Hechos 17:10 - Kashibo-Kakataibo Biblia

¹⁰ Usai ꞌicëbëtan ca axa Jesucristomi catamëcë unicaman bënë́nquinshi imë́ Pablocëñun Silas Berea cacë ëmanu cuantánun quixun xuacëxa. Xucëx cuanx bëbatancëx ca anua judíos unicama timë́ti xubunu atsíancëxa.

Nukën 'Ibu Diosan ain unikama 'inan ain bana

¹⁰ Usai 'icëbëtan ca axa Jesucristomi catamëcë unicaman bënë́nquinshi imë́ Pablocëñun Silas Berea cacë ëmanu cuantánun quixun xuacëxa. Xucëx cuanx bëbatancëx ca anua judíos unicama timë́ti xubunu atsíancëxa.

Hechos 17:10 ပူးပေါင်းရင်းမြစ်များ

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Hechos 15:22

Usaía Jacobo quia cuaquin ca Jesusan aín bana ñuixunun caíscë unicama ꞌimainun axa Jesucristomi catamëcë unicaman aín cushicamabëtan sináncëxa, Antioquíanua Bernabé ꞌimainun Pablobë cuantánun cananuna rabë́ uni caísti ꞌai quixun. Usaquin sinánxun ca axa Jesucristomi catamëcë uni rabë́, Judas ꞌicëbi Barsabásribi cacë, acëñun Silas caísacëxa.

Hechos 17:1

Usaquiani cuani Anfípolis ëma ꞌimainun Apolonia ëma anun cuanx ca Tesalónica ëmanu bëbacëxa. Tesalónicanu ca anua judíos unicama timë́ti xubu achúshi ꞌiacëxa.

Hechos 17:2

Usa ꞌain ca rabë́ ꞌimainun achúshi semana anu ꞌi, Pablo axa ꞌicësabi oi anun ñu mëëtima nëtë ꞌicëbë ꞌicëbë, anua judíos unicama timë́ti xubunu atsínxun, anua timëtia unicama cuënëo bana ꞌunánmiquin, Jesús ax ca asérabi Cristo ꞌicë quixun cai atubë canancëxa.

Hechos 17:4

Ñuixunia cuati ca judíos unicama raíri, Jesús ax ca asérabi Cristo ꞌicë quixun sinani, ami catamëti Silas ꞌimainun Pablobë timë́acëxa. ꞌImainun ca griego banan banacë uni ꞌixunbia Nucën Papa Diosan bana cuacëcama, a ꞌimainun —ax ca aín nuitu upí ꞌicë —quixuan unin cacë xanucamaxribi Jesúsmi catamëacëxa.

Hechos 17:6

Usai quiquinbi mëraquinma ca Jasóncëñun axa Jesucristomi catamëcë unicama raíri nirínbianquin a ëmanu ꞌicë unicaman ꞌapunu buáncëxa. Buani ca munuma sharati quicancëxa: —An camabi menu ꞌicë unicama tsuáquirumicë uni rabëtax ca ënu uaxa.

Hechos 20:4

Cuancëbë ca Berea ëmanu ꞌicë uni, Sópater, a ꞌimainun Tesalónica ëmanu ꞌicë uni rabë́, Aristarco ꞌimainun Segundo, ꞌimainun Derbe ëmanu ꞌicë uni, Gayo, ꞌimainun Asia menu ꞌicë unicama, Timoteo, Tíquico, Trófimo, acamax Pablobë cuancëxa.

Hechos 9:20

Anu ꞌixun ca anua judíos unicama timë́ti xubucamanuxun, Jesús ax ca asérabi Nucën Papa Diosan Bëchicë ꞌicë quixun unicama ñuixuancëxa.

Hechos 9:25

Caíncania ꞌunánquin ca axa Jesucristomi catamëcë unicaman Saulo, caquí chanu ꞌaruxun, cënë manámia ꞌicë xëcuën, imë́ nanpácancëxa. Nanpácëx ca ꞌibúquiani Saulo Jerusalénu cuancëxa.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

1 Samuel 20:42

Usai ꞌitankëx sënënia ka Jonatánnën David kakëxa: —Chuámashi kamina kuanti ꞌain, nu rabëtax kananuna amiribishi bëtsiokin sinántëkëntima oi, Nukën ꞌIbun ismainunbi kian, ꞌimainun kananuna nu rabë́a ënxuma ꞌanun kan, usa ꞌain kananuna uínsaranbi ënananima nuibananti ꞌain, usa ꞌain ka min rëbúnkikama ꞌakianan ꞌën rëbúnki kamaribi ꞌakinti ꞌikën. Ësokin katankëx ka David kuantamainun Jonatánnëx anuaxa ukë ëmanu kuantëkëankënxa.