Hechos 16:6 - Kashibo-Kakataibo Biblia

⁶ Usaquiania cuania Asianuxun bana ñuixunxunma ꞌanun Nucën Papa Diosan Bëru Ñunshin Upitan sinánmicëx ca Pablobë Silas ꞌimainun Timoteo Frigia cacë me ꞌimainun Galacia cacë menuribi cuancëxa.

Nukën 'Ibu Diosan ain unikama 'inan ain bana

⁶ Usaquiania cuania Asianuxun bana ñuixunxunma 'anun Nucën Papa Diosan Bëru Ñunshin Upitan sinánmicëx ca Pablobë Silas 'imainun Timoteo Frigia cacë me 'imainun Galacia cacë menuribi cuancëxa.

Hechos 16:6 ပူးပေါင်းရင်းမြစ်များ

Hechos 10:19

A baricamainuan namácësoquin iscë ñucama a sinan sinaniabi ca Pedro Nucën Papa Diosan Bëru Ñunshin Upitan cacëxa: —Rabë́ ꞌimainun achúshi unin ca mi baria.

Hechos 11:12

Acamaxa bëbamainun ca Nucën Papa Diosan Bëru Ñunshin Upitan, judíos unima ca quixun sinanima a unicamabë cuanun quixun ꞌë caxa. Usa ꞌain cana atubë cuan, ꞌimainun ca axribi Jesucristomi catamëcë ꞌaish mëcën achúshi ꞌimainun achúshi uni ënë́xribi ꞌëbë cuanxa. Cuanx cananuna an ꞌë camicë unin xubunu atsían.

Hechos 16:7

Cuanx anu bëbaquin Misia cacë me inubiani, Bitinia cacë menuribishi cuainsa taniabi ca Nucën ꞌIbu Jesusan Bëru Ñunshin Upitan anu cuanxma ꞌinun sinánmiacëxa.

Hechos 18:23

Antioquíanu ꞌëora pain ꞌitancëx ca Galacia menu ꞌicë ëma ꞌimainun Frigia menu ꞌicë ëmacama oi cuanquin Pablonën axa Jesucristomi catamëcë unicama upiti Jesucristomi sinani ax cuëëncësabi oi ꞌinun quixun caquin atu ꞌësëacëxa.

Hechos 19:10

Usaquin ca Pablonën rabë́ barin anuxun bana ñuixuancëxa. Pablonëan usaquin ñuixuncëxun ca Asianu ꞌicë unicama, judíos unicama ꞌimainun judíosma unicamanribi Nucën ꞌIbu Jesús ñuiquian ñuixuncë bana cuacëxa.

Hechos 20:16

Anuxun ca Pablonën Pentecostés cacë nëtë ꞌiisama pain ꞌain Jerusalénu bëbati sinánquin ꞌuran Asia menu ꞌiisama tanquin, Efeso ëma ꞌurama ꞌaínbi anu cuantima sináncëxa.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Hechos 20:4

Cuancëbë ca Berea ëmanu ꞌicë uni, Sópater, a ꞌimainun Tesalónica ëmanu ꞌicë uni rabë́, Aristarco ꞌimainun Segundo, ꞌimainun Derbe ëmanu ꞌicë uni, Gayo, ꞌimainun Asia menu ꞌicë unicama, Timoteo, Tíquico, Trófimo, acamax Pablobë cuancëxa.

Hechos 21:27

Anun mëníocati nëtë mëcën achúshi ꞌimainun rabë́ sënë́nti ꞌuramara ꞌain ca judíos unicama raíri, Asianuax ucë, acaman Pablo anuxun Nucën Papa Dios rabiti xubunua isacëxa, isquian tsuácarucëxun Pablo biacëxa.

Hechos 6:9

Usa ꞌain ca an uni itsin ꞌacëma ñu ꞌaia oi ami nishi, judíos unibunëan ñu mëëmicë ꞌaíshbia chiquícë unicamabë Alejandría, Cilicia, ꞌimainun Asia me acamanuaxa ucë unicamax timë́ax Estebanbë cërúanancëxa.

Hechos 8:29

Isia mëraia ca Felipe Nucën Papa Diosan Bëru Ñumshin Upitan cacëxa: —A carronu ca cuantan.

Romanos 16:5

Axa Jesucristomi catamëcë ꞌaish Priscila ꞌimainun Aquilanën xubunu timë́cëcamaribi camina bërúanxa ꞌinun ꞌë caxunti ꞌain. Acama ꞌimainun camina, ꞌën nuibacë Epeneto, ax paían Acaya menuax Cristomi catamëcë, aribi bërúanxa ꞌinun ꞌë caxunti ꞌain.

1 Corintios 12:11

Usaquin ꞌaquin ca aín Bëru Ñunshin Upí ax achúshi ꞌixunbi, Nucën Papa Diosan unicama bëtsi bëtsi ñua ꞌanun ꞌimia, ax cuëëncësabi oquin.

1 Corintios 16:1

Axa Jesucristomi catamëcë unicama curíqui ꞌinánti ñuiquinmi ꞌë ñucácëxun cana mitsu cain, ꞌën Galacia menu ꞌicë unicama cacësabi oquin camina mitsúnribi curíqui ꞌinánti ꞌain.

1 Corintios 16:19

Asia menu ꞌicëcama axa Jesucristomi catamëcë, acaman ca bërúanxmi ꞌinun mitsu camia. Aquila ꞌimainun Priscila ꞌimainun aín xubunu timë́cëcama, an ca Nucën ꞌIbu Jesucristomi sináncë ꞌixun bërúinroxmi ꞌicánun quixun ꞌë mitsu camia.

2 Corintios 1:8

ꞌËn xucë́antu, mitsúnmi ꞌunánun cana mitsu cain, Asia menuxun ꞌaisamaira oquin tëmëraquin cananuna sinan, cananuna tënëtima ꞌai quixun. Usa ꞌain cananuna bamati sinan.

Gálatas 1:2

Ënu ꞌicë axa ami catamëcë unicamabëtan cana Galacia mecamanu ꞌicë ëmacamanuaxmi Jesucristomi catamëcë ꞌicë, ënë quirica mitsu cuënëoxunin.

Gálatas 3:1

Gálatas unicama, mitsux camina sinánñumasa ꞌain. Unin ꞌucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma ꞌanun quixun mitsu paránxa.

2 Timoteo 1:15

Camina ꞌunan, Asia menuax ucë unicamabëtan ca Figelo ꞌimainun Hermógenes, axribi anuax ucë ꞌixun, anribi ꞌë ëbianxa.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

1 Pedro 1:1

ꞌËx cana Pedro, aín bana unicama ñuixunuan Jesucristonën caísa ꞌain. Mitsun nëtënuax bëtsi bëtsi menu tsóti cuan ꞌaíshmi Ponto, Galacia, Capadocia, Asia, Bitinia, a nëtëcamanu ꞌicë cana ënë quirica mitsu buánmin.

Apocalipsis 1:11

Banai ësai quia cana cuan: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Ënuxunmi min iscë ñucama ñuiquin camina quiricanu cuënëoti ꞌain. Cuënëotancëxun camina axa ꞌëmi sinani ꞌëmi catamëcë unicama, mëcën achúshi ꞌimainun rabë́ ëmanu ꞌicë, acamami cuënëocë quirica buánmiti ꞌain, Efeso, Esmirna, Pérgamo, Tiatira, Sardis, Filadelfia, Laodicea, a ëmacamanu ꞌicë unicama a.

Apocalipsis 1:4

ꞌËx Juan ꞌixun cana Asia menu ꞌicë mëcën achúshi ꞌimainun rabë́ ëmanuax timë́cë axa Jesucristomi catamëcë unicama, mitsu ësaquin cain: Nucën Papa Dios axa usabi ꞌiá ꞌaish usabi ꞌicë, an nuibaquin ꞌaquincëxmi mitsux chuámarua bucuti cana cuëënin. Cuëëanan cana anua Nucën Papa Dios ꞌicë aín Bëru Ñunshin Upí anribi aín bana upí oquin cuanun ꞌaquianan, a bana quicësabi oi ꞌinun ꞌaquincëxmi mitsux chuámarua bucuti cuëënin.