Hechos 19:2 - Kashibo-Kakataibo Biblia

² Mëraxun ca ñucácëxa: —¿Mitsúxmi Jesucristomi sináncëbë cara aín Bëru Ñunshin Upí mitsunu uax? Quixuan ñucácëxun ca cacëxa: —Nun cananuna Jesucristomi catamëti ca uni aín Bëru Ñunshin Upíñu ꞌia quixun ñuia cuacëma ꞌain.

Nukën 'Ibu Diosan ain unikama 'inan ain bana

² Mëraxun ca ñucácëxa: —¿Mitsúxmi Jesucristomi sináncëbë cara aín Bëru Ñunshin Upí mitsunu uax? Quixuan ñucácëxun ca cacëxa: —Nun cananuna Jesucristomi catamëti ca uni aín Bëru Ñunshin Upíñu 'ia quixun ñuia cuacëma 'ain.

Hechos 19:2 ပူးပေါင်းရင်းမြစ်များ

Juan 7:39

Nucën Papa Diosan Bëru Ñunshin Upí ca axa ami catamëcë unicamanu uti ꞌicë quixuan ꞌunánun ca Jesusan usaquin unicama cacëxa. Ax bamatancëx baísquitancëx naínu cuancëma pain ꞌaían Nucën Papa Diosan aín Bëru Ñunshin Upí aín unicamabë ꞌinun xucëma pain ꞌain ca Jesusan usaquin unicama cacëxa.

Hechos 10:44

Usoquian Pedronën atu bana ñuixunmainun ca axa aín bana cuati Nucën Papa Diosmi sináncë unicamanu aín Bëru Ñunshin Upí uacëxa.

Hechos 19:5

Usaía Pablo quia cuati ca Nucën ꞌIbu Jesúsmi catamëti a unicamax nashimicë ꞌiacëxa.

Hechos 2:17

Nucën ꞌIbu Diosan ca caia: Mecama cëñúcëma pain ꞌain cana unicamanu ꞌën Bëru Ñumshin Upí atubë ꞌinun xuti ꞌain. Xucëxun ca Israel unicama, xanu ꞌimainun bëbu, anbi ꞌëx quia bana uni ñuixunuxun ꞌaia. ꞌImainun ca bënábu unicamanribi ꞌën ismicëxun ñu isnuxun ꞌaia. Caniacëcë unicamanribi ca ꞌën ꞌamicëxun namánuxun ꞌaia.

Romanos 1:11

Mitsúxmi asérabiira Jesucristomi cushicë ꞌinun ꞌaquinuxun cana mitsu isi cuainsa tanin.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

Gálatas 3:5

Nucën Papa Diosan ca aín Bëru Ñunshin Upí ꞌinánan uni itsían ꞌacëma ñu mitsu ꞌamia. ¿Uisa cupí cara mitsu usoquin ꞌamia? An ca usaquin ꞌaia, mitsúnmi Moisésnëan usai judíos unicama ꞌiti cuënëo bana cuacë cupíma mitsúxmi Jesucristo ñui quicë bana cuati, ax ca asérabi ꞌëbë ꞌicë quixun sinani, ami catamëcë cupí.

1 Samuel 3:7

Usa ꞌain ka Samuelnën Nukën ꞌIbu ꞌunánkëma pain ꞌiakëxa, usa ꞌixun ka uisakin kara Nukën ꞌIbun uni ñu ꞌakinia kixun ꞌunánkëma pain ꞌiakëxa.