Hechos 19:4 - Kashibo-Kakataibo Biblia

⁴ Cacëxun ca Pablonën cacëxa: —ꞌAtimaquin sináncë ꞌixunbia sinanatia ca Juanën uni nashimiacëxa. Nashimiquin ca cacëxa, axa a caxu uti uni achúshi, Jesús, axa utia judíos unicaman caíncë, Cristo, ami sinánun quixun.

Nukën 'Ibu Diosan ain unikama 'inan ain bana

⁴ Cacëxun ca Pablonën cacëxa: —'Atimaquin sináncë 'ixunbia sinanatia ca Juanën uni nashimiacëxa. Nashimiquin ca cacëxa, axa a caxu uti uni achúshi, Jesús, axa utia judíos unicaman caíncë, Cristo, ami sinánun quixun.

Hechos 19:4 ပူးပေါင်းရင်းမြစ်များ

Juan 1:15

Usa ꞌain ca Juan, an uni nashimicë, an Nucën Papa Diosan Bana ñui munuma banaquin cacëxa: —Ënëx ca a ñuiquin ësaquin ꞌën mitsu caëxancë a ꞌicën: Axa ꞌë caxu uti uni ax ca ꞌësamaira ꞌicën. ꞌËx ꞌicëma pain ꞌain ax pain ꞌiá ꞌaish ca ꞌësamaira ꞌicën.

Juan 1:26

Cacëxun ca Juanën cacëxa: —ꞌËn cana uni ꞌunpaxan nashimin, ꞌaínbi ca mitsúnmi ꞌunáncëma uni achúshi mitsubë ꞌicën.

Juan 1:27

Ax ꞌësamaira ꞌaish ca mitsúnmi ꞌunánun ꞌë caxu aia. ꞌËx ꞌiisama pain ꞌain, ax pain ꞌiá ꞌaish ca ꞌësamaira ꞌicën. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi tubuxuntima ꞌain.

Juan 1:7

Ax ca Nucën Papa Diosan Bana, an ꞌuchañuira ꞌicëbi uni aín nuitu upí ꞌimiti, ax ucëbëa ami catamënun camabi uni a ñuixuni uacëxa.

Hechos 1:5

Asérabi ca Juanën uni ꞌunpaxan nashimiacëxa. Usa ꞌaínbi ca ꞌitsama nëtë ꞌicëma ꞌaínshi Nucën Papa Diosan aín Bëru Ñumshin Upí mitsubëa ꞌinun xuti ꞌicën.

Hechos 11:16

Usai ꞌicëbëtan cana Nucën ꞌIbu Jesús axa ësai quiá sinan: Juanën ca uni ꞌunpaxan nashimiaxa. Usa ꞌaínbi camina axa mitsubë ꞌinux ucëbë Nucën Papa Diosan Bëru Ñumshin Upíñu ꞌiti ꞌain.