Hechos 17:11 - Kashibo-Kakataibo Biblia

¹¹ Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

Nukën 'Ibu Diosan ain unikama 'inan ain bana

¹¹ Atsínxuan bana ñuixuncëbëtan ca anua 'icë judíos unicaman, Tesalónica ëmanua 'icëcamasamaira 'ixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax 'icë quixun 'unáncasquin camabi nëtën Nucën Papa Diosan bana cuënëo isacëxa.

Hechos 17:11 ပူးပေါင်းရင်းမြစ်များ

Salmos 119:100

Usa ꞌain kana uni kaniakëkë kaman kuakësamaira okin ꞌën kuankin ꞌunánin, ꞌën kana a tanti banakama ax kikësabiokin ꞌain.

Salmos 119:97

¡A mi ꞌë ꞌunánmikë min bana kana ꞌitsaira kuëënin! ¡Usa ꞌixun kana kamabi nëtën iskin anua ꞌunanin!

Proverbios 1:5

Uix kara sinánñuira ꞌianan upíokin bana kuakë ꞌixunbi kuatia ax ka, ñu ꞌunánkësamaira okin a banakama ꞌunani anunbi aín sinan chaiira ꞌiti ꞌikën,

Proverbios 8:10

Usa ꞌain ka ñuñu ꞌisatanan kuríkiñu ꞌianan kuriñu ꞌisatankin sinánkë a ꞌimainun ꞌën ꞌunánmikë banakama ꞌashi ꞌunánkanti ꞌikën.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Jeremías 2:21

ꞌËn kana mi i upíira ꞌapákësa ꞌimianan, uvas bëru upíira ꞌapákëx kókësa usaribi ꞌinun ꞌimiakën. ¡ꞌAínbi kamina atiaira ꞌaisamai ninu ꞌikë bimi mukaira ꞌinun tuákësa usaribi ꞌikankën, usa ꞌikë kana ꞌënribi mitsu ꞌunánkëmasa okën!

Mateo 13:23

Me upí anua ñu bëru nipacëcë usaribi ca raíri unicama ꞌicën. A unicamax ca Nucën Papa Diosan bana asérabi cuaquin a bana quicësabi oquin ꞌacë ꞌaish me upínu ꞌapácë ñu bëru, axa coi canitancëxun upí oquin tuacë, asaribi ꞌia. Raírinëx ca ꞌitsaira, cien, bimiñusa ꞌia, ꞌimainun ca raírinëxribi ꞌitsa, sesenta, bimiñusa ꞌia, ꞌimainun ca raírinëxribishi ꞌitsamashi, treinta, bimiñusa ꞌia.

Lucas 11:3

Bërí nëtën camina nun piti anun nux tsóti a nu ꞌinánti ꞌain.

Lucas 16:29

Cacëxun ca Abrahamnën cacëxa: Atux ca Moisés ꞌimainun an Nucën Papa Dios quicë bana uni ñuixuncë unicaman cuënëo bana anu ꞌicë quiricañu ꞌicën. A isquin ca ꞌunánti ꞌicën.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 3:21

Usa ꞌaínbi ca an Nucën Papa Dios cuëëncësabi oquin ꞌacë uni, an ꞌaia isquian —an ca Nucën Papa Diosan ꞌaquincëxun ñu ꞌaia —quixun unin ꞌunánun xabánuxun ñu ꞌaia.

Juan 5:39

Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Hechos 10:33

Cacëxun cana bënë́nquinshia mi bënun quixun uni xuëxan. Xucëxuan cacëx camina upí oquin sinánbëtsini atubë ënu uan. Usa ꞌain cananuna Nucën ꞌIbu Diosan nu ismainun ënu bërí ꞌain, an mi sinánmicëxunmi nu ñuixuncëxun cuanux.

Hechos 11:1

Usa ꞌain ca Jesusan aín bana uni ñuixunun caíscë unicamabëtan Judea menuxun axa Jesucristomi catamëcë unicamanribi, judíos unishima judíosma unicamaxribi ca Nucën Papa Diosan bana cuati Jesúsmi catamëtia quixun ñuicania cuacëxa.

Hechos 17:1

Usaquiani cuani Anfípolis ëma ꞌimainun Apolonia ëma anun cuanx ca Tesalónica ëmanu bëbacëxa. Tesalónicanu ca anua judíos unicama timë́ti xubu achúshi ꞌiacëxa.

Hechos 2:41

Usaquian Pedronën cacëxun cuaquin ca ꞌitsa unin —asérabi ca a bana ꞌicë —quixun sináncëxa. Sinani ca a nëtë́nbi nashimicë ꞌaish tres mil uniribishi axa Jesúsmi sináncë unicamabë ꞌiacëxa.

1 Tesalonicenses 1:6

Nux ꞌicësaribiti ꞌianan Nucën ꞌIbu Jesús ꞌiásaribiti tëmëraibi camina mitsux Jesucristo ñuicë bana cuati ainan ꞌaish Nucën Papa Diosan Bëru Ñunshin Upitan ꞌimicëx cuëëinra cuëëan.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

2 Tesalonicenses 2:10

Usonan ca Jesucristomi catamëisama tancë cupía xënibua ꞌaínbi Nucën Papa Diosnan ꞌitima unicama, a atun ꞌucha cupíbi paránuxun uisa ñu cara ꞌaisama ꞌicë abi ꞌati ꞌicën.

Santiago 1:21

Usa ꞌain camina ñu ꞌatima ꞌaisamaira oquinmi mitsun ꞌacë a ëanan uisa ñucama cara ꞌaisama ꞌicë ënti ꞌain. A ënquin camina ami cuacë Nucën Papa Diosan bana a mitsun nuitu mëu racanaquin upí oquin sinánti ꞌain. Mitsúnmi cuacë bana ënë́xa quicësabi oquin, Jesucristomi catamëcë ꞌixun, ꞌacë ꞌaish camina Nucën Papa Diosnan ꞌinux ië́canti ꞌain.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.