Hechos 18:6 - Kashibo-Kakataibo Biblia

⁶ Cacëxbi ca aín bana timanan ami ꞌatimati banai ami nishacëxa. Usaía ꞌia ca Pablonën anuax ca cuania quixuan atun ꞌunánun aín chupa tacaquin cacëxa: —Mitsúxbi ꞌiisama tani camina Nucën Papa Diosnan ꞌitima ꞌain. Usaími ꞌicëxbi ca ꞌën ꞌuchama ꞌicën. Mitsúnmi ënë bana cuaisama tancëbëtan cana judíosma unicama ñuixuni cuanin.

Nukën 'Ibu Diosan ain unikama 'inan ain bana

⁶ Cacëxbi ca aín bana timanan ami 'atimati banai ami nishacëxa. Usaía 'ia ca Pablonën anuax ca cuania quixuan atun 'unánun aín chupa tacaquin cacëxa: —Mitsúxbi 'iisama tani camina Nucën Papa Diosnan 'itima 'ain. Usaími 'icëxbi ca 'ën 'uchama 'icën. Mitsúnmi ënë bana cuaisama tancëbëtan cana judíosma unicama ñuixuni cuanin.

Hechos 18:6 ပူးပေါင်းရင်းမြစ်များ

2 Samuel 1:16

ꞌakëbë ka David kiakëxa: —Mix bamakë ënëx ka mixi kamina min ꞌucha chikínati ꞌënbi kana Diosan kaískë ꞌapu ꞌa kiax kikë a kupími bamakë ꞌikë kiakëxa.

Ezequiel 18:13

usai ꞌikin ka bëtsi uni aín kuríki ꞌinanxunbi a ꞌinánkë a inumikinsa cha ꞌinanun kixun ubíokin kaia: usa ꞌaish ka a uni upiti tsótima ꞌikën. Usakin kamabi ꞌën kuëënkëma ñukama ꞌatankëx ka a uni uisokinbi unin mënioisama ꞌinun bamati ꞌikën, usaía a uni bamakë ax ka aín ꞌuchanbia bamakë ꞌiti ꞌikën.

Ezequiel 33:4

ꞌAínbi ka uin kara manë banañu banoia kuakinbi kuakëmasa oia ax ka ami nishkë unikaman ami bëbarukin ꞌakëx bamati ꞌikë, ax ka aín ꞌuchabi ꞌiti ꞌikën,

Ezequiel 33:6

ꞌAínbi ka an bërúanti nankë uni an axa atumi nishkë unikaman suntáru bëbaia iskinbi, unia mëníokatanun aín manë banañu banokëma ꞌain ka axa ami nishkë unikama atumi bëbarukin bëtsi unibi ꞌati ꞌikën, ꞌakëx bamakë ax ka aín ꞌuchabi ꞌiti ꞌikën, ꞌaínbi kana an bërúankë uni a ñukë ꞌain, uisa kupín kara a uni ñuaxa kixun ñukáti ꞌain.

Mateo 10:14

Uinu ꞌicë ëmanu ꞌicë unicaman cara, uinu ꞌicë xubunu ꞌicë unicaman cara mitsu biisama tanan mitsun bana cuaisama tania, anuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani bëtsi ëmanu cuanti ꞌain.

Mateo 21:41

Ñucácëxun ca judíos unibunën ꞌapucaman Jesús cacëxa: —Usa ꞌain ca a unicama cëñuquin ꞌati ꞌicën. Usoquin ꞌatancëxun ca bëtsi unicama aín naë bërúanxunun quixun cati ꞌicën. Cacëx cuanxun ca a unicaman naënu ꞌicë bimicamaxa bimia aín bimi mësú naë ꞌibu ꞌinánti ꞌicën.

Mateo 21:43

Cana mitsu cain, mitsúxmi judíos unibu ꞌaish Nucën Papa Diosan ainan ꞌiti caísa ꞌaíshbi usai ꞌicëbëma ca bëtsi unibunëx aín bana cuacë ꞌaish ainan ꞌiti ꞌicën.

Mateo 22:10

Usoquian ꞌapun cacëx cuantëcënquin ca an ñu mëëxuncë unicaman bainua mëraquin upíma unicamacëñunbi upí unicama timëbëtsinquin bëaxa. Bëcëxun ca xanu bicëbëtan pañuti chupa pañucanxa. Pañutancëx atsini ca ꞌaisamaira ꞌaish a xubunuax tsitsiruaxa.

Mateo 27:25

Cacëxun ca anu ꞌicë unicaman cacëxa: —Ca nun ꞌucha ꞌimainun nun rëbúnquicamananribi ꞌiti ꞌicën.

Mateo 8:11

ꞌËn cana mitsu cain, ꞌaisamaira judíosma unicamaxribi ca aucüaxa bari urucë amiax uanan anúan bari cuabúcë amiaxribi unuxun ꞌaia. Ai ca anua Abraham, Isaac, Jacob, ꞌimainun axa ꞌëmi catamëcë judíos unicama ꞌicë, anu acamabë Nucën Papa Diosan nëtënu ꞌiti ꞌicën.

Lucas 22:65

Usaquin ꞌanan ca ami ꞌatimati banaquin Jesús ꞌusáncëxa.

Lucas 9:5

Uinu ꞌicë ëmanu ꞌicë unicaman cara mitsu biisama tanan mitsun bana cuaisama tania, aín ëmanuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani cuanti ꞌain.

Hechos 13:51

Usa ꞌain ca a ëmanuax cuanquin —nun aín bana cuatima ca Nucën Papa Diosan iscëx ꞌaisama ꞌicë —quixuan anu ꞌicë unicaman ꞌunánun quixun aín taxacanu ꞌicë me cupúcë tacabiani, Iconio cacë ëmanu cuancëxa.

Hechos 26:11

ꞌItsa oquin cana amia sinaniabi Jesucristomi catamëti ënía, ami ꞌatimati bananun quixun aín unicama bëtsi bëtsi ocën. Anua judíos unicama timë́ti xubucamanubi cuanquin cana usoquin ꞌacën. Usonan cana ñunshinacëquin bëtsi bëtsi menu ꞌicë ëmacamanuribi cuanquin, anu ꞌicë axa Jesucristomi catamëcë unicama bëtsi bëtsi ocën.

Hechos 26:20

ꞌAquin, Jesús ñuiquin, Damasconu ꞌicë unicama ñuixuntancëxun cana Jerusalénu ꞌicë unicama ñuixuanan Judea menu ꞌicë ëmacamanuxunribi bana ñuixuan. Ñuixuanan cana judíosma unicamaribi ñuixunquin ësaquin can: ꞌAtimaquin sináncë ꞌaíshbi sinanati camina Nucën Papa Diosnan ꞌiti ꞌain. Usai ami sinánquin camina ñu ꞌaisama ꞌaquinma ax cuëëncësabi oquinshi ꞌati ꞌain, mix camina ainan ꞌai quixuan camabi unin ꞌunánun.

Hechos 28:28

Camina ꞌunánti ꞌain, ꞌën mitsu ñuixuncë bana, Jesucristomi catamëtishi ca uni Nucën Papa Diosnan ꞌiti ꞌicë quiax quicë, a bana ñuixunia ca judíosma unicaman cuaxa. Usa ꞌaish ca atux a bana quicësabi oi ꞌiti ꞌicën.

Romanos 3:29

¿Nucën Papa Diosan cara judíos unicamaishi aín uni ꞌimianan judíosma unicamaribi aín uni ꞌimitima ꞌic? Ca aturibi ainan ꞌimiti ꞌicën.

1 Timoteo 5:22

Upí oquin aín nuitu ꞌunánxunmaishi camina uni axa Jesucristomi catamëcë unicaman cushi ꞌimitima ꞌain. Upí oquin pain uisa uni cara quixun istancëxun camina min mëcën anu nanquin anëti ꞌain. Isunmabi upíma uni anëaxbi camina usaribiti upíma ꞌiti ꞌain. Usaquin ñu ꞌati rabanan camina bërúancati ꞌain.

2 Timoteo 2:25

Usa ꞌixun ca ami nishquinma an Nucën Papa Diosan bana cuaisama tancë unicama munu upí oquin ꞌësëquin ꞌunánmiti ꞌicën. ꞌUnánmiquin ca —Nucën Papa Diosan ꞌimicëx ca sinanati Jesucristomi catamëti ꞌicë —quixun sinánti ꞌicën.

1 Pedro 4:14

Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.

1 Pedro 4:4

Usai ꞌiquinmi atubëtan ñu ꞌatëcëniama oquin ca unin —uisa cupí cara nubë niquinbi nu ëanxa —quixun sinánquin mitsu ꞌatimaquin ñuia.