Hechos 2:11 - Kashibo-Kakataibo Biblia

¹¹ ꞌImainun cananuna Creta cacë nasínu ꞌicë ꞌimainun Arabia cacë menu ꞌicë unicama ꞌain. Usa ꞌixunbi cananuna ënë unicaman, uisaira oquin cara Nucën Papa Diosan ñu ꞌaia quixuan ñuia nun banan quicësai quia cuatin.

Nukën 'Ibu Diosan ain unikama 'inan ain bana

¹¹ 'Imainun cananuna Creta cacë nasínu 'icë 'imainun Arabia cacë menu 'icë unicama 'ain. Usa 'ixunbi cananuna ënë unicaman, uisaira oquin cara Nucën Papa Diosan ñu 'aia quixuan ñuia nun banan quicësai quia cuatin.

Hechos 2:11 ပူးပေါင်းရင်းမြစ်များ

1 Reyes 10:15

ax ka unikaman kupíokë akëñun tupunkëma ꞌiakëxa, usakin ka Israel unibu ñuñuirakama axa aín ñu marui tëkë akaman upiti atun ñu marui tëëti kupín kupíomainun, kamabi ꞌapu Arabia menu ꞌikë akama ꞌimainun, bëtsi menu ꞌikë ꞌapukaman kupíokëxa.

Salmos 107:15

Usa ꞌain kananuna Nukën ꞌIbu Dios nu ꞌakinkëxun asabika kakin rabiti ꞌain, ¡an ka kamabi unikama ꞌupiokin ñu ꞌanun ꞌakinia!

Salmos 107:21

usa ꞌain kananuna Nukën ꞌIbu Dios nu ꞌakinkëxun asábi ka kakin rabiti ꞌain, ¡an ka kamabi unikama upíokin ñu ꞌanun ꞌakinia!

Salmos 107:8

Usa aín kananuna Nukën ꞌIbu Dios nu ꞌakinkëxun asabika kakin rabiti ꞌain, ¡an ka kamabi unikama upíokin ñu ꞌanun ꞌakinia!

Salmos 40:5

Nukën ꞌIbu, ꞌitsaira ka min ꞌakë ñu upíbu ꞌikën ꞌimainun ka numi ꞌaxunkë ñukama axribi ꞌitsaira ꞌitsa ꞌikën. ¡Usa ꞌain ka misaribi bëtsi Dios ꞌaíma ꞌikën! ꞌËn kana a ñukama ñuiti ꞌain, ꞌaínbi ka ꞌitsaira ꞌaish tupubiankin ñuitisamaira ꞌikën.

Salmos 89:5

¡ꞌËn ꞌIbu Dios naíkamë ꞌëonuxunbi ka min ángel kamanbi ka unin iskëma chaiirabu ñu mi ꞌa sinánkin mi rabiti ꞌikën!

Salmos 96:3

Anan kananuna aín kushian unin iskëma ñu upíirabu ꞌa akamaribi kamina kamabi ëmanu ꞌikë, unikaman kuanun ñuixunti ꞌain,

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Hechos 2:10

ꞌImainun cananuna Frigia, Panfilia, Egipto, ꞌimainun Africa menu ꞌicë ëma raíri Cirene ꞌucëa ꞌicë anuax ucë ꞌain, ꞌimainun cananuna Roma ëmanu ꞌicë judíos unicama ꞌimainun raírinëx judíosma uni ꞌixunbia an usai judíos uni ꞌiti Moisésnën cuënëo bana quicësabi oquin ꞌacë ꞌain.

Hechos 2:12

Usai ꞌicëbë ca camáxbi ratuti sináncasmai canancëxa: —¿Uisa ꞌaish cara usa ꞌiti ꞌic?

Hechos 27:12

Usa ꞌain ca mita inúmi anu ꞌiti cuëënquinma, unicama aín patsanën ësaquin sináncëxa: —Ënuax cuanx caranuna Fenice ëma, Creta nasí aúa bari cuabúcë, au cuanx mita inútamainun anu ꞌi cuanti ꞌai quixun cananuna tanti ꞌain.

Hechos 27:13

Usaquin sináncëbëbia aín tsipúmiax suñu munuishi bëquicëbëtan ca an manë nunti niquincë unicaman —cananuna cuanti ꞌai —quixun sináncëxa. Sinánbianquin ca Creta nasí cuëtsinan nu buáncëxa.

Hechos 27:7

Mëníocëbë cuanx ꞌitsa nëtë munu cuanquin cananuna Gnido cacë ëma isacën. Isbiani cuaniabia anúnu cuancë amiax uquin nëtë́quinma suñun bëcacëx cananuna Salmón ëma inubiani Creta cacë nasí a rapasu cuancën.

1 Corintios 12:10

Aín Bëru Ñunshin Upitan ꞌamicëxun ca bëtsi bëtsi unin, uni itsían ꞌacëma ñu ꞌaia. An sinánmicëxun ca bëtsi bëtsi unin Nucën Papa Diosan sinánmicësabi oquin aín bana unicama ñuixunia. An ꞌimicëxun ca bëtsi bëtsi unin, uni itsían bana ñuia cuaquin, asérabi cara Nucën Papa Diosan sinánmicëxun bana ñuia quixun ꞌunania. An sinánmicëx ca bëtsi bëtsi unix Nucën Papa Dios rabi, uni itsían cuacëma bana banaia. Banacëbëtan ca Nucën Papa Diosan aín Bëru Ñunshin Upitan sinánmicëxuan bëtsi unin uisai quicë cara a bana ꞌicë quixun uni ñuixunun ꞌunánmia.

1 Corintios 12:28

Nucën Papa Diosan mëníosabi oquin ca axa Jesucristomi catamëcë unicaman bëtsi bëtsi ñu ꞌaia. Raíri unix ca aín bana ñuixunuan Jesucristonën caíscë ꞌia. Raíri unin ca Nucën Papa Dios quicë bana unicama ñuixunia. Raíri unin ca axa Jesúsmi catamëcë unicama aín bana ꞌunánmia. Raíri unin ca uni itsin ꞌacëma ñu ꞌaia. Raíri unínribi ca uni ñucë pëxcuia, raíri unin ca unicama ꞌaquinia, raíri unix ca Nucën Papa Diosan bana cuatia timë́cë unicama aín cushi ꞌia, raíri uníxribi ca Nucën Papa Dios rabi unían cuatima banan banaia.

Gálatas 1:17

ꞌËn a ꞌunáncëma pain ꞌaían a pain aín bana ñuixunun Cristonën caísa uni camabi ñucati cana Jerusalénu cuánma ꞌain. Anu cuaníma cana Arabia cacë menushi cuantancëx Damásconu cuantëcëancën.

Gálatas 4:25

Aín bashi Sinaí ax ca Arabia menu ꞌicën. Aín bashi Sinaínuxuan abë banaquin Nucën Papa Diosan Moisés, usai ca aín unicama ꞌiti ꞌicë quixun cá bana ꞌacë cupí cana Nucën Papa Diosan uni ꞌai quixun sináncë unicamax ca Jerusalénu ꞌicë unicamasa ꞌicën. Usaquin sináncë unicamax ca Agarnën tuá ꞌiásaribi ꞌicën. Usa ꞌaish ca ësa ꞌicën. Nucën Papa Diosan, min xanun ca mi tuaxunuxun ꞌaia cá bana sinánquinma ca Abrahamnën bëchicëñu ꞌiti cuëënquinshi Agar cacë xanumi bëchiacëxa. Usa ꞌaish ca a tuá a Nucën Papa Diosan Abraham ñuixuan, ama ꞌiacëxa.

Tito 1:12

Cretanu ꞌicë uni achúshi, ax isa banati ꞌunáncë ꞌicë quixuan aín aintsicaman cacë, ax ca aín aintsicama ñui ësai quiaxa: “Cretanu ꞌicë unicamax ca usabi cëmëcë ꞌianan, ñuina pianancësa ꞌianan ñu mëëtisama tancë ꞌianan ꞌaisamaira oquin picë ꞌicën”.

Tito 1:5

Anuax uquin cana nun nu sënë́oncëma ñucama ami sënë́onun Creta nasínu mi ëbëtsían, anuxunmi ꞌën mi cacësabi oquin ëmacamanu cuanquin, uicamax cara axa Jesucristomi catamëcë unicaman cushi ꞌiti ꞌicë quixun caístancëxun anënun.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.