Hechos 2:1 - Kashibo-Kakataibo Biblia

¹ Usa ꞌain ca Pentecostés cacë nëtë ucëbë Jerusalénu ꞌicë achúshi xubunu timë́ax axa Jesucristomi catamëcë unicama bucüacëxa.

Nukën 'Ibu Diosan ain unikama 'inan ain bana

¹ Usa 'ain ca Pentecostés cacë nëtë ucëbë Jerusalénu 'icë achúshi xubunu timë́ax axa Jesucristomi catamëcë unicama bucüacëxa.

Hechos 2:1 ပူးပေါင်းရင်းမြစ်များ

Éxodo 34:22

Kamina mapai achúshi ꞌimainun achúshi nëtë a sinánkin anumi mitsun ñu ꞌapákë ax pain bimikë bikë aín fiesta ꞌianan, a baritian mi mitsun trigo bimi bikin sënë́onkë a ꞌiti ꞌikë kixun ka Diosan kakëxa.

Hechos 1:5

Asérabi ca Juanën uni ꞌunpaxan nashimiacëxa. Usa ꞌaínbi ca ꞌitsama nëtë ꞌicëma ꞌaínshi Nucën Papa Diosan aín Bëru Ñumshin Upí mitsubëa ꞌinun xuti ꞌicën.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 20:16

Anuxun ca Pablonën Pentecostés cacë nëtë ꞌiisama pain ꞌain Jerusalénu bëbati sinánquin ꞌuran Asia menu ꞌiisama tanquin, Efeso ëma ꞌurama ꞌaínbi anu cuantima sináncëxa.

Hechos 4:24

Ñuixunia cuaxun ca camáxbi abë banaquin Nucën ꞌIbu Dios cacëxa: —Min camina naí, me, bacacama unionan camabi ñuribi uniocën.

Hechos 4:31

Usaquin abë banaquin Nucën Papa Dios catancë́xa sënë́ncancëbë ca anua bucucancë xubu ax shaíquiacëxa. Usaía ꞌicëbëshi aín Bëru Ñumshin Upí atunu ucëbëtan ca an quimicëxun racuë́quinma Nucën Papa Diosan bana unicama ñuixuancëxa.

Hechos 4:32

Usa ꞌain ca axa Jesús ñui quicë bana cuati ami catamëcë unicaman, camaxunbi bëtsin sináncësa oquin sináncëxa. Camaxunbi ca sináncëxa, —ꞌën ꞌaracacë ñucamax ca ꞌënanshima, camabi uninansa ꞌicë —quixun.

Hechos 5:12

Usa ꞌain ca Jerusalénu ꞌicë unicaman, ax ca atubë ꞌicë quixun ꞌunánun Nucën Papa Diosan ꞌamicëxun, Jesusan caíscë unicaman uni itsin ꞌacëma ñu ꞌacëxa. Usocëbë ca axa Jesúsmi catamëcë unicamax Salomón cacë anun uni nicë, anubi ꞌi anuxun Nucën Papa Dios rabiti xubunu camabi nëtën timë́acëxa.

Romanos 15:6

Usai ꞌiquinmi mitsun, camáxbi cuëënquin bëtsin sináncësa oquin sinánquin Nucën Papa Dios, Nucën ꞌIbu Jesucristonën Papa, a rabiti cana cuëënin.

1 Corintios 16:8

Efeso ënuxun ꞌën a ñuiquin bana ñuixunia cuati cuëëni ca ꞌitsa uni Cristomi catamëtia. Usaía ꞌicëbëtanbi ca ꞌitsa uniribi ꞌën ñuicë bana cuaisama tanquin timanan ꞌën ñuixunxunma ꞌanun ꞌë ꞌimitisa tania. Usa ꞌain cana Pentecostes nëtë utámainun Efeso ëma ënu pan ꞌiti sinanin.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

Filipenses 2:2

camina ꞌë cuëënminux ësai ꞌiti ꞌain, bëtsin sináncësaribi oquin sinani asérabi camáxbi bëtsibë nuibananquin amanua sinánquinma achúshi oquinshi sinani ꞌiti ꞌain.