Hechos 18:24 - Kashibo-Kakataibo Biblia

²⁴ Pablonëan Galacia menu cuanan Frigia menuribi cuanquin axa Jesucristomi catamëcë unicama ꞌësëmainun ca Alejandría ëmanu ꞌicë judíos uni achúshi, Apolo, ax Efeso ëmanu cuanx anu ꞌiacëxa. Ax ca an Nucën Papa Diosan bana cuënëo upí oquin ꞌunáncë ꞌaish unicama upí oquin bana ñuixuncë ꞌiacëxa.

Nukën 'Ibu Diosan ain unikama 'inan ain bana

²⁴ Pablonëan Galacia menu cuanan Frigia menuribi cuanquin axa Jesucristomi catamëcë unicama 'ësëmainun ca Alejandría ëmanu 'icë judíos uni achúshi, Apolo, ax Efeso ëmanu cuanx anu 'iacëxa. Ax ca an Nucën Papa Diosan bana cuënëo upí oquin 'unáncë 'aish unicama upí oquin bana ñuixuncë 'iacëxa.

Hechos 18:24 ပူးပေါင်းရင်းမြစ်များ

Esdras 7:12

Usa ꞌain ka Artajerjes uisa kara ax ꞌikë kixun kakin Esdras, sacerdote an ñu uni ꞌunánmitia, Dios naínu ꞌikë anbi a tanti aín banakama ꞌunánmikë a kuënëoxunkin kirikanu ësokin kakëxa.

Esdras 7:6

Esdras ënëx ka achúshi sacerdote an upíira okin ꞌunánkin Diosan ꞌamikëxun Moisésnën kuënëomia bana ꞌunánkë ꞌiakëxa, usa ꞌikëa Diosan ꞌakinia ka ꞌapu Artajerjesnën kuëënkin an ñukákësabi okin kamabi ñu ꞌaxuankëxa. Ësokin pain ñu ꞌaia ꞌunánxua ꞌapun xukëx ka Babilonia menuax Esdras kuankëxa,

Éxodo 4:10

—¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

Mateo 13:52

Quia ca Jesusan cacëxa: —An Nucën Papa Dios naínu ꞌicë aín bana únáncë uni, an ca ꞌën uni ñuixuncë bana unicama ñuixuanan bëráma ꞌë ñuiquin cuënëo bana aribi ñuixunia. Ax ca xubuñu unían a isi ucë uni aín ñu ió ꞌimainun aín ñu ióma ꞌaíshbi upí, aribi ismicësa ꞌicën.

Lucas 24:19

Quixuan cacëxun ca Jesusan cacëxa: —¿Añu ñui cara quicanx? Quia ca cacëxa: —Nazaretnu ꞌicë Jesús, a ñui ca quicanxa. An ca Nucën Papa Dios ꞌimainun unicamanribi iscëxun upí oquin Nucën Papa Dios quicë bana uni ñuixuanan aín cushínbi uni itsin ꞌacëma ñu ꞌaxa.

Hechos 18:19

Tëamitancëx cuanx ca Efeso ëmanu bëbacëxa. Bëbax Priscila ꞌimainun Aquila ëbiani cuanx anua judíos unicama timë́ti xubunu atsíanx ca anuax Pablo anua timë́cë judíos unicamabë banai atubë usai Jesús ꞌiti ñuiquin Nucën Papa Diosan bana cuënëo ñui canancëxa.

Hechos 18:21

Abë ꞌiquinma ëbianquin ca atu cacëxa: —Judíos unicama anun timë́ti nëtë sënë́ncëbë atubë Jerusalénu ꞌitancëx cana Nucën Papa Dios cuëëncëbë mitsu isi utëcënti ꞌain. Quixun cabiani ca Efesonuax cuancëxa.

Hechos 18:28

ꞌAquianan ca unicaman cuamainun —Cristo ca ucëma ꞌicë —quixuan sinaniabi abë banaquin judíos unicama, Jesús ax ca asérabi Cristo, axa utia atun caíncë a ꞌicë quixun canan usai ca Cristo ꞌiti ꞌicë quiax ca Nucën Papa Diosan bana cuënëo quia quixun ꞌunánmiacëxa.

Hechos 19:1

Corinto ëmanua Apolos ꞌain ca Pablo matá me sapáncama oi cuantancëx Efesonu bëbacëxa. Bëbaxun ca anu ꞌicë axa Jesucristomi sináncë unicama mëracëxa.

Hechos 27:6

Mira ëmanuxun ca a capitanën Alejandría ëmanuax ucë manë nunti isacëxa. Isun ca anúnu nux Italianu cuanun aín ꞌibubëtan mëníocëxa.

Hechos 6:9

Usa ꞌain ca an uni itsin ꞌacëma ñu ꞌaia oi ami nishi, judíos unibunëan ñu mëëmicë ꞌaíshbia chiquícë unicamabë Alejandría, Cilicia, ꞌimainun Asia me acamanuaxa ucë unicamax timë́ax Estebanbë cërúanancëxa.

Hechos 7:22

Cania ca Egiptonu ꞌicë unicaman atun ꞌunáncë ñucamaribi ꞌunánmiacëxa. Usa ꞌaish sinánñuira ꞌaish ca ax aín bana ꞌimainun aín ñu ꞌacëribi upí ꞌiacëxa.

1 Corintios 1:12

Usoquian cacëxun ꞌën sináncëx ca ësa ꞌicën: mitsu raírinëx ca ax isa ꞌën ꞌunánmicë ꞌicë quia. Quimainun ca raírinëxribi ax isa Apolonën ꞌunánmicë ꞌicë quimainun, raírinëxribishi ax isa Pedronën ꞌunánmicë ꞌicë quimainun raírinëxribishi ax isa Cristonën ꞌunánmicë ꞌicë quiax quia.

1 Corintios 16:12

Nucën xucën, Apolo, a ñuiquinmi mitsun ꞌë ñucácë, a ñuiquin cana mitsu cain, a cana axa Jesucristomi catamëcë uni raíribëa mitsu isi cuantánun quixun can. Cacëxbi ca bërí cuainsama tanxa. Usa ꞌain ca uinsaran cara cuanti ꞌicë quixun isti ꞌicën.

1 Corintios 4:6

ꞌËn xucë́antu, Apolobë ꞌëx ꞌicësaribitimi mitsux bëtsi bana sinanima Nucën Papa Dios quicësabi oíshi ꞌinun cana ënë ñucama ñuiquin mitsu cain. —An mitsu ꞌunánmicë unin ꞌunánmicësamaira oquin ca an nu ꞌunánmicë unin nu ꞌunánmia —quixun camina bëtsi uni catima ꞌain.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

Tito 3:13

Ucëma pain ꞌixun camina an bana ꞌunánquin unicama ꞌësëcë uni, Zenas, abëtan Apolonën cuanuxun aín ñu mëníoia ꞌaquinti ꞌain. ꞌAquianan camina cuania uisa ñu cara cuëënia a ꞌinánti ꞌain.