Hechos 18:23 - Kashibo-Kakataibo Biblia

²³ Antioquíanu ꞌëora pain ꞌitancëx ca Galacia menu ꞌicë ëma ꞌimainun Frigia menu ꞌicë ëmacama oi cuanquin Pablonën axa Jesucristomi catamëcë unicama upiti Jesucristomi sinani ax cuëëncësabi oi ꞌinun quixun caquin atu ꞌësëacëxa.

Nukën 'Ibu Diosan ain unikama 'inan ain bana

²³ Antioquíanu 'ëora pain 'itancëx ca Galacia menu 'icë ëma 'imainun Frigia menu 'icë ëmacama oi cuanquin Pablonën axa Jesucristomi catamëcë unicama upiti Jesucristomi sinani ax cuëëncësabi oi 'inun quixun caquin atu 'ësëacëxa.

Hechos 18:23 ပူးပေါင်းရင်းမြစ်များ

Esdras 1:6

Mëníokatia ka kamabi a ꞌurama ꞌikë unikaman kuania atu ꞌakinkin manë uxua, kuri atun ñukama, vaca ꞌimainun atun ñu kupíirakëkama a ꞌinánan, bëtsi bëtsi ñu uin kara ꞌinántisa tania an aín ñu ꞌinánkëxa.

Lucas 1:3

Teófilo, minribi camina a ñucama mi ñuixuncancëxun cuan. Minmi asérabi cara a bana ꞌicë quixun ꞌunánun cana ꞌënribi upí oquin an a ñucama ꞌunáncë unicama ñucáquin, uisaira cara ꞌiaxa quixun cuatancëxun, cuënëoxunquin mi ñuixunin.

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Lucas 22:43

Usaquian cacëbë naínuax anu uxun ca ángelnën Jesús ꞌaquinquin cushiocëxa.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Hechos 15:32

Usa ꞌain ca an Nucën Papa Diosan sinánmicëxun bana uni ñuixuncë uni ꞌixun Judas ꞌimainun Silasnën ꞌitsa oquin bana ñuixunquin anu ꞌicë unicama ꞌësëacëxa. ꞌËsëcëxun upí oquin Jesús sinani chuámarua tani ca unicama cuëëancëxa.

Hechos 15:41

Xucëx cuanquin ca Pablobëtan Silasnën Siria menu cuanan Cilicia menuribi cuanquin a mecamanuaxa Jesucristomi catamëcë unicama bana ñuixunquin Jesucristonan ꞌaísha cuëënun sinánmiacëxa.

Hechos 16:40

Usaquian cacëx sipunuax chiquíquiani ca Lidianën xubunu cuancëxa. Cuanx atsínquinbi ca axa Jesucristomi catamëcë unicama anu timë́cë isquin upí oquin ꞌësëtancëx anuaxribi cuancëxa. Tesalónica ëmanuaxa unicama tsuáquirua

Hechos 16:6

Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Hechos 19:1

Corinto ëmanua Apolos ꞌain ca Pablo matá me sapáncama oi cuantancëx Efesonu bëbacëxa. Bëbaxun ca anu ꞌicë axa Jesucristomi sináncë unicama mëracëxa.

Hechos 2:10

ꞌImainun cananuna Frigia, Panfilia, Egipto, ꞌimainun Africa menu ꞌicë ëma raíri Cirene ꞌucëa ꞌicë anuax ucë ꞌain, ꞌimainun cananuna Roma ëmanu ꞌicë judíos unicama ꞌimainun raírinëx judíosma uni ꞌixunbia an usai judíos uni ꞌiti Moisésnën cuënëo bana quicësabi oquin ꞌacë ꞌain.

1 Corintios 16:1

Axa Jesucristomi catamëcë unicama curíqui ꞌinánti ñuiquinmi ꞌë ñucácëxun cana mitsu cain, ꞌën Galacia menu ꞌicë unicama cacësabi oquin camina mitsúnribi curíqui ꞌinánti ꞌain.

Gálatas 1:2

Ënu ꞌicë axa ami catamëcë unicamabëtan cana Galacia mecamanu ꞌicë ëmacamanuaxmi Jesucristomi catamëcë ꞌicë, ënë quirica mitsu cuënëoxunin.

Gálatas 1:9

ꞌËn cacësaribi oquin cana mitsu catëcënin, ui unin cara nun ñuixuncëxunmi cuacë a banama bëtsi bana mitsu ñuixunia, a ca Nucën Papa Diosan uisa cara oti ꞌicë usoquin ꞌati ꞌicën.

Gálatas 4:14

ꞌËx ꞌñucë ꞌaish upíma ꞌicë isquinbi camina ꞌë timáma ꞌain. Usa ꞌixun camina Nucën Papa Diosan xucë ángel bicësa oquin upí oquin bianan Jesucristo ꞌacësa oquin ꞌë biacën.

1 Tesalonicenses 3:2

nucën xucën Timoteo mitsu istánun quixun xuti cananuna sinan. Anribi ca ami sináncë ꞌixun —Jesucristomi catamëti ca uni ainan ꞌiti ꞌicë —quixun Nucën Papa Diosan bana nubëtan camabi uni ñuixuanxa. Usa ꞌixun ca cuantancëxun an mitsúxmi Jesucristonan ꞌaish tëmëraíbi ami manuaxma ꞌinun upí oquin ꞌësëquin mitsu cushioti ꞌicën. Mitsúnbi camina ꞌunanin, Nucën Papa Diosan unicamax ca bëtsi unían bëtsi bëtsi ocë ꞌiti ꞌicë quixun.

1 Tesalonicenses 4:18

Usa ꞌain camina ënë bana, abëmi ꞌicë unicamabë masá nuituaxma ꞌinun quixun ñuixuni, sinánmiananti ꞌain.

1 Tesalonicenses 5:14

Nucën xucë́antu, ënë ñucamaribi ꞌanun cananuna mitsu cain, an ñu mëëtisama tanquin uni itsi ubíocë unicama, a camina sinananun ꞌësëti ꞌain. Jesucristonan ꞌaíshbi upiti ami catamëcëma unicama a Jesucristomi upiti catamënun sinánmianan camina an Jesucristonan ꞌixunbi an ñu ꞌatima ꞌati sináncë unicama aribi upí ꞌinun ꞌaquinti ꞌain. ꞌAquianan camina camabi uni ami nishquinma nuibaquin upí ꞌinun ꞌaquinti ꞌain.