Hechos 17:23 - Kashibo-Kakataibo Biblia

²³ ꞌËx ënë ëmanu ꞌicë bain niquin cana anuxunmi mitsun dioscama rabicë ꞌitsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun ꞌunáncëma dios rabiti a ꞌicën”. ꞌUnánxunmabimi rabicancë dios a cana ꞌën mitsu ñuixunin.

Nukën 'Ibu Diosan ain unikama 'inan ain bana

²³ 'Ëx ënë ëmanu 'icë bain niquin cana anuxunmi mitsun dioscama rabicë 'itsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun 'unáncëma dios rabiti a 'icën”. 'Unánxunmabimi rabicancë dios a cana 'ën mitsu ñuixunin.

Hechos 17:23 ပူးပေါင်းရင်းမြစ်များ

Isaías 45:4

Min ꞌunánkëxumabi kana upíokin mi ꞌën uni Israel Jacobnën rëbúnkikama, ꞌën kana mi kaisakën kaískin kana min anën mi kuëankën, usokin ꞌakë ka unikaman mi nuibatia ꞌën kana mi ꞌapu ꞌimian raíri ꞌapu kamasamaira ꞌinun.

Mateo 15:9

Nucën Papa Diosan bana isa quixun ca unínbi ñuicë banaishi unicama ñuixunia. Usa ꞌixun ca ñancábi ꞌë rabia. Isaíasnën cuënëo bana quicësabi oi camina mitsux ꞌin.

Juan 17:25

Papan, upíira sinánñu camina ꞌain. Usa ꞌicëbi ca an min bana cuacëma unicaman mi ꞌunanima. ꞌAínbi cana ꞌën mi ꞌunan, an ꞌën bana cuacë unicamanribi ca asérabi camina min ꞌë xuacë quixun ꞌunania.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 4:22

Mitsun camina ui caramina rabi quixun ꞌunaniman. Nun cananuna ui caranuna rabi quixun ꞌunanin. An uni Nucën Papa Diosnan ꞌinun ië́miti, ax ca judío uni ꞌiti ꞌicën. An usaia ꞌinun mënío, a cananuna nun rabin.

Juan 8:54

Quia ca Jesusan cacëxa: —ꞌËx rabiacacëbëtanbi ca, aín banax sapi ca asérabima ꞌicë quixun unin sinánti ꞌicën. Usa ꞌaínbi ca an ꞌë rabicë, ax ꞌën Papa ꞌicën, ami mitsun —ax ca Nucën Papa Dios ꞌicë —quixun ñuicë a.

Hechos 17:30

Nucën Papa Dios ꞌunáncëma ꞌixun ca unin anbia uniocë ñu rabiacëxa. Rabia isquinbi ca Nucën Papa Diosan isëshiacëxa. Isëshia ꞌixunbi ca bërí camabi menu ꞌicë uni ꞌatimaquin sináncë ꞌixunbia sinananun quixun aín unicaman canun camia.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 8:5

Raíri unin ca sinania, ꞌaisamaira ca dios ꞌicë quixun. Usa ꞌaish ca naínu ꞌicë ꞌimainun menu ꞌicëribi ꞌicën. Ax ca dios ꞌicë quianan ax ca nun ꞌibu ꞌicë quiax quia.

Efesios 2:12

Judíos unima ꞌaish camina Cristo ñui quicë bana cuacëma ꞌiacën. Judíos unicaman ꞌunan ꞌaínbi camina mitsun Nucën Papa Diosan bana ꞌunáncëma ꞌianan an Cristo ñuiquin Abraham cá bana a ꞌunáncëma ꞌiacën. Usa ꞌixun camina Nucën Papa Diosan ca nuibaquin uni ꞌaquianan ainan ꞌimiti ꞌicë quixun ꞌunáncëma ꞌaish mitsux cuëëncësa oíshi tsóti sináncën.

2 Tesalonicenses 2:4

A unin ca camabi uni Nucën Papa Dios ꞌimainun atúan rabiquin, ax ca nun dios ꞌicë quixun cacë, a ñucama ënquin aishi rabinun cati ꞌicën. Canan ca anuxun Nucën Papa Dios rabiti xubunubi atsíanx —ꞌëx cana Dios ꞌai —quixun sinani tsóti ꞌicën.

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.