Hechos 2:22 - Kashibo-Kakataibo Biblia

²² Usaquin canan ca Pedronën ësaquinribi cacëxa: —Israel unicama, ꞌën mitsu camainun ca cuat: Jesús Nazaretnu ꞌicë, an ca Nucën Papa Diosan ꞌamicëxun mitsúnmi ismainunbi, ax ca Nucën Papa Diosnuax uá ꞌicë quixuan unicaman ꞌunánun, uni itsían ꞌacëma ñuira ꞌaxa. An ꞌacë ñucama camina mitsun ꞌunan.

Nukën 'Ibu Diosan ain unikama 'inan ain bana

²² Usaquin canan ca Pedronën ësaquinribi cacëxa: —Israel unicama, 'ën mitsu camainun ca cuat: Jesús Nazaretnu 'icë, an ca Nucën Papa Diosan 'amicëxun mitsúnmi ismainunbi, ax ca Nucën Papa Diosnuax uá 'icë quixuan unicaman 'unánun, uni itsían 'acëma ñuira 'axa. An 'acë ñucama camina mitsun 'unan.

Hechos 2:22 ပူးပေါင်းရင်းမြစ်များ

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Mateo 12:28

Nucën Papa Diosan Bëru Ñunshin Upitan ꞌamicëxun uninua ꞌën ñunshin ꞌatima chiquíncë ꞌain camina ꞌunánti ꞌain, Nucën Papa Diosan ca axa ꞌëmi catamëcë unicama ainan ꞌiminuxun ënë menu unun ꞌë xuaxa quixun.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Mateo 9:8

Usai niruquiani cuania isi ca anu ꞌicë unicama racuë́acëxa. Racuë́quin ca —Nucën Papa Diosan aín cushi ꞌináncëxun ca ënë unin ñucë uni pëxcüanan aín ꞌuchacama tërë́anxa —quixun sinánquin Nucën Papa Dios rabiacëxa.

Lucas 11:20

Nucën Papa Diosan ꞌamicëxun uninua ꞌën ñunshin ꞌatima chiquíncë ꞌain camina ꞌunánti ꞌain, Nucën Papa Diosan ca axa ꞌëmi catamëcë unicama ainan ꞌiminuxun ënë menu unun ꞌë xuaxa quixun.

Lucas 18:37

Ñucácëxun ca cacancëxa: —Nazaretnu ꞌicë uni, Jesús, ax ca uaxa, a cënë cuania.

Lucas 24:18

Cacëx niracëquin ca axa bain cuancë uni rabë́, achúshi, Cleofas cacë, an Jesús cacëxa: —¿Amanuax Jerusalénu ucë ꞌixunbia uisa ñucama cara anu ꞌiaxa quixun ñuicania ꞌitsa unin cuanbi caramina mínshi cuacëma ꞌain?

Juan 1:45

Usaquian Jesusan cacëx cuanxun ca Felipenën Natanael cacë uni bariquin mëraquin cacëxa: —A ñuiquian Moisés ꞌimainun an Nucën Papa Diosan sinánmicëxun uni bana ñuixuncë unicaman cuënëo, a uni cananuna mëran. Ax ca Jesús, Nazaretnu ꞌicë uni, Josénën bëchicë, a ꞌicën.

Juan 10:37

ꞌËn ñu ꞌacë ax ꞌën Papan cushínbi ꞌacëma ꞌain camina ꞌëx cana Nucën Papa Diosnuax uá ꞌai quixun sinántima ꞌain.

Juan 11:47

Ñuixuncëx abë timë́xun ca sacerdotenën cushicama ꞌimainun fariseo unicaman judíos cushibunën ꞌapucama cacëxa: —Ënë unin ca uni itsían ꞌacëma ñu ꞌitsaira ꞌaia. ¿Usa ꞌain caranuna uisa oti ꞌain?

Juan 12:17

Usa ꞌain ca an Jesusan Lázaro bamacë matá me naëcënu mëníoëxancëbi cuënquin baísquimia isëxancë unicaman Jerusalénuxun a bana ñuiacëxa.

Juan 15:24

Atúan isnun ꞌën uni itsin ꞌacëma ñu ꞌacëma ꞌain ca atux usabi ꞌitsíanxa. Usa ꞌaínbi ca ꞌën ꞌacë ñucama isaxa. A cupí ca ꞌëmi nishanan ꞌën Papamiribi nishaxa.

Juan 19:19

Usocamainun ca Pilátonën cuënëomitancëxun i curúsocënu ësai quicë bana matásmiacëxa: “Jesús, Nazaretnu ꞌicë, judíos unicaman ꞌapu”.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 4:48

Cacëxun ca Jesusan cacëxa: —Mitsun camina ꞌën, uni itsin ꞌacëma ñu ꞌaiashi istisa tanin. ꞌËn usa ñu ꞌacëbëtanma camina, ëx cana asérabi Nucën Papa Diosnuaxa uá a ꞌai quixun sinántisama tanin.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Juan 6:14

Usaquian Jesusan ꞌaia isi ca anu ꞌicë unicamax quiacëxa: —Asérabi ca ënë uni axa Nucën Papa Dios quicë bana uni ñuixuni utinu nun caíncë, a ꞌicën.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Juan 7:31

Judíos unin ꞌapucaman ami nishquin Jesús biisa tancëbëbi ca ꞌaisamaira unix ami sinani quiacëxa: —¿Ënë unían unin ꞌacëma ñu ꞌacësamaira oquin cara axa utinu nun caíncë, Cristo, ax uquin ꞌati ꞌic?

Juan 9:33

Nucën Papa Diosan xuáma ꞌixun ca an usaquin ꞌatsianma.

Hechos 13:16

Cacëxun ca Pablonën niruquin an cacëxun cuanun quixun aín mëcënan sanánquin ësaquin cacëxa: —Israel unicama ꞌimainun an Nucën Papa Diosan bana sináncë unicama, ꞌën mi camainun ca ꞌën bana cuacan.

Hechos 14:27

Usa ꞌain ca bëbaxun axa Jesucristomi catamëcë unicama timëacëxa. Timëxun ca Nucën Papa Diosan ꞌamicëxuan ꞌacë ñucama ñuixuanan —judíos unicamaxëshima, judíosma unicamaxribi ca Nucën ꞌIbu Diosan sinánmicëx Jesucristomi catamëtia —quixun ñuixuancëxa.

Hechos 2:19

ꞌËn ꞌimicëx mecama cëñúti nëtë ꞌicëma pan ꞌain cana a isia ratúti ñu naínua unicama ismiti ꞌain. Usonan cana menuaribi unin sináncëma ñu, imi ꞌimainun tsi ꞌimainun tsin cuin, acamaribi isminuxun ꞌain. ꞌImainun ca bari bëánquinuxun ꞌaia. Bari bëánquimainun ca ꞌuxë imisa ꞌinuxun ꞌaia.

Hechos 2:43

Usa ꞌain ca atun ꞌaia isía, a ëmanu ꞌicë unicamax ratúmainun aín bana ñuixunuan Jesucristonën caíscë unicaman uni itsin ꞌacëma ñu ꞌacëxa.

Hechos 21:28

Bitsi ca munuma cuënishi quicancëxa: —Israel unicama, nu ca ꞌaquin. Ënë unix ca an camabi menu cuanquin judíos unicamamia ꞌinun quixun unicama ñuixuncë a ꞌicën. Usa ꞌixun ca nun cuati bana Moisésnën cuënëo quicësabi oi ꞌiaxma ꞌinun quixun canan, anuxun Nucën Papa Dios rabiti xubu ënë ꞌatimaquin ñuiquinribi unicama caia. Usa ꞌixun ca anuxun Nucën Papa Dios rabiti xubunu judíosma, axa griego banan banacë unicama raíriribi atsínmiaxa. Atsínmixun ca ënë xubu upí ꞌatimamiaxa —quiax.

Hechos 22:8

Ësaquian cacëxun cana cacën: “¿Ui caramina ꞌain? Nucën ꞌIbu Dios sapi camina ꞌain”. Cacëxun ca ꞌë cacëxa: “ꞌËx cana Jesús, Nazaretnu ꞌicë, ami bëtsi bëtsi ocë, a ꞌain”.

Hechos 24:5

Ënë unix ca nun iscëx an camabi menua judíos unicama bëtsi bana ñuixunquin ubíoquin tsuáquirumicë ꞌianan nazareno cacë unicaman cushi a ꞌicën.

Hechos 26:26

ꞌApu Agripa ënën ca ꞌëx a ñui quicë ñucama ënë upí oquin ꞌunánxa. Unían isnunma ñu ꞌacëma ꞌixun cana ꞌën, an ca asérabi ꞌën ñuicë ñucama ꞌunánxa quixun ꞌunanin. Usa ꞌain cana racuë́quinma ënë ñucama a ñuixunin.

Hechos 26:9

Catancëxun ca ësaquinribi Pablonën cacëxa: —ꞌËn cana sináncën, ꞌën Jesús Nazaretnu ꞌicë ami catamëcë unicama bëtsi bëtsi oti isa Nucën Papa Diosan iscëx upí ꞌicë quixun.

Hechos 3:12

Usaria isquin ca Pedronën anu timë́cëcama cacëxa: —Israel unicama, ¿uisacatsi caramina ënë isi ratutin? ¿Uisacasquin caramina nu ñachaira ñachain? Nun cushínbi isanuna ꞌa quixun sapi camina sináncanin. Nux upí ꞌixun isanuna ënë uni nimia quixun sapi camina sináncanin.

Hechos 3:6

Caíncëxunbi ca Pedronën cacëxa: —Curíquiñuma cana ꞌain. Usa ꞌaínbi cana bëtsi ñun mi ꞌaquinti ꞌain. Jesucristo, Nazaretnu ꞌicë, an ꞌë ꞌamicëxun cana mi cain, niruquiani ca cuantan.

Hechos 4:10

Usa ꞌain cananuna Israel unicaman ꞌunánun mitsu cain, Jesucristo, Nazaretnu ꞌicë mitsúnmi i curúsocënu matásmicëx bamacëbia Nucën Papa Diosan baísquimicë, an ꞌimicëx ca mitsúnmi iscë ënë uni pëxcúonxa.

Hechos 5:35

Cacëxuan chiquíncëbëtan ca ësoquin ꞌapucama cacëxa: —Israel unicama, ënë unicama ꞌanuxun camina upí oquin pain sinánti ꞌain.

Hechos 6:14

Nun cuacëx ca ësai Esteban quiaxa: Jesús Nazaretnu ꞌicë, an isa anuxun Nucën Papa Dios rabiti xubu rurupanan, Moisésnëan ax quicësabi oínu ꞌinun cuënëo bana aribi bëtsi oti ꞌicë quiax.

2 Corintios 12:12

Mitsubë ꞌixun cana tëmëraquinbi tanshiquin, Cristo ñuiquin bana ñuixuanan, uni itsin ꞌacëma ñu ꞌacën. ꞌËn ꞌaia isquin camina, ꞌëx cana asérabi Nucën Papa Diosan aín bana ñuixunun caíscë ꞌai quixun ꞌunancën.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.