Hechos 2:13 - Kashibo-Kakataibo Biblia

¹³ Usaia quicëbëbi ca raírinëx ami cuai —ñu bata xëaxbi sapi ca paë́ncanxa —quiax canancëxa.

Nukën 'Ibu Diosan ain unikama 'inan ain bana

¹³ Usaia quicëbëbi ca raírinëx ami cuai —ñu bata xëaxbi sapi ca paë́ncanxa —quiax canancëxa.

Hechos 2:13 ပူးပေါင်းရင်းမြစ်များ

Zacarías 9:15

ꞌËnbi kana kamabi kushiñu ꞌixun ꞌën unikama bërúanti ꞌain, usokëxun ka atun axa ami nishkë unikama anun ꞌakanankë ñukama tsasipakin ꞌatima oti ꞌikën, usakin ꞌakin kanantankëxun ka chaiira fiesta ꞌati ꞌikën, usakin ꞌai ka xëakë anunbi paë́nkanti ꞌikën; atun xëakë uvas baka anunbi ka amia xëakëkama a buchukë ꞌiti ꞌikën, usakin ka xampakama anuxun ñuina xaroti anu chikuti imin buchukë usa ꞌitánun ꞌati ꞌikën.

Zacarías 9:17

¡Upíira upí ka anu aín unikama ꞌiti ax ꞌikën! Usa ꞌain ka aín trigo bimi ꞌitsaira ꞌimainun a xëati uvas baka ꞌaisamaira ꞌikëbë aín bakë bëchikë ꞌimainun ꞌini bëchikë kama upí ꞌinun kanikanti ꞌikën.

Hechos 2:15

Mitsun sináncëxa ënë unicamax paë́ncë ꞌaínbi ca bari xamárucëma pain ꞌain asérabi paë́ncëma ꞌicën,

1 Corintios 14:23

Aín bana cuacë ꞌaíshmi mitsux timë́ax camáxbi Nucën Papa Dios rabi unin cuacëma banan banacëbë ca an mitsúxmi usai ꞌia ꞌunáncëma uni raíri ꞌimainun axa Jesúsmi sináncëma uni raírinëx atsínti ꞌicën. Atsínquin mitsúxmi usai banaia cuaquin ca —sapi ca ñunshíanxa —quixun sinánti ꞌicën.

Efesios 5:18

Mitsux camina paë́ntima ꞌain. Paë́ncë uni ax ca uisai cara banatisa tania usai bananan, añu cara ꞌaisa tania a ꞌaia. Usai ꞌima camina Nucën Papa Diosan Bëru Ñunshin Upitan mitsubë ꞌixun anbi upí oquin cushiocë ꞌaish upiti bananan upí ñuishi ꞌati ꞌain.

1 Samuel 1:14

sinánkin ka kakëxa: —¿Uínsaran kaina min paë́nkë ënti ꞌain? ¡Uvas baka paëokin ꞌakë ꞌuran xëaxuma ka at!