Hechos 19:1 - Kashibo-Kakataibo Biblia

¹ Corinto ëmanua Apolos ꞌain ca Pablo matá me sapáncama oi cuantancëx Efesonu bëbacëxa. Bëbaxun ca anu ꞌicë axa Jesucristomi sináncë unicama mëracëxa.

Nukën 'Ibu Diosan ain unikama 'inan ain bana

¹ Corinto ëmanua Apolos 'ain ca Pablo matá me sapáncama oi cuantancëx Efesonu bëbacëxa. Bëbaxun ca anu 'icë axa Jesucristomi sináncë unicama mëracëxa.

Hechos 19:1 ပူးပေါင်းရင်းမြစ်များ

Hechos 18:1

Areópago cacë matánuxun bana ñuixuntancëx ca Pablo Atenas ëmanuax Corinto ëmanu cuancëxa.

Hechos 18:8

Usa ꞌain ca anua judíos unicama timë́ti xubunu ꞌicë ꞌapu, Crispo, abë aín xubunu ꞌicë aín aintsi ꞌibucamaxribi ami sinani Nucën ꞌIbu Jesúsmi catamëacëxa. Usai ꞌimainun ca Pablonëan bana ñuixunia cuati, ꞌaisamaira Corintonu ꞌicë unicamaxribi ami sinani Nucën ꞌIbu Jesúsmi catamëti nashimicë ꞌiacëxa.

Hechos 19:17

Usoquian ꞌacëa ñuia ca Efesonu ꞌicë judíos unicama ꞌimainun judíosma unicamanribi cuacëxa. Cuati racuë́quin ca: —Nucën ꞌIbu Jesús, ax ca cushiira ꞌicë —quiquin a rabiacëxa.

Hechos 19:26

Usa ꞌaínbi camina mitsun Pablo isanan an ñuicë banaribi cuatin. An ca Efeso ëmanushima, Asia menu ꞌicë ëmacama oquin, unían a rabinuxun ꞌacë ñu ax ca asérabi diosma ꞌicë quixun caquin, a rabixunma ꞌanun caquin ꞌaisamaira uni sinánmiaxa.

Hechos 20:16

Anuxun ca Pablonën Pentecostés cacë nëtë ꞌiisama pain ꞌain Jerusalénu bëbati sinánquin ꞌuran Asia menu ꞌiisama tanquin, Efeso ëma ꞌurama ꞌaínbi anu cuantima sináncëxa.

Hechos 20:18

Camicëx aia ca cacëxa: —Asia menu utancëx carana mitsubë ꞌaish uisai ꞌëx ꞌia quixun camina mitsun ꞌunanin.

Hechos 21:29

Jerusalënuaxa abë nitsia isbaiëxanx ca Efesonu ꞌicë uni, Trófimo, a Pablonën anuxun Nucën Papa Dios rabiti xubunu atsínmicësa sinani usai quicancëxa.

1 Corintios 1:12

Usoquian cacëxun ꞌën sináncëx ca ësa ꞌicën: mitsu raírinëx ca ax isa ꞌën ꞌunánmicë ꞌicë quia. Quimainun ca raírinëxribi ax isa Apolonën ꞌunánmicë ꞌicë quimainun, raírinëxribishi ax isa Pedronën ꞌunánmicë ꞌicë quimainun raírinëxribishi ax isa Cristonën ꞌunánmicë ꞌicë quiax quia.

1 Corintios 15:32

Efeso ëmanu ꞌicë unicamax pianancë ñuinasa ꞌaish, ꞌëmi nishcëxunbi Cristo ñuiquin a unicama bana ñuixunia ca acaman ꞌë bëtsi bëtsi oxa. Usa ꞌaínbi ca bamatancëxa Cristo baísquiama ꞌaínbi ꞌëx unin bëtsi bëtsi ocë ꞌinuxun bana ñuixuncë ax ñancáishi ꞌitsíanxa. Unia bama ꞌaish Cristo utëcëncëbë baísquitima ꞌain cananuna uni raírinëxa quicësaribiti ësai quitsían: “Bëtsi nëtë́nbi cananuna ashiti bamati ꞌain. Usa ꞌain cananuna bamacëma pain ꞌixun pucháquin pianan xëai nux cuëëncësa oíshi ꞌiti ꞌain”.

1 Corintios 16:12

Nucën xucën, Apolo, a ñuiquinmi mitsun ꞌë ñucácë, a ñuiquin cana mitsu cain, a cana axa Jesucristomi catamëcë uni raíribëa mitsu isi cuantánun quixun can. Cacëxbi ca bërí cuainsama tanxa. Usa ꞌain ca uinsaran cara cuanti ꞌicë quixun isti ꞌicën.

1 Corintios 16:8

Efeso ënuxun ꞌën a ñuiquin bana ñuixunia cuati cuëëni ca ꞌitsa uni Cristomi catamëtia. Usaía ꞌicëbëtanbi ca ꞌitsa uniribi ꞌën ñuicë bana cuaisama tanquin timanan ꞌën ñuixunxunma ꞌanun ꞌë ꞌimitisa tania. Usa ꞌain cana Pentecostes nëtë utámainun Efeso ëma ënu pan ꞌiti sinanin.

1 Corintios 4:6

ꞌËn xucë́antu, Apolobë ꞌëx ꞌicësaribitimi mitsux bëtsi bana sinanima Nucën Papa Dios quicësabi oíshi ꞌinun cana ënë ñucama ñuiquin mitsu cain. —An mitsu ꞌunánmicë unin ꞌunánmicësamaira oquin ca an nu ꞌunánmicë unin nu ꞌunánmia —quixun camina bëtsi uni catima ꞌain.

Efesios 1:1

ꞌËx cana Pablo, Nucën Papa Dios cuëëncësabi oquin aín bana ñuixunun Jesucristonën caísa ꞌain. Usa ꞌixun cana Efeso ëmanuaxmi Cristo Jesúsmi sinani ami catamëti Nucën Papa Diosnan ꞌicë ënë quirica mitsu buánmin.