Hechos 19:34 - Kashibo-Kakataibo Biblia

³⁴ Cacëxbi ca —ax ca judío uni ꞌicë —quixun ꞌunani nëtëtima rabë́ horan pain munuma sharati quicancëxa: —Cushiira ca Diana ꞌicën. Efesonu ꞌicë unicaman rabicë diosa ca Diana ꞌicën.

Nukën 'Ibu Diosan ain unikama 'inan ain bana

³⁴ Cacëxbi ca —ax ca judío uni 'icë —quixun 'unani nëtëtima rabë́ horan pain munuma sharati quicancëxa: —Cushiira ca Diana 'icën. Efesonu 'icë unicaman rabicë diosa ca Diana 'icën.

Hechos 19:34 ပူးပေါင်းရင်းမြစ်များ

1 Reyes 18:26

Kakëxun ka atun pain vaca bakë bërí kanikë bëxun ꞌinánkëxun rëxun mëníokëxa, mëníoxun ka pëkarakëma ꞌaínshi ꞌapunkin bari xamánrumikin atun dios Baal ñukákëxa. Ñukati ka kikankëxa: “Baal nun kakëxun kamina kuati ꞌai kixun kakëxa” kai sharati ka anuxun ñuina xaroti ꞌakë ratanarati chirini ꞌikankëxa, ꞌaínbi ka uisa banarabi kakëxuma okankëxa.

Mateo 6:7

Mitsux Nucën Papa Diosbë banai camina an Nucën Papa Dios ꞌunáncëma unicamaxa ꞌicësaribiti banatima ꞌain. Atux ca —nux usai banaia ca Nucën Papa Diosan nun bana cuati ꞌicë —quixun sinani ꞌaisamairai banaia, uisai quiti cara quixun sinanimabi.

Hechos 16:20

Buánxun ca an uni bëtsi unimi manania cuacë uni cacëxa: —Ënë uni rabëtan judíos uni ꞌixun bana ñuixuncëxun cuati ca nun ëmanu ꞌicë unicamax tsuáquiruia.

Hechos 19:24

Usaía ꞌinun ca Demetrio, an uxua manë unioquin ñu chucúmaracama ꞌati ꞌunáncë, an tsuáquirumiacëxa. Demetrio an anuxun diosa Artemisa cacë rabiti xubu iscësa ꞌitánun chamaburatsu oquin manë uxua uniocëxa. Unioxun maruquin ca a ꞌimainun abëtan ñu ꞌacë unicamanribi ꞌitsaira curíqui biacëxa.

Hechos 19:26

Usa ꞌaínbi camina mitsun Pablo isanan an ñuicë banaribi cuatin. An ca Efeso ëmanushima, Asia menu ꞌicë ëmacama oquin, unían a rabinuxun ꞌacë ñu ax ca asérabi diosma ꞌicë quixun caquin, a rabixunma ꞌanun caquin ꞌaisamaira uni sinánmiaxa.

Hechos 19:28

Usai Demetrio quia cuati ca nishi sharati tsuáquirui quicancëxa: —Cushiira ca Diana ꞌicën. Efesonu ꞌicë unicaman rabicë diosa ca Diana ꞌicën.

Hechos 19:33

Pablomia ꞌicësaribiti ca anua timë́cë unicamax anua atubë ꞌicë judíos unicamamiribi nishacëxa. Usaía ami nishcëxun ca judíos unicama an Alejandro, uisai ꞌi cara timë́axa quixun an anua timë́cë unicama canun quixun cacëxa. Cacëxun ca Alejandronën aín mëcënan sanánquin aín bana cuanun quixun cacëxa.

Hechos 19:35

Usa ꞌain ca sharatia nëtë́nun cacëxbi nëtë́tisama taniabi an ꞌapu quirica cuënëoxuncë unin nëtë́miacëxa. Nëtë́mia ca cacëxa: —Efesonu ꞌicë unicama, ꞌën mitsu camainun ca cuat. Ënë ëmanu ꞌicë unicamax ca an anuxun Diana rabiti xubu bërúanan a iscësa maxax naínuax nipacëcë bërúancë ꞌicën. Usa ca quixun ca camabi menu ꞌicë unicaman ꞌunánxa.

Romanos 2:22

¿Mitsux, aín xanuma ꞌain ca uni itsin xanubë uni ꞌitima ꞌicë quibi caramina uisa cupí mitsúxribi min xanuma ꞌaínbi uni itsin xanubë ꞌin? ¿Diosma ꞌicëbi ax isa dios ꞌicë quixun unin cacë, a rabiti ca ꞌaisama ꞌicë quixunbi caramina uisa cupí anuxun usa ñu rabiti xubunu atsíntancëxun anu ꞌicë ñu mëcamatin?

Apocalipsis 13:4

Parúnpapanuax uax ꞌirucë ñuinacanꞌëo a, aín cushi ꞌináncë cupí, ca capë́sa ñuina chaira a camabi menu ꞌicë unicaman rabiaxa. Rabianan ca parúnpapanuax uax ꞌirucë ñuinacanꞌëoribi rabi —asaribi ñu ca ꞌaíma ꞌicë —quianan ca —axa abë ꞌacananti ca ꞌaíma ꞌicë —quiaxa.