Diosan bana a ñuiquian cuënëo ax ca ësai quia: “Mi cupía min rëbúnqui ꞌitsaira ꞌinun cana mi aín rarami ꞌinun ꞌimin”. Usaquin ca Nucën Papa Diosan amia catamëcë ꞌixun Abraham cacëxa. Nucën Papa Dios ax ca an uni bamacëbi tsótëcënun baísquimiti ꞌianan an aín sinanëinshi, ꞌaíma ꞌicëbi, ñu uniocë a ꞌicën.

1 Tesalonicenses 2:15

Aín raran bëráma an Nucën Papa Dios quicë bana uni ñuixuncë uni raíri ꞌásaribi oquin ca Judeanu ꞌicë unin Nucën ꞌIbu Jesús ꞌacëxa. Usa ꞌixun ca nuribi nun bana cuaisama tanquin aín ëmanuax cuantánun quixun bëtsi bëtsi ocëxa. Usa ꞌaish ca Nucën Papa Dios cuëëncësa oquin ꞌati sinanima unicamamiribi nishia.

1 Pedro 1:2

An sinánsabi oquin ainan ꞌinun ca Nucën Papa Diosan mitsu caísacëxa. Aín Bëru Ñunshin Upitan ꞌimicëxmi ainanshi ꞌaish ax quicësabi oi ꞌinun mitsu ꞌimianan ca Jesucristo bama cupí mitsun ꞌuchacama tërë́nquin mitsun nuitu upí ꞌimiaxa. Usaími mitsux Nucën Papa Diosan nuibacëx ꞌicësamaira oi chuámarua ꞌaish bucucanti cana cuëënin.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

1 Pedro 2:8

ꞌImainun ca Nucën Papa Diosan bana ësai quia: A maxáxmi ca uni raírinëx tatíqui chacáti ꞌicën, a maxax chami chacati ca nipacëti ꞌicën. Maxax ñui quicë ꞌaíshbi ca a bana Cristo ñui quicë ꞌicën. An Jesusan bana cuaquinbi asérabi ami catamëquin aín bana quicësabi oquin ꞌacëma ax ca uni maxáxmi tatíqui nipacëcësaribi ꞌicën. Ui unicamax cara usai ꞌiti ꞌicë quixun ca Nucën Papa Diosan bëráma ꞌunáncëxa.

Judas 1:4

Uni raírinëx ca parani mitsubë timëtia. Mitsubë timë́xunbi ca mitsun sináncësabi oquin sinanima. A unicamax ca ësai quia: Nucën Papa Dios upí ꞌixun ca nux cuëëncësa oquinshi ñu ꞌaiabi nu uisabi oimá. Usaquin sinánquin ca ꞌaisama ñu ꞌaia. ꞌAi ca —ꞌëx cana Nucën Papa Diosnan ꞌai —quibi axëshi nun ꞌIbu, ax cuëëncësabi oi ꞌima. —ꞌËx cana Nucën ꞌIbu Jesucristonan ꞌai —quixunbi ca aín bana quicësabi oquin ꞌaima. Usa uni ñui ca Nucën Papa Diosan bana cuënëo quia, usaía ꞌicë unicamax ca ꞌaisamaira oquin ꞌuchocë ꞌiti ꞌicë quiax.

Apocalipsis 13:8

Ënë menu bucucë, ui unicamax cara me uniotabacë ꞌain, Carnero ꞌicësaribitia unin ꞌucha cupí bama, aín quiricanu aín anë cuënëoma ꞌicë, a unicaman ca axa parúnpapanuax uax ꞌirucë ñuinacanꞌëo aín bana cuanan rabiaxa.