Hechos 17:7 - Kashibo-Kakataibo Biblia

⁷ Ucë ca Jasonën anua ꞌinun aín xubunu atsínmiaxa. A unicamax ca Romanu ꞌicë ꞌapu César quicë bana cuaisama tani, ꞌapu itsi ca Jesús ꞌicë quia.

Nukën 'Ibu Diosan ain unikama 'inan ain bana

⁷ Ucë ca Jasonën anua 'inun aín xubunu atsínmiaxa. A unicamax ca Romanu 'icë 'apu César quicë bana cuaisama tani, 'apu itsi ca Jesús 'icë quia.

Hechos 17:7 ပူးပေါင်းရင်းမြစ်များ

Daniel 3:12

Usaími kikë ax ka asábi ꞌikën, usa ꞌaínbi ka uiti judíos karamina mix ꞌapu ꞌixun Babilonia ëmanu ꞌikë ñukama an bërúanti anëa akaman mix kikë banakama tainsama tania, usa ꞌixun ka a rabiti ñukama rabianan mix ꞌapu ꞌixun kuri amixun nitsinmikë aribi rabitisama tania. Akamax ka Sadrac, Mesac ꞌimainun Abed-negó akama ꞌikën.

Daniel 6:13

Usa ꞌain ka a unikaman karaishikin ꞌapu kakëxa: —Achúshi uni ñatanbëtsinkin bëa Daniel kakë judíos uni an ka mix ꞌapu ꞌixunmi usai ꞌiti nankë bana a tanima, nun kananuna isan rabë́ ꞌimainun achúshi okían nëtë́tibi ꞌain Dios ñukatia mëran kixun ka ax ami manánkin unikaman kakëxa.

Lucas 10:38

Bain cuanía achúshi ëmanu bëbaia ca anu ꞌicë Marta cacë xanun aín xubunu Jesús atsínmiacëxa.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Juan 19:12

Usoquian Jesusan cacëxuan Pilátonën Jesús chiquínti sinaniabi ca judíos unicaman munuma cuëníshoquin cacëxa: —Min ënë uni chiquíanx camina Romanu ꞌicë ꞌapu Césarbë upí ꞌitima ꞌain. Uinu ꞌicë unix cara —ꞌëx cana ꞌapu ꞌai —quia, ax ca Césarbë nishanancësa ꞌiti ꞌicën.

Hechos 16:21

Tsuáquirumiquian bana ñuixuncë ꞌaínbi cananuna nun romano uni ꞌixun an ñuixuncë bana axa quicësabi oquin ꞌatima ꞌain.

Hechos 17:5

Usa ꞌaínbi ca judíos unicama, an Jesús sináncëma, ax ami nutsi Silas ꞌimainun Pablomi nishquin uni ꞌatima chiquíshcama timëtancëxun a ëmanu ꞌicë unicama tsuáquirumiacëxa. Tsuáquirumi, Jasón cacë uni aín xubunu banaruquin barii ca, camabi unían isnun ëma nëbë́tsi buánti ca Pablocëñun Silas chiquínti ꞌicë quiax quicancëxa.

Hechos 17:8

Pablocëñun Silas ñuicania cuati ca unicamabë a ëmanu ꞌicë ꞌapucamaxribi sharati tsuáquiruacëxa.

Santiago 2:25

Usaribi oquin ca Rahab cacë xanu ax ꞌaisama ꞌixunbia Israel uni rabë́ Jericó ëmanu ꞌicë unicaman ꞌatin rabanan, aín xubunu unëxun bëtsi bain cuantánun xucë, a cupí Nucën Papa Diosan upí isacëxa.

1 Pedro 2:15

Mitsúnmi upí ñuishi ꞌati ca Nucën Papa Dios cuëënia. Usaquinmi ꞌaia isi ca an Nucën Papa Diosan bana ꞌunáncëma ꞌixun an upí oquin sináncëma unicama ax mitsumi uisaíbi banatima ꞌicën.