Hechos 18:5 - Kashibo-Kakataibo Biblia

⁵ Usa ꞌain ca Timoteobëa Silas Macedonianuax Corintonu bëban Pablonën bëtsi ñu mëëti ꞌaquinma Jesús ñui quicë banaishi ñuixuancëxa. Ñuixuanan ca judíos unicama, Jesús ax ca asérabi Cristo axa utia atun caíncë a ꞌicë quixun upí oquin ñuixuancëxa.

Nukën 'Ibu Diosan ain unikama 'inan ain bana

⁵ Usa 'ain ca Timoteobëa Silas Macedonianuax Corintonu bëban Pablonën bëtsi ñu mëëti 'aquinma Jesús ñui quicë banaishi ñuixuancëxa. Ñuixuanan ca judíos unicama, Jesús ax ca asérabi Cristo axa utia atun caíncë a 'icë quixun upí oquin ñuixuancëxa.

Hechos 18:5 ပူးပေါင်းရင်းမြစ်များ

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Ezequiel 3:14

Usa ꞌain ka Diosan kushi anua ꞌë chikíanxa, chikinkëx kana anuax masá nuitukë ꞌianan nishkë kuan, kuankinbi kana Diosan aín mëkënanbi kushiokin tuinkësa tan.

Miqueas 3:8

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Lucas 12:50

Usai ꞌia ꞌinun cana ꞌën pain ꞌaisamaira oquin tëmëraquin paë tanti ꞌain. Usaquin ꞌën tëmëraquin paë tanti ashi sënë́oncatsi cana bënëtin.

Lucas 16:28

ꞌËx cana mëcën achúshi xucë́nñu ꞌain. Atúxribi ënu paë tani tëmërai uaxma ꞌinuan, uisa cara ënu ꞌicë quixun atu canun camina Lázaro xuti ꞌain.

Juan 1:41

Jesusan ꞌitinuax cuanxun ca Andrésnën aín xucën Simón Pedro bariquin mëraxun cacëxa: —Mesías cananuna isan. Mesías quicë bana, ax ca Cristo, axa utia judíos unicaman caíncë a qui quicë ꞌicën.

Juan 10:24

Nitsia ca judíos unicaman nëbë́tsioraquin cacëxa: —¿Uisati caramina nu chiquiracëquin caiman? Mix Cristo, axa utinu nun caíncë, a ꞌixun ca nu upí oquin cat.

Juan 15:27

Mitsúnribi camabi nëtën ꞌëbë ꞌixun ꞌën bana ñuixunia cuanan ꞌën ñu ꞌaia iscë ꞌixun camina ꞌë ñuiquin uisa carana ꞌëx ꞌai quixun unicama ꞌunánmiti ꞌain.

Juan 3:28

Mitsun camina, Cristoma cana ꞌai ꞌëx quia cuan. Nucën Papa Diosan ca ꞌë caxua ax unun ꞌëx pain rëcuë́ncuatsini unun ꞌë xuaxa.

Hechos 10:42

Usa ꞌicë ca aín bana unicama ñuixunun xuquin nu ësaquin cacëxa: Nucën Papa Diosan ꞌimicëxun cana ꞌën, uni bamacëmacama ꞌimainun bamacë unicamaribi, uisaira cara ënë menuax ꞌiaxa quixun ꞌunánquin, Nucën Papa Diosbë cara ꞌiti ꞌicë, cara ꞌitima ꞌicë quixun cati ꞌain. Usaquin camina unicama ñuixunti ꞌai quixun ca Jesusan nu cacëxa.

Hechos 15:22

Usaía Jacobo quia cuaquin ca Jesusan aín bana ñuixunun caíscë unicama ꞌimainun axa Jesucristomi catamëcë unicaman aín cushicamabëtan sináncëxa, Antioquíanua Bernabé ꞌimainun Pablobë cuantánun cananuna rabë́ uni caísti ꞌai quixun. Usaquin sinánxun ca axa Jesucristomi catamëcë uni rabë́, Judas ꞌicëbi Barsabásribi cacë, acëñun Silas caísacëxa.

Hechos 16:1

Cuanx ca Pablobë Silas Derbe ëmanu cuanan anuribi cuani Listra ëmanu bëbacëxa. Anu ca axa Jesucristomi catamëcë Timoteo cacë uni ꞌiacëxa. Aín titax ca judío xanu ꞌianan Jesúsmi sináncë ꞌiacëxa, ꞌimainun ca aín papax griego banan banacë ꞌiacëxa.

Hechos 16:12

Anuax cuanx cananuna Filipos ëmanu bëbacën. Filipos ax ca Macedonia menu ꞌicë ëma cha anuribia Romanu ꞌicë unicama ꞌicë ꞌiacëxa. Anu cananuna ꞌitsamashi nëtë ꞌiacën.

Hechos 16:9

Bëbaxun ca Pablonën imë́ namáquin iscësoquin Macedonia menu ꞌicë uni achúshia nicë isacëxa. Iscëxun ca cacëxa: Macedonia ënu uxun camina nu ꞌaquinti ꞌain.

Hechos 17:3

Cuënëo bananu ñuicësabi oquin ꞌunánmianan ca —a bana quicësabi oi ꞌiti ꞌaish ca Cristo paë tantancëx bamatancëx baísquiaxa —quixun canan ca —ꞌën mitsu ñuixuncë Jesús abi ca axa uti nun caíncë Cristo ax ꞌicë quixun ñuixuancëxa.

Hechos 18:28

ꞌAquianan ca unicaman cuamainun —Cristo ca ucëma ꞌicë —quixuan sinaniabi abë banaquin judíos unicama, Jesús ax ca asérabi Cristo, axa utia atun caíncë a ꞌicë quixun canan usai ca Cristo ꞌiti ꞌicë quiax ca Nucën Papa Diosan bana cuënëo quia quixun ꞌunánmiacëxa.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Hechos 20:23

An ꞌunánmicëxun cana ꞌunanin, uinu ꞌicë ëmanu carana cuani anuxun ca Nucën Papa Diosan Bëru Ñunshin Upitan ꞌë caia, anuax cana sipuocancë ꞌianan unían ꞌatimocëxun ꞌaisamaira oquin tëmëranuxun ꞌai quixun.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 4:20

An ñu ꞌaia isananu nun cuacë Jesusan bana ënë cananuna unicama ñuixuntëcënti ëntima ꞌain.

Hechos 9:22

Quicancëbëtanbi ca Saulonën aín bana cushiira ꞌixun Damasconu ꞌicë unicama sináncasmamiquin —Jesús ax ca asérabi Cristo, axa ënë menu uti judíos unicaman caíncë a ꞌicë —quixun bana ñuixuancëxa.

2 Corintios 1:19

Nucën Papa Diosan Bëchicë Jesucristo, a ꞌëbëtan Silvano ꞌimainun Timoteonën mitsu ñuixuncë, an ca —cana ꞌatima ꞌai —quixun ꞌunánquinbi —cana ꞌati ꞌai —quixun uni cáma ꞌicën. An ca axa quicësabi oquin ꞌaia.

2 Corintios 11:9

Mitsubë ꞌaish ñuñuma ꞌixunbi cana mitsu ñu ñucácëma ꞌain. Macedonianuaxa ucë axa Jesucristomi catamëcë unicaman cuni ca ꞌën cuëëncë ñucama ꞌë ꞌinánxa. ꞌËn mitsu ꞌacësabi oquin cana mitsu ñu ñucátima ꞌain.

2 Corintios 5:14

Cristonën ca camabi uni ꞌitsaira nuibatia quixun ꞌunánquin cananuna a sinánquin —usa ca —quixun atu cain. Cananuna ꞌunanin, ax achúshi ꞌaíshbi ca Nucën Papa Dios cuëëncësabi oi camabi unin ꞌucha cupí bamacëxa. Usaía Cristo ꞌiá ꞌain, cananuna tëmëraíbi nux cuëëncësabi oi ꞌima, ax cuëëncësabi oi ꞌiti ꞌain.

Filipenses 1:23

Uisaira carana ꞌiti ꞌai quixun sinani cana sináncasmain. Bamatancëx ënë nëtënuax ꞌicësamairai Cristobë aín nëtënu chuámarua ꞌiti sinani cana anu ꞌiisa tanin.

1 Tesalonicenses 3:2

nucën xucën Timoteo mitsu istánun quixun xuti cananuna sinan. Anribi ca ami sináncë ꞌixun —Jesucristomi catamëti ca uni ainan ꞌiti ꞌicë —quixun Nucën Papa Diosan bana nubëtan camabi uni ñuixuanxa. Usa ꞌixun ca cuantancëxun an mitsúxmi Jesucristonan ꞌaish tëmëraíbi ami manuaxma ꞌinun upí oquin ꞌësëquin mitsu cushioti ꞌicën. Mitsúnbi camina ꞌunanin, Nucën Papa Diosan unicamax ca bëtsi unían bëtsi bëtsi ocë ꞌiti ꞌicë quixun.

1 Tesalonicenses 3:6

Usa ꞌaínbi ca Timoteonën mitsunuax uxun nu caxa, mitsun camina asérabi Jesucristomi catamëanan bëtsibë bëtsibë nuibananquin, nun mitsu ꞌacësaribi oquin ꞌitsaira istisa tanquin nu sinani quixun.

1 Pedro 5:12

Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.