Hechos 17:12 - Kashibo-Kakataibo Biblia

¹² Usaquin ꞌai ca atux ꞌitsáxira —asérabi ca —quixun sinani Jesucristomi catamëacëxa. Usai ꞌimainun ca griego banan banacë unicama ꞌimainun xanucamaribi —upí sinánñu ca —quixuan unin ꞌunáncë, acamax Jesucristomi catamëacëxa.

Nukën 'Ibu Diosan ain unikama 'inan ain bana

¹² Usaquin 'ai ca atux 'itsáxira —asérabi ca —quixun sinani Jesucristomi catamëacëxa. Usai 'imainun ca griego banan banacë unicama 'imainun xanucamaribi —upí sinánñu ca —quixuan unin 'unáncë, acamax Jesucristomi catamëacëxa.

Hechos 17:12 ပူးပေါင်းရင်းမြစ်များ

Marcos 15:43

Ñantabucëbë ca uacëxa Arimatea ëmanu ꞌicë uni, José. Ax ca judíos cushicaman ꞌapucama cushi achúshi ꞌianan —upí uni ca —quixuan camabi unin ꞌunáncë ꞌiacëxa. Usa ꞌaish ca anúan Nucën Papa Dios camabi unin ꞌapu ꞌiti nëtëa an caíncë ꞌiacëxa. Usa ꞌaish racuëtimaishi anua ꞌicënu atsínquin ca Pilato —Jesús ca bamaxa, cana buántisa tanin —quixun cacëxa.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

Hechos 13:46

Usa ꞌain ca Pablobëtan Bernabénën racuë́quinma atu cacëxa: —Nun nu judíos uni ꞌicë mitsu pain Nucën Papa Diosan bana ñuixuncëxbi camina ꞌiti ꞌaíshbi ainan ꞌiisama tanquin aín bana cuaisama tancanin. Usa ꞌain cananuna judíosma unicama Jesús ñuiquin bana ñuixuni cuanti ꞌain.

Hechos 13:50

Usa ꞌaínbi ca judíos unicaman Pablocëñun Bernabé ñui ami ꞌatimati banaquin bëtsi bëtsi xanu Nucën Papa Diosmi sináncë ꞌianan —atux ca aín nuitu upí ꞌicë —quixun unin cacë acama ꞌimainun a ëmanu ꞌicë cushi unicamaribi Bërnabé ꞌimainun Pablomia nishnun quixun tsuáquirumiacëxa. Usocëxun ca Pablocëñun Bernabé bëtsi bëtsi oquin aín nëtënuaxa cuanun quixun xuacëxa.

Hechos 14:1

Antioquíanuax cuanx Iconio ëmanu bëbax ca Pablobë Bernabé anua judíos unicama timë́ti xubunu atsíancëxa. Atsínxuan bana ñuixuncëx ca ꞌitsaira judíos uni ꞌimainun judíosma uni acamaxribi ami sinani Jesúsmi catamëacëxa.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

1 Corintios 1:26

ꞌËn xucë́antu, mitsun camina ësoquin ꞌunánti ꞌain: mitsux camina raírinëxëshi unin ꞌunáncë ñu ꞌunáinracë ꞌain, raírinëxëshi camina ꞌapusa ꞌain, raírinëxëshi camina uni itsibëtan sënë́nmaira unin bëchicë ꞌain. ꞌItsamanëxëshi camina usa uni ꞌain. Usa ꞌicëbi ca Nucën Papa Diosan ainan ꞌinun micama caísaxa.

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.

Santiago 1:10

ꞌImainun ca ñuñuira ax Jesucristomi catamëti ñuñumaibi cuëënti ꞌicën. Axa ñuñuira uni ax ca ro uáxa upíira upí ꞌitancëxbi aín upí bënëtishi nëtë́cësaribi ꞌicën.

Santiago 1:21

Usa ꞌain camina ñu ꞌatima ꞌaisamaira oquinmi mitsun ꞌacë a ëanan uisa ñucama cara ꞌaisama ꞌicë ënti ꞌain. A ënquin camina ami cuacë Nucën Papa Diosan bana a mitsun nuitu mëu racanaquin upí oquin sinánti ꞌain. Mitsúnmi cuacë bana ënë́xa quicësabi oquin, Jesucristomi catamëcë ꞌixun, ꞌacë ꞌaish camina Nucën Papa Diosnan ꞌinux ië́canti ꞌain.