Hechos 19:13 - Kashibo-Kakataibo Biblia

¹³ Nucën Papa Diosan ꞌamicëxuan Pablonën usoquin ꞌaia istancëxun ca an cuaínbëquini niquin uninua ñunshin ꞌatima chiquíncë judíos unicama raírinën, Nucën Papa Diosan ꞌamicëxuan Pablonën ꞌacësaribi oquin ꞌati sináncëxa. Usaquin sinánquin ca uninu ꞌicë ñunshin ꞌatima cacëxa: —Pablonëan unicama ñuixuncë Jesús an ꞌamicëxun cana mi cain, ënë uninuax ca chiquit —quixun.

Nukën 'Ibu Diosan ain unikama 'inan ain bana

¹³ Nucën Papa Diosan 'amicëxuan Pablonën usoquin 'aia istancëxun ca an cuaínbëquini niquin uninua ñunshin 'atima chiquíncë judíos unicama raírinën, Nucën Papa Diosan 'amicëxuan Pablonën 'acësaribi oquin 'ati sináncëxa. Usaquin sinánquin ca uninu 'icë ñunshin 'atima cacëxa: —Pablonëan unicama ñuixuncë Jesús an 'amicëxun cana mi cain, ënë uninuax ca chiquit —quixun.

Hechos 19:13 ပူးပေါင်းရင်းမြစ်များ

Génesis 4:12

Minmi ñu, mëëkin ꞌapákëxbi ka biminuxuma ꞌaia. Usa ꞌaish kamina ñuñuma, kuainbëkinishi tantima mekama oi ninuxun ꞌain.

Génesis 4:14

Bërí kamina ënë menua ꞌë chikinin usa ꞌaish kana kuainbëkinishi mekama oi ninuxun ꞌain, mi ꞌura kana uisaran nëtënbi tantima ꞌinuxun ꞌain. ꞌIaka uínbi kara mëraia an ꞌë ꞌati ꞌikën.

1 Reyes 22:16

ꞌAínbi ka ꞌapu Ahabnën kakëxa: —Uiti okinshi karana ꞌën mi kan, asérabi kamina sinántëkënuxuma Nukën ꞌIbun anën usai kamina ꞌiti ꞌai kixun ꞌë kanun mi kan.

Mateo 12:27

ꞌËn ñunshin ꞌatimanën ꞌapun ꞌamicëxun ñunshin ꞌatima uninua chiquíncë ꞌain, ¿cara mitsun unibunën uin ꞌamicëxun ñunshin ꞌatima uninua chiquinin? Mitsun unibunën ca mitsu cati ꞌicën, ñunshin ꞌatimanën ꞌapun ꞌamicëxunma ca Nucën Papa Diosan ꞌamicëxuinshi unin ñunshin ꞌatima uninua chiquínti ꞌicë quixun. Usaquin cacëxun camina ꞌunánti ꞌain, mitsúnmi ꞌë ñui quicë bana ax ca asérabima ꞌicë quixun.

Mateo 26:63

Quixuan cacëxbi ca Jesús quiáma ꞌicën. Quiamoquin ca judíos sacerdotenën cushicaman ꞌapun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a ꞌain?

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Marcos 9:38

Quia ca aín ꞌunánmicë uni, Juan, an Jesús cacëxa: —Nun cananuna uni achúshinëan, Jesús ca ënë uninuaxmi chiquíti cuëënia quixun caquinshi ñunshin ꞌatima uninua chiquinia isan. Isquin cananuna axa nubë nicëma ꞌicë, usoquin ꞌaxunma ꞌanun can.

Lucas 11:19

ꞌËn ñunshin ꞌatimanën ꞌapun ꞌamicëxun ñunshin ꞌatima uninua chiquíncë ꞌain, ¿cara mitsun unibunën uin ꞌamicëxun ñunshin ꞌatima uninua chiquinin? Mitsun unibunën ca mitsu cati ꞌicën, ñunshin ꞌatimanën ꞌapun ꞌamicëxunma ca Nucën Papa Diosan ꞌamicëxuinshi ñunshin ꞌatima uninua chiquínti ꞌicë quixun. Usaquin cacëxun camina ꞌunánti ꞌain, mitsúnmi ꞌë ñui quicë bana ax ca asérabima ꞌicë quixun.

Lucas 9:49

Ësaquin Jesusan cacëxun ca aín ꞌunánmicë uni, Juan, an cacëxa: —Nun cananuna uni achúshinëan, Jesús ca ënë uninuaxmi chiquíti cuëënia quixun caquinshi ñunshin ꞌatima uninua chiquinia isan. Isquin cananuna nubë nicëma ꞌicë, usoquin ꞌaxunma ꞌanun can.

Hechos 19:14

Usaquian an ñu ꞌacë uni raírinëx ca judíos sacerdotenën cushicama achúshi, Esceva cacë, aín bëchicë mëcën achúshi ꞌimainun rabë́ ꞌiacëxa.

2 Corintios 11:4

Mitsun camina uni itsían nun ꞌacësabi oquin Jesusan bana ñuixunquinma, a bana bëtsi oquin ñuixuncëxun cuatin. Cuanan camina Nucën Papa Diosan Bëru Ñunshin Upitan sinánmicëma, bëtsi ñunshinan sinánmicë unicaman mitsu ñuixuncëxun a bana cuatin. Cuanan camina Jesucristo cupía Nucën Papa Diosan nu ië́miti a bana pain cuaxunbi ënquin bërí bëtsi bana, unin ñuixuncë, aribishi cuacanin.

Josué 6:26

Usokin ꞌatankëx ka Josué ësai kiakëxa: “Nukën ꞌIbun ka ꞌëx kikë bana ënëx ka asérabi ꞌikë kixun ꞌunánia, uin kara Jericó ëma ꞌatëkënkin birutëkëntisa tania a unin bëchikë apanëx ka anun ëma bëararakin kënëkë ax ami rurukubukin chakakëx bamakë ꞌiti ꞌikën, ꞌimainun ka aín bëchikë ꞌanáka aribi anun ëmanu atsínti xëputi ꞌakin amibi birukin ꞌakë a chakamikë ꞌiti ꞌikën” (kiax ka Josué kiakëxa).

1 Samuel 14:24

ꞌAínbi ka israel suntárukama a nëtë́an, añu ñubi pima panankë ꞌaish atun nami kushima ꞌaish bënainsabu ꞌiakëxa, ësakian Saúlnën manukinma a sinánun kikë ꞌain: Uin kara bari xupibukëbëtan ꞌën ꞌëmi nishkë unikama ꞌakin pëukë ꞌaímabi ñu pia ax ka ꞌatima okë ꞌiti ꞌikë, kiaxa Saúl kikë ꞌain ka a nëtën ñu pikëma ꞌaish Israel unikama usai ꞌiakëxa.