Hechos 17:16 - Kashibo-Kakataibo Biblia

¹⁶ A unicama cuan ca Pablonën Atenas ëmanuxun Timoteocëñun Silas aia caíancëxa. Caini a ëmanu niquin, unían uniocë ñu a unin rabicë, a ꞌaisamaira isi ca Pablo masá nuituacëxa.

Nukën 'Ibu Diosan ain unikama 'inan ain bana

¹⁶ A unicama cuan ca Pablonën Atenas ëmanuxun Timoteocëñun Silas aia caíancëxa. Caini a ëmanu niquin, unían uniocë ñu a unin rabicë, a 'aisamaira isi ca Pablo masá nuituacëxa.

Hechos 17:16 ပူးပေါင်းရင်းမြစ်များ

1 Reyes 19:10

Ësokia kakëxun kuankin ka Elíasnën kakëxa: ꞌËx kana minun rabanan ꞌitsaira bamatisa ꞌinun tëmërain mixmi Dios kamabi kushiñuira ꞌaínbi, Israel unikaman ka atumi manuxuma ꞌanun ka usakin ñu ꞌati ëanxa, ꞌimainun ka anuxun mi rabikin ñuina xaroti akamaribi masóxa, usakin ꞌanan ka an min bana ñuikë unikamaribi atun manë xëtokën ꞌakin këñúaxa. Usa ꞌain kana ꞌëratsushi bërúan, usakin atu ꞌaxunbi ka ꞌëribi ꞌakatsikixun barikania.

1 Reyes 19:14

Kixun kakëxun kuakin ka Elíasnën kakëxa: “ꞌËx kana minun rabanan ꞌitsaira bamatisa ꞌinun tëmërain mix Dios kamabi kushiñuira ꞌaínbi, Israel unikaman ka atubëtan min achúshi ñu ꞌa usakin ꞌati ëanxa, ꞌimainun ka anuxun mi rabikin ñuina xaroti akamaribi masóxa, usokin ꞌakin ka an min bana ñuikë unikamaribi atun manë xëtokën ꞌakin këñúaxa. Usokin ꞌakëbë kana ꞌëshi bërúan, ꞌaínbi ka ꞌëribi ꞌanuxun barikania.”

Salmos 119:136

Unin min banakama kikësokin ꞌaiama isi, ꞌitsaira anun masá nuitukëbë ka ꞌën bëunkë ax ꞌumpax ꞌikësaira ꞌinun ꞌibuaxa.

Salmos 69:9

ꞌËn anuxun mi rabiti xubu a nuibakin bërúankëbëa ꞌëmi bananan an mi ribi ñuikë unikama bana ax ka ꞌënan ꞌaisama ꞌiaxa.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Miqueas 3:8

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Marcos 3:5

Quiáma atu ñachai nishi masá nuituquin ca Jesusan —uisa cupí cara ënë unicama axa ꞌinsíncë uni ënëmi sinanima —quixun sinánquin aín mëcën ñucë uni cacëxa: —Ca mëshpat. Cacëx mëshpatishi ca mëpëxcüacëxa.

Juan 2:13

Pascua anúan judíos unicaman carnero ꞌati nëtëa ꞌurama ꞌain ca Jesús Jerusalénu cuancëxa.

Hechos 17:15

Bërúmainun ca an buáncë unicaman Pablo Atenas ëmanu buáncëxa. Buántancëxun a ëbianía Bereanu cuantëcënia ca Pablonën a unicama Timoteocëñuan Silas bënëtishi a isi unun quixun camiacëxa.

Hechos 17:21

Usa ꞌain ca Atenasnu ꞌicë unicama ꞌimainun ꞌuracëox uax atubë ꞌicë unicama an uisa bana cara an cuacëma ꞌicë a cuaisa tancëxa. ꞌImainun ca unían ñuia cuacëma ñuribi ñuiquin uni caisa tancëxa. Usai ca a unicamax ꞌiacëxa.

Hechos 17:23

ꞌËx ënë ëmanu ꞌicë bain niquin cana anuxunmi mitsun dioscama rabicë ꞌitsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun ꞌunáncëma dios rabiti a ꞌicën”. ꞌUnánxunmabimi rabicancë dios a cana ꞌën mitsu ñuixunin.

Hechos 18:1

Areópago cacë matánuxun bana ñuixuntancëx ca Pablo Atenas ëmanuax Corinto ëmanu cuancëxa.

Hechos 20:22

Usa ꞌain cana Nucën Papa Diosan Bëru Ñunshin Upitan sinánmicësabi oi Jerusalénu cuanin, uisai carana anuax ꞌiti ꞌai quixun ꞌunanimabi.

1 Tesalonicenses 3:1

Mitsu istëcëncëma ꞌaish cananuna uisa caramina ꞌai, caramina asérabi Jesucristomi sinani quixun sinani bënë́an. Bënëti nuxëshi Atenas ëmanu bërúanan

2 Pedro 2:7

Sodomacëñun Gomorra nënquinbi ca Nucën Papa Diosan Lot cacë uni, axa upí ꞌaish unicaman ñu ꞌatima ꞌaia isi masá nuitucë, a ië́miacëxa.