Hechos 18:26 - Kashibo-Kakataibo Biblia

²⁶ Usa ꞌain ca anua judíos unicama timë́ti xubunuxun Apolosnën racuë́quinma bana ñuixunia cuaquin ca Aquílabëtan Priscilanën ꞌuri buánxun Apolos, Jesúsmi catamëti ca uni usai ꞌia quixun upí oquinra ñuixuancëxa.

Nukën 'Ibu Diosan ain unikama 'inan ain bana

²⁶ Usa 'ain ca anua judíos unicama timë́ti xubunuxun Apolosnën racuë́quinma bana ñuixunia cuaquin ca Aquílabëtan Priscilanën 'uri buánxun Apolos, Jesúsmi catamëti ca uni usai 'ia quixun upí oquinra ñuixuancëxa.

Hechos 18:26 ပူးပေါင်းရင်းမြစ်များ

Proverbios 1:5

Uix kara sinánñuira ꞌianan upíokin bana kuakë ꞌixunbi kuatia ax ka, ñu ꞌunánkësamaira okin a banakama ꞌunani anunbi aín sinan chaiira ꞌiti ꞌikën,

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Marcos 10:15

Asérabi cana ꞌën mitsu cain, uix cara tuá xuratsua an bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Lucas 19:26

Usaquin cacëxun ca aín ꞌapun caxa: Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan ñu ꞌaxuncëxunma a ꞌináncë ñu a aín ꞌibun bicuanti ꞌicën.

Lucas 24:27

Caxun ca Moisésnëan cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana, uisa banacama cara a ñui quicë ꞌicë, a banaxa quicësabi oi ca ꞌiaxa quixun a uni rabë́ ñuixuancëxa.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

Hechos 14:3

Usaía ꞌicancëbë ca Pablobë Bernabé anu pain atubë ꞌiacëxa. ꞌIxun ca Nucën ꞌIbu Jesúsmi catamëti racuë́quinma a ñuiquin upí oquin bana ñuixuancëxa. Ñuixuanan ca —nu nuibaquin ca Nucën Papa Diosan ainan ꞌinun nu ië́minun aín Bëchicë xuacëxa —quixun cacëxa. Usoquin an atu ñuixuncë banax ca asérabi ꞌicë quixuan camabi unin ꞌunánun ca Nucën ꞌIbu Jesusan ꞌamicëxun uni itsin ꞌacëma ñu a rabëtan ꞌacëxa.

Hechos 18:18

Usocëx ꞌitsa nëtën pain Corintonu ꞌitancëx ca Pablo Siria menu cuanti sinani axa Jesucristomi catamëcë unicama —cana cuanin —cabiani, Priscila ꞌimainun Aquílabë manë nuntin cuancëxa. Cuanx Cencrea ëmanu bëbaxun ca Pablonën, —ꞌën Nucën Papa Dios cacësabi oi ꞌi cana sënëni —quixun sinánquin aín bu tëamiacëxa.

Hechos 18:25

Nucën ꞌIbu Jesús ñuixunquian ꞌunánmicancë ꞌixun ca Apólosnën cuëëni banaquin, Jesús ñuiquin, upí oquin Efesonu ꞌicë unicama ñuixuancëxa. Usaquin Jesús ñuiquin bana ñuixuanan, —aín ꞌuchacama chiquinatia ca Juanën uni nashimiacëxa —quixun ꞌunánquinbi ca Apolosnën —Jesucristonën ca aín Bëru Ñunshin Upí aín unicama abë́a ꞌinun ꞌinania —quixun ꞌunánma ꞌicën.

Hechos 19:8

Usa ꞌain ca Pablonën anu rabë́ ꞌimainun achúshi ꞌuxë ꞌiquin, anua judíos unicama timë́ti xubunuxun racuë́quinma upí oquin Jesús ñuiquin bana ñuixuancëxa. Ñuixunquin ca, Jesucristomi catamëti ca uni Nucën Papa Diosnan ꞌiti ꞌicë quixuan ꞌunánun anu ꞌicë unicama ñuixuancëxa.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.

Hechos 8:31

Cacëxun ca cacëxa: —Cana cuatiman. ¿Uni itsin ꞌë ꞌaquincëxunma carana uisaxun ꞌunánti ꞌain? Ësoquin caquin ca Felipe abë tsotia ꞌirunun quixun cacëxa.

1 Corintios 12:21

Unin bëru banati ꞌunan ꞌixun ca a unin mëcën: “Mixmi ꞌaíma ꞌaínbi ꞌëxëshi ꞌaíshbi cana asábi ꞌitsían” quixun catima ꞌicën. Usaribi oquin ca unin maxcatax banati ꞌunan ꞌixun a unin taë: “Mixmi ꞌaíma ꞌaínbi cana ꞌëxëshi ꞌaíshbi asábi ꞌitsían” quixun catima ꞌicën.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

1 Corintios 8:2

An —ꞌën cana ñu ꞌunan —quixun sináncë uni an ñu ꞌunánxunbi ca asérabi uisai ꞌiti cara quixun upí oquin ꞌunánima.

Hebreos 6:1

Usa ꞌain cananuna tuá xuratsu ꞌicësaíma uni apan ꞌicësai ꞌinuxun a paínu cuacë bana Cristo ñui quicë, aíshima bëtsi ñuribi ꞌunánti ꞌain. Cananuna a paínu ꞌunan banacama ësai quicë, a ñuitëcëntima ꞌain: nunbi ñu ꞌatima ꞌacë cupí Nucën Papa Diosnanma ꞌaish bamati ꞌaíshbi sinanati Nucën Papa Diosmi catamëtishi ië́ti,

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.