Hechos 17:19 - Kashibo-Kakataibo Biblia

¹⁹ Usai quitancëxun ca Pablo bibianquin matá, Areópago cacë, anu buánxun cacëxa: —Nun nu cuacëma a ñuiquinmi nu cacë bana ënë cananuna upí oquin ꞌunántisa tanin.

Nukën 'Ibu Diosan ain unikama 'inan ain bana

¹⁹ Usai quitancëxun ca Pablo bibianquin matá, Areópago cacë, anu buánxun cacëxa: —Nun nu cuacëma a ñuiquinmi nu cacë bana ënë cananuna upí oquin 'unántisa tanin.

Hechos 17:19 ပူးပေါင်းရင်းမြစ်များ

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Marcos 1:27

Usoia isi ca anu ꞌicë unicama ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënëx ca nun cuacëma bana ꞌicën. Ënë uni ca ñunshin ꞌatimanënbi aín bana cuatia. Uninuax —ca chiquit —quixuan cacëx ca chiquitia.

Juan 13:34

Mitsun ꞌunáncëma bana ió ënëribi cana axa quicësabi oími ꞌinun mitsu cain, mitsúxbi camina bëtsibë bëtsibë nuibananti ꞌain. ꞌËn mitsu nuibacësaribi oi camina micamax bëtsibë bëtsibë upiti nuibananti ꞌain.

Hechos 17:20

Nun cuacëma ñu camina min ñuin. Uisai qui quicë cara quixun cananuna ꞌunántisa tanin.

Hechos 17:22

Usa ꞌain ca Pablo Areópagonu timë́cë unicama nëbë́tsinuax niruquin cacëxa: —Atenasnu ꞌicë unicama, ꞌën iscëxun camina mitsun dioscama ꞌitsaira sinánquin a rabin.

Hechos 17:34

Cuancëbë Pablobë cuani ca raírinëx ami sinani Jesúsmi catamëacëxa. Acamax ca Dionisio, Areópagonu ꞌicë uni a ꞌimainun xanu achúshi Damaris cacë a ꞌimainun raíriribi ꞌiacëxa.

Hechos 23:19

Cacëxun mëínbianquin ꞌuri buánxun ca comandantenën a tuá ñucáquin cacëxa: —¿Añu ñuiquin caramina ꞌë caisa tanin?

Hechos 24:24

Usa ꞌain ca nëtë itsin Felix, judía xanua biá, Drusila cacë, abë utëcëancëxa. Uxun ca Cristomi catamëti ca uni Nucën Papa Diosnan ꞌiti ꞌicë quixun ñuia cuaisa tanquin Pablo camiacëxa.

Hechos 25:22

Usaquian cacëxun ca Agripanën Festo cacëxa: —ꞌËnribi cana a unían bana ñuia cuaisa tanin. Quiáxa quia ca Festonën cacëxa: —Imë́ishibi camina axa quia cuati ꞌain.

Hechos 26:1

Festonën cacëxun ca Agripanën Pablo cacëxa: —Mixribi camina banati ꞌain. Usaquian cacëx ca camabi unin cuamainun aín mëcënan sanani ësai Pablo quiacëxa: