Hechos 19:9 - Kashibo-Kakataibo Biblia

⁹ Ñuixuniabi ca raírinën masáquin sinánquin cuaisama tancëxa. Usaquin cuaisama tani ca anu timë́cë unicaman cuamainunbi —Jesúsmi sinánti ca ꞌaisama ꞌicë —quiax quiacëxa. Usai quicëbë, anuax chiquíquianquin ca Pablonën axa Jesucristomi catamëcë unicama buani, Tirano cacë unían anuxun uni ꞌunánmicë xubu, anu cuancëxa. Cuanxun ca anuxun camabi nëtën bana ñuixuancëxa.

Nukën 'Ibu Diosan ain unikama 'inan ain bana

⁹ Ñuixuniabi ca raírinën masáquin sinánquin cuaisama tancëxa. Usaquin cuaisama tani ca anu timë́cë unicaman cuamainunbi —Jesúsmi sinánti ca 'aisama 'icë —quiax quiacëxa. Usai quicëbë, anuax chiquíquianquin ca Pablonën axa Jesucristomi catamëcë unicama buani, Tirano cacë unían anuxun uni 'unánmicë xubu, anu cuancëxa. Cuanxun ca anuxun camabi nëtën bana ñuixuancëxa.

Hechos 19:9 ပူးပေါင်းရင်းမြစ်များ

Nehemías 9:29

Usokin ꞌanan kamina a tanti bana amiribishi ax kikësabi okían ꞌanun atu kakën; ꞌaínbi ka a banakama isa ꞌunánxa kikin atun min banakama kikësokinbi ꞌama ꞌikën; uin kara min bana kikësabiokin ꞌaia ax ka upitax tsóti ꞌiakëxa, usa ꞌaínbi ka min bana kikësabiokin ꞌakinma ꞌatimakin ꞌakëxa usakin ꞌaika atux a bana kuaisamatani ax kuëënkësa ꞌoíshi ꞌiakëxa.

Salmos 95:8

mitsun nuitu kamina Meribá kakë menuxun ꞌasaribiokin iruatima ꞌain; a nëtëkaman mi anu uni ꞌikëma me Masá kakë anuxun ꞌakansaribi okin,

Proverbios 8:34

Chuámarua ka uin kara ꞌën kakëxun ꞌën bana kuatia ax ꞌiti ꞌikën, ꞌianan ka kamabi nëtë́an an bërúankë unisa ꞌixun ꞌën xubu xëkuë kamanuxun, bana kuati ukë a ka Diosan ꞌakinti ꞌikën.

Isaías 8:14

Ax ka mitsunan achúshi ñu ami ꞌia ñu biti nankë usa ꞌiti ꞌikën; ꞌianan ka maxá ami tatíkia uni chakákë usaribi ꞌiti ꞌikën, usa ꞌain ka ami Israel ñaká rabë́ ax ꞌiti ꞌikën; usai ka ami ꞌia ñu biti nankë usaribi ax ꞌain ami Jerusalénnu tsókë unikamax ꞌiti ꞌikën.

Jeremías 19:15

Nukën ꞌIbu kamabi kushiñu Israel unikaman Dios ax ka ësai kia: ꞌËn kana ënë ëma anua ꞌikë unikama këñunbi ꞌëx kikësokinbi tëmëramiti ꞌain. Usa ꞌain kana atun ka aín nuitu iruarakin ꞌën bana kikësabiokin ꞌaisamatania kiaxa Dios kikë ka Jeremíasnën atu ñuixuankëxa.

Jeremías 7:26

ꞌAínbi kamina mitsun ꞌën kakëxunbi kuaisamatankën, usai ꞌikamina mitsun chaitiokëkama ꞌiásamairai atiaira bana kuama ꞌain.

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.

Mateo 16:4

Ënë unicama Nucën Papa Diosmi sináncëma ꞌixun ca atun isnun uni itsin ꞌacëma ñu ꞌanun quixun ꞌë caia. Usa ꞌaínbi cana, ꞌëx cana asérabi Nucën Papa Diosnuax uá ꞌai quixun atun ꞌunánun, bëtsi ñuribi atúan ñucácëxunbi ꞌaiman. Ënëishi cana mitsu cain, Jonás ꞌiásaribiti cana ꞌëx ꞌiti ꞌain. Usoquin cabiani ca Jesús anu ꞌicë unicama ëbiani cuancëxa.

Mateo 26:55

Usaquin catancëxun ca Jesusan axa anu ucë unicama cacëxa: —¿Manë xëtocë ꞌimainun imaxu tëacë tuíanx caramina mëcamacë uni ꞌacësoquin ꞌë binux ucan? Camabi nëtën ꞌën mitsu nëbë́tsi tsóxun, anuxun Nucën Papa Dios rabiti xubunuxun bana ñuiabi camina uisa ꞌixunbi ësoquin ꞌë bicancëma ꞌain.

Juan 12:40

Nucën Papa Diosan ca acama atun nuitu mëu ꞌunántisama tanan atun pabitan cuaquinbi uisai quicë cara quixun ꞌunántisama tanun ꞌimiaxa. ꞌImianan ca atun bërun isquinbi, ꞌëx cana cushiira ꞌai quixun sinántisama tanía ꞌën ië́misama ꞌinun ꞌimiaxa.

Hechos 11:26

Bëax achúshi baritian anu ꞌiquin ca Saulobëtan Bernabénën axa Jesucristomi catamëcë unicamabë timë́quin atu ꞌunánmiacëxa. Usa ꞌain ca Antioquíanuxun pain uni raírinën axa Jesucristomi catamëcë unicama Cristonën uni caquin anëacëxa.

Hechos 14:4

Usa ꞌaínbi ca Iconio ëmanu ꞌicë unicama raírinëxa —judíos uni ꞌixun cananuna Jesucristomi catamëti bana cuatima ꞌai —quimainun raírinëxribishi —Jesusan aín bana ñuixunun caíscë uni rabë́ ënën bana ca upíira ꞌicë —quiacëxa.

Hechos 17:4

Ñuixunia cuati ca judíos unicama raíri, Jesús ax ca asérabi Cristo ꞌicë quixun sinani, ami catamëti Silas ꞌimainun Pablobë timë́acëxa. ꞌImainun ca griego banan banacë uni ꞌixunbia Nucën Papa Diosan bana cuacëcama, a ꞌimainun —ax ca aín nuitu upí ꞌicë —quixuan unin cacë xanucamaxribi Jesúsmi catamëacëxa.

Hechos 19:23

Efesonuaxa Pablo cuancëma pan ꞌain ca Jesucristo ñuicë bana cuaisama tani, a ëmanu ꞌicë unicamax tsuáquiruacëxa.

Hechos 19:30

Atsíncëbëa anu ꞌicë unicama cai axribi atsíntisa taniabi ca axa Jesucristomi catamëcë unicaman —miribima bitsia atsíanxma ca ꞌit —quixun Pablo cacëxa.

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Hechos 22:4

Usa ꞌixun cana axa Jesucristomi sináncë unicama bëtsi bëtsi ocën. Bëtsi bëtsi oquin ꞌanan cana bëbu ꞌimainun xanuribi nëaxun tëmëramianan sipuanuxun buáncën.

Hechos 24:21

Caquin ca, ꞌapucaman cuamainun, bama ꞌaish ca Cristo utëcëncëbë unicama baísquiti ꞌicë quixun ꞌën sináncë ꞌain camina ꞌëmi manáncani quiax ꞌëx quiixancë bana mi ñuixunti ꞌicën.

Hechos 28:22

Cananuna ꞌunanin, mecama oquin ca axa Jesúsmi sináncë unicama ami nishquin unin ñuia. Usa ꞌain cananuna minmi a uisaira cara a ñucama ꞌicë quixun ñuia cuaisa tanin.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Hechos 9:2

—Damasco ëmanuaxa ax Jesúsmi catamëcë unicama ꞌimainun xanucamaribi bixun nëaxun, Jerusalénu bënun camina quirica ꞌaxun ꞌë ꞌinánti ꞌain. ꞌInáncëxun cana Damasconu cuanxun anua judíos unicama timë́ti xubucamanu cuanquin atu bariti ꞌain.

Romanos 11:7

Usa ꞌain ca ësai ꞌiaxa: Judíos unibunëxa abë upí ꞌiisa taníbi ax quicësabi oi ꞌi Jesucristomi catamëcëma ꞌaish abë upíma ꞌaínbi ca raírinëxëshi Nucën Papa Diosan sinánmicëx Jesucristomi catamëcë ꞌaish abë upí ꞌia. Judíos unicama aín patsanëxa ami sinántisama tania oquin ca Nucën Papa Diosan atux cuëëncësa oía ꞌinun ëanxa.

Romanos 9:18

Nucën Papa Diosan ca aín cuëëncësabi oquin uni raíri nuibaquin ainan ꞌinun ꞌimia. ꞌImianan ca uni raíri axa ꞌaisama ꞌicë usabia ꞌinun ꞌimia.

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.

2 Timoteo 1:15

Camina ꞌunan, Asia menuax ucë unicamabëtan ca Figelo ꞌimainun Hermógenes, axribi anuax ucë ꞌixun, anribi ꞌë ëbianxa.

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.

Hebreos 3:13

Usai ꞌima camina micama uinu ꞌicëxbi ꞌatima ñu ꞌatishi sinani Nucën Papa Diosmi manúti rabanan, camabi nëtën, axa Jesucristomi catamëcë unicamabë ami upiti sinánmiananti ꞌain, ënë nëtëa cëñútisama pan ꞌaínshi.

2 Pedro 2:12

Ënë unicamax ca sinánñuma ꞌixuan ñuinacan, uisa cara oia quixun sinánquinmabi, ñu ꞌacësaribi oquin ꞌanan ñuinanëxa mëraquian unin ꞌanúnbi nicësa, usaribi ꞌicën. Atux ca an ꞌunáncëma ñu ñui ꞌatimati banaia. Usa ꞌaish ca ñuina bamacësaribi bamati ꞌicën.

2 Pedro 2:2

A unicaman ꞌaia isquin ca ꞌitsa unin usaribi oquin ñu ꞌatima ꞌati ꞌicën. Atúxa usai ꞌicë cupí ca uni Jesucristo ñuicë bana ñui ꞌatimati banati ꞌicën.

Judas 1:10

Usa ꞌaínbi ca a unicama an ꞌunáncëma ñu ñui ꞌatimati banaia. Sinánñuma ꞌixuan ñuinacan uisa cara oia quixun sinánquinmaishi ñu ꞌacësaribi oquin ca a unicaman aín cuëëncësa oquinshi ñu ꞌaia. Usaquin ꞌai ca atúxbi ꞌatimatia.