Hechos 18:21 - Kashibo-Kakataibo Biblia

²¹ Abë ꞌiquinma ëbianquin ca atu cacëxa: —Judíos unicama anun timë́ti nëtë sënë́ncëbë atubë Jerusalénu ꞌitancëx cana Nucën Papa Dios cuëëncëbë mitsu isi utëcënti ꞌain. Quixun cabiani ca Efesonuax cuancëxa.

Nukën 'Ibu Diosan ain unikama 'inan ain bana

²¹ Abë 'iquinma ëbianquin ca atu cacëxa: —Judíos unicama anun timë́ti nëtë sënë́ncëbë atubë Jerusalénu 'itancëx cana Nucën Papa Dios cuëëncëbë mitsu isi utëcënti 'ain. Quixun cabiani ca Efesonuax cuancëxa.

Hechos 18:21 ပူးပေါင်းရင်းမြစ်များ

Mateo 26:39

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Marcos 6:46

Xutancëxun anu ꞌicë unicama cabiani ca Jesús matánu Nucën Papa Diosbë banai cuancëxa.

Lucas 9:61

Cacëbëtan ca uni itsínribi cacëxa: —ꞌËx cana mibë cuanti ꞌain, ꞌaínbi cana axa ꞌën xubunu ꞌicëcama pain bërúanxa ꞌinun cai cuanti ꞌain.

Hechos 15:29

Unínbia uniocë ñu a rabiquian ꞌacë ñuina a camina pitima ꞌain ꞌimainun camina ñuina imi pitima ꞌain ꞌimainun camina tëtsë́cacë ñuina pitima ꞌain ꞌimainun ca aín xanuma ꞌain uni xanubë ꞌitima ꞌicën. Ënë banacama cuati camina mitsux asábi ꞌiti ꞌain. Bërúanx camina ꞌicanti ꞌain”.

Hechos 18:19

Tëamitancëx cuanx ca Efeso ëmanu bëbacëxa. Bëbax Priscila ꞌimainun Aquila ëbiani cuanx anua judíos unicama timë́ti xubunu atsíanx ca anuax Pablo anua timë́cë judíos unicamabë banai atubë usai Jesús ꞌiti ñuiquin Nucën Papa Diosan bana cuënëo ñui canancëxa.

Hechos 18:20

Usaía ꞌia judíos unicaman atubëa ꞌinun cacëxbi ca Pablo anu ꞌiáma ꞌicën.

Hechos 18:24

Pablonëan Galacia menu cuanan Frigia menuribi cuanquin axa Jesucristomi catamëcë unicama ꞌësëmainun ca Alejandría ëmanu ꞌicë judíos uni achúshi, Apolo, ax Efeso ëmanu cuanx anu ꞌiacëxa. Ax ca an Nucën Papa Diosan bana cuënëo upí oquin ꞌunáncë ꞌaish unicama upí oquin bana ñuixuncë ꞌiacëxa.

Hechos 19:1

Corinto ëmanua Apolos ꞌain ca Pablo matá me sapáncama oi cuantancëx Efesonu bëbacëxa. Bëbaxun ca anu ꞌicë axa Jesucristomi sináncë unicama mëracëxa.

Hechos 19:17

Usoquian ꞌacëa ñuia ca Efesonu ꞌicë judíos unicama ꞌimainun judíosma unicamanribi cuacëxa. Cuati racuë́quin ca: —Nucën ꞌIbu Jesús, ax ca cushiira ꞌicë —quiquin a rabiacëxa.

Hechos 19:21

Usa ꞌain ca Pablonën Macedonia me ꞌimainun Acaya menu pain cuantancëx Jerusalénu cuanti sináncëxa. Jerusalénu cuanti sinani ca quiacëxa: Anu pain ꞌitancëx cana Roma ëmanuribi cuanti ꞌain.

Hechos 20:16

Anuxun ca Pablonën Pentecostés cacë nëtë ꞌiisama pain ꞌain Jerusalénu bëbati sinánquin ꞌuran Asia menu ꞌiisama tanquin, Efeso ëma ꞌurama ꞌaínbi anu cuantima sináncëxa.

Hechos 21:14

Usai quia Jerusalénu cuancatsi quia cananuna Pablo sinanamicasmacën. Usa ꞌain cananuna quiacën: —Nucën ꞌIbu Dios cuëëncësabi oi ca ꞌiti ꞌicën.

Hechos 21:29

Jerusalënuaxa abë nitsia isbaiëxanx ca Efesonu ꞌicë uni, Trófimo, a Pablonën anuxun Nucën Papa Dios rabiti xubunu atsínmicësa sinani usai quicancëxa.

Romanos 1:10

Mitsu ñucáxuanan cana a ñucatin, bëráma cuainsa taníbi cuancëma cupí, bërí mitsu isi cuanuan ꞌë ꞌaquinun.

Romanos 15:32

Usaquin ñucácëx Nucën Papa Dios cuëëncëbë cuanxun mitsu isi cana chuámarua tani cuëënti ꞌain. Mitsucëñuan ꞌë Jesucristonën cushiocë ꞌaish cana ami sinani cuëënti ꞌain.

1 Corintios 15:32

Efeso ëmanu ꞌicë unicamax pianancë ñuinasa ꞌaish, ꞌëmi nishcëxunbi Cristo ñuiquin a unicama bana ñuixunia ca acaman ꞌë bëtsi bëtsi oxa. Usa ꞌaínbi ca bamatancëxa Cristo baísquiama ꞌaínbi ꞌëx unin bëtsi bëtsi ocë ꞌinuxun bana ñuixuncë ax ñancáishi ꞌitsíanxa. Unia bama ꞌaish Cristo utëcëncëbë baísquitima ꞌain cananuna uni raírinëxa quicësaribiti ësai quitsían: “Bëtsi nëtë́nbi cananuna ashiti bamati ꞌain. Usa ꞌain cananuna bamacëma pain ꞌixun pucháquin pianan xëai nux cuëëncësa oíshi ꞌiti ꞌain”.

1 Corintios 16:7

Inúquinshi mitsu isti cana cuëëniman. Nucën ꞌIbu Jesucristo cuëëncëbë cana mitsubë ꞌëora pain ꞌi cuanti ꞌain.

1 Corintios 16:8

Efeso ënuxun ꞌën a ñuiquin bana ñuixunia cuati cuëëni ca ꞌitsa uni Cristomi catamëtia. Usaía ꞌicëbëtanbi ca ꞌitsa uniribi ꞌën ñuicë bana cuaisama tanquin timanan ꞌën ñuixunxunma ꞌanun ꞌë ꞌimitisa tania. Usa ꞌain cana Pentecostes nëtë utámainun Efeso ëma ënu pan ꞌiti sinanin.

1 Corintios 4:19

Usaquin sináncëbëbi cana Nucën ꞌIbu Jesucristo cuëëncëbë ꞌitsama nëtë ꞌicëbë mitsu isi cuanti ꞌain. Cuanxun cana a unicaman cara aín cuëbitainshi banaquinma asérabi ax quicësabi oquin ꞌaia quixun isti ꞌain.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

Efesios 1:1

ꞌËx cana Pablo, Nucën Papa Dios cuëëncësabi oquin aín bana ñuixunun Jesucristonën caísa ꞌain. Usa ꞌixun cana Efeso ëmanuaxmi Cristo Jesúsmi sinani ami catamëti Nucën Papa Diosnan ꞌicë ënë quirica mitsu buánmin.

Hebreos 6:3

Ësa banacama mitsu ñuixuntëcënquinma cananuna Nucën Papa Dios cuëëncëbëtan bëtsi ñu mitsu ñuixunti ꞌain.

Santiago 4:15

Usai quima camina ësai quiti ꞌain: Nucën ꞌIbu Dios cuëëncëbë, bamacëma ꞌixun cananuna nun sináncë ñu ꞌati ꞌain.

1 Pedro 3:17

Axa cuëëncëbëa, Nucën Papa Diosan uni aín ñu upí ꞌacë, a cupí tëmërati asábi ꞌaínbi ca an ñu ꞌatima ꞌacë cupía uni tëmërati ax aín ꞌuchabi ꞌicën.

Apocalipsis 1:11

Banai ësai quia cana cuan: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Ënuxunmi min iscë ñucama ñuiquin camina quiricanu cuënëoti ꞌain. Cuënëotancëxun camina axa ꞌëmi sinani ꞌëmi catamëcë unicama, mëcën achúshi ꞌimainun rabë́ ëmanu ꞌicë, acamami cuënëocë quirica buánmiti ꞌain, Efeso, Esmirna, Pérgamo, Tiatira, Sardis, Filadelfia, Laodicea, a ëmacamanu ꞌicë unicama a.

Apocalipsis 2:1

Catancëxun ca ësaquinribi ꞌë caxa: —An axa Efesonuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: An aín mëcën mëqueu ꞌicë anun mëcën achúshi ꞌimainun rabë́ ꞌispa tuíncë ꞌianan axa mëcën achúshi ꞌimainun rabë́ anu lamparín nanti nëbë́tsi nicë, Jesús, an ca anuaxa timë́cë unicamami ësaquin a caxúnun quixun mi caia: