Hechos 2:10 - Kashibo-Kakataibo Biblia

¹⁰ ꞌImainun cananuna Frigia, Panfilia, Egipto, ꞌimainun Africa menu ꞌicë ëma raíri Cirene ꞌucëa ꞌicë anuax ucë ꞌain, ꞌimainun cananuna Roma ëmanu ꞌicë judíos unicama ꞌimainun raírinëx judíosma uni ꞌixunbia an usai judíos uni ꞌiti Moisésnën cuënëo bana quicësabi oquin ꞌacë ꞌain.

Nukën 'Ibu Diosan ain unikama 'inan ain bana

¹⁰ 'Imainun cananuna Frigia, Panfilia, Egipto, 'imainun Africa menu 'icë ëma raíri Cirene 'ucëa 'icë anuax ucë 'ain, 'imainun cananuna Roma ëmanu 'icë judíos unicama 'imainun raírinëx judíosma uni 'ixunbia an usai judíos uni 'iti Moisésnën cuënëo bana quicësabi oquin 'acë 'ain.

Hechos 2:10 ပူးပေါင်းရင်းမြစ်များ

Génesis 12:10

Usa ꞌain ka anua Abram tsótanbi a menu a piti ñu ꞌaimaira ꞌiakëxa, usa ꞌain ka Abram a menuax ꞌitsama baritia ishi, Egipto menu anua a piti ñu ꞌain anu tsóti kuankëxa, anua ꞌikë me anua a piti ñu a nëtënu ꞌaimaira ꞌain.

Oseas 11:1

ꞌËn kana Israelkama ꞌën uni ꞌikë tuá xura ꞌakësokin nuibakën; usa ꞌixun kana atu Egipto menuax chikitia ꞌën bëchikë ka ax ꞌikë kixun kakën:

Mateo 2:15

Anu ca Herodes pan bamatamainun ꞌiacëxa. Nucën ꞌIbu Diosan ꞌamicëxuan aín unin cuënëosabi oi ca Egipto menu ꞌiacëxa. A banax ca ësai quia: “Egiptonua cana ꞌën Bëchicë bëan”.

Mateo 23:15

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. ꞌUra cuanquin ui caramina ꞌunánmiti ꞌai quixun bariquin mëraxun camina Nucën Papa Diosmi sinánun ꞌunánmiquinma mitsun sináncësaribi oquin sinánun ꞌunánmin. Usaquinmi mitsun ꞌunánmicëx ca a unicamax mitsúxmi ꞌicësamaira oi ꞌaisama ꞌia. Mitsúxmi anuaxmi tëmërati manë tsi rëquirucë anu ꞌiti ꞌaínbi ca atux mitsúxmi ꞌicësamaira oi anuax tëmërai anu ꞌiti ꞌicën. Mitsúxmi usa ꞌicë ca Nucën Papa Diosan uisa cara mitsu oti ꞌicë usoquin ꞌati ꞌicën.

Mateo 27:32

Jesús buani cuanquinbi ca suntárunën Cirene cacë ëmanu ꞌicë uni, Simón cacë, a mëraquin cacëxa: —Min camina anu Jesús matásti i curúsocë ënë ꞌiábianti ꞌain. Cacëxun ca a unin buánxuancëxa.

Marcos 15:21

Buánquinbi ca Cirene nëtënu ꞌicë uni, Simón, Alejandro ꞌimainun Rufo aín papa, aín naënuax anúan cuancë bai, anun aia isquin suntárucaman anu Jesús matásti i curúsocëa ꞌiábianun quixun cacëxa.

Hechos 11:20

Ñuixunmainun ca Chipre ꞌimainun Cirene menuaxa Jesucristomi catamëcë uni raíri anribishi Antioquía ëmanu cuanx bëbaxun, Nucën ꞌIbu Jesúsmi catamëti ca uni Nucën Papa Diosnan ꞌiti ꞌicë quixun, judíosma uniribi bana ñuixuancëxa.

Hechos 13:1

Antioquíanu ꞌicë axa Jesucristomi catamëcë unicama raírinëx ca an Nucën Papa Diosan sinánmicëxun bana uni ñuixuncë uni ꞌiacëxa, raírinëx ca an aín bana unicama ꞌunánmicë ꞌiacëxa. Usa ꞌain ca Bernabé ꞌimainun Simeón ꞌicëbi Tunan Uni caquinribi anëcë, a ꞌimainun Cirene menu ꞌicë uni, Lucio, a ꞌimainun Manaén, axa Galilea menu ꞌicë ꞌapu Herodes, abë canicë, a ꞌimainun Saulo, acamax Antioquíanu ꞌiacëxa.

Hechos 13:13

Pafos ëmanuax nuntin cuanx ca Pablobë axa abë cuancë unicamabë Panfilia menu ꞌicë ëma, Perge, anu bëbacëxa. Bëbax ca raíri uni ëbiani Juan Jerusalénu cuantëcëancëxa.

Hechos 13:43

Usa ꞌain ca unicamaxa a xubunuax chiquícëbë judíos uni raíri ꞌimainun judíosma ꞌixunbi Nucën Papa Diosan bana sinánquin ax quicësabi oquin ꞌacë, acamax Bernabé ꞌimainun Pablobë cuancëxa. Cuania buánquin ca Pablobëtan Bernabénën ꞌësëquin ësaquin cacëxa: —Nucën Papa Diosan mitsu nuibacëx camina ami manutima ax cuëëncësabi oi ꞌiti ꞌain.

Hechos 14:24

Usoquin ꞌatancëxun Pisidia menu ꞌicë Antioquíanuxunribi bana ñuixuntancëx ca anuax cuanx Panfilia menu bëbacëxa.

Hechos 15:38

Buántisa taniabi ca Pablonën Bernabé cacëxa: —Panfilia nëtënuax ca nubëtan Nucën Papa Diosan bana unicama ñuixunima nu ëbëtsini uaxa. Usa ꞌain cananuna a buántima ꞌain.

Hechos 16:6

Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Hechos 17:21

Usa ꞌain ca Atenasnu ꞌicë unicama ꞌimainun ꞌuracëox uax atubë ꞌicë unicama an uisa bana cara an cuacëma ꞌicë a cuaisa tancëxa. ꞌImainun ca unían ñuia cuacëma ñuribi ñuiquin uni caisa tancëxa. Usai ca a unicamax ꞌiacëxa.

Hechos 18:2

Cuanx bëbaxun ca judío uni achúshi, Aquila cacë, mëracëxa. Ax ca Ponto cacë menuaxa bacë́an ꞌiacëxa. Usa ꞌaish ca aín xanu Priscilabë Italia menu ꞌicë Roma ëmanu ꞌiacëxa. ꞌIcëbëbia anu ꞌicë ꞌapu Claudio ax —judíos unicamax ca camáxbi Romanuax cuanti ꞌicë —quicëbë ca Corintonu tsoti cuancëxa. Usa ꞌain ca Corintonu bëbatancëx Pablo Aquilacëñun Priscila isi cuancëxa.

Hechos 18:23

Antioquíanu ꞌëora pain ꞌitancëx ca Galacia menu ꞌicë ëma ꞌimainun Frigia menu ꞌicë ëmacama oi cuanquin Pablonën axa Jesucristomi catamëcë unicama upiti Jesucristomi sinani ax cuëëncësabi oi ꞌinun quixun caquin atu ꞌësëacëxa.

Hechos 2:11

ꞌImainun cananuna Creta cacë nasínu ꞌicë ꞌimainun Arabia cacë menu ꞌicë unicama ꞌain. Usa ꞌixunbi cananuna ënë unicaman, uisaira oquin cara Nucën Papa Diosan ñu ꞌaia quixuan ñuia nun banan quicësai quia cuatin.

Hechos 23:11

Usaquian ꞌoon ñantánbucëbëtan ca Nucën ꞌIbu Jesusan a rapasu niracëquin Pablo cacëxa: —Masá nuituti bënë́axma ca ꞌit. Jerusalén ënuxunmi ꞌë ñuiquin cacësaribi oquin camina Roma ëmanuxunribi ꞌë ñuiquin unicama bana ñuixunti ꞌain.

Hechos 27:5

Cuanx cananuna Cilicia me ratábianxun Panfilia meribi ratábianx Licia menua ꞌicë ëma Mira cacë anu bëbacën.

Hechos 28:15

Usa ꞌain ca nuxnu cuania cuabëtsini axa Jesucristomi catamëcë uni raíri Romanuax ricuatsini Apio Foro cacë ëmanuax nubë mëranani uacëxa. ꞌImainun ca raírinëxribi Tres Tabernas cacë ëmanuax nubë mëranancëxa. Acamabënu mëranancëbëtan ca Pablonën Nucën Papa Dios —asábi ca —caquin upí oquin sináncëxa.

Hechos 6:5

Ësoquian cacëx ca camáxbi cuëëni —cananuna caísti ꞌai —quiax canancëxa. Canantancëxun ca Esteban, Nucën Papa Diosmi catamëcë ꞌicëa aín Bëru Ñumshin Upitan sinánmicë, acëñun Felipe, Prócoro, Nicanor, Timón, Parmenas, ꞌimainun Nicolás, Antioquíanu ꞌicë uni ꞌixunbia an judíos unicamabëtan Nucën Papa Diosan bana ꞌunáncë, acama caísacëxa.

Hechos 6:9

Usa ꞌain ca an uni itsin ꞌacëma ñu ꞌaia oi ami nishi, judíos unibunëan ñu mëëmicë ꞌaíshbia chiquícë unicamabë Alejandría, Cilicia, ꞌimainun Asia me acamanuaxa ucë unicamax timë́ax Estebanbë cërúanancëxa.

Romanos 1:15

Usa ꞌaish cana ꞌëx, Roma ëmanu ꞌicë mitsuribi anun Jesucristomi catamëti Nucën Papa Diosnan ꞌiti bana ñuixuinsa tanin.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Apocalipsis 11:8

Bamamicë ꞌaíshbi maíncëma ꞌaish ca a ëma cha, anu Nucën ꞌIbu Jesús i curúsocënu matása, Jerusalén, anu ꞌicë bainu racáti ꞌicën. A ëmax ca Sodoma ꞌimainun Egipto caquin anëcëribi ꞌicën, anu ꞌicë unicamaxa Sodoma ꞌimainun Egiptonu ꞌicë uníxa ꞌiásaribiti Nucën Papa Diosmi sináncëma ꞌain.