Hechos 16:34 - Kashibo-Kakataibo Biblia

³⁴ Usa ꞌixun ca an sipuacë unicama bërúancë unin aín xubunu buánxun Pablocëñun Silas pimiacëxa. Usocëx ca a unibë aín xubunua ꞌicë aín aintsi ꞌibucamaxribi Nucën Papa Diosmi catamëti ainan ꞌaish, chuámashirua tani cuëëancëxa.

Nukën 'Ibu Diosan ain unikama 'inan ain bana

³⁴ Usa 'ixun ca an sipuacë unicama bërúancë unin aín xubunu buánxun Pablocëñun Silas pimiacëxa. Usocëx ca a unibë aín xubunua 'icë aín aintsi 'ibucamaxribi Nucën Papa Diosmi catamëti ainan 'aish, chuámashirua tani cuëëancëxa.

Hechos 16:34 ပူးပေါင်းရင်းမြစ်များ

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Lucas 15:32

Min xucën —ca bamaxa —quixun ꞌën sináncëbëbi ca ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Usa ꞌaían cuëënquin picánti ca asábi ꞌicën.

Lucas 19:6

Usaquian cacëxëshi chuámarua tani bënëtishi ꞌibúquin ca Zaqueonën aín xubunu buánuxun Jesús biacëxa.

Lucas 5:29

Jesúsbë cuantancëxun ca Levitan, Jesúscëñun aín ꞌunánmicë unicamaribi canan piti ꞌitsa ꞌamitancëxun aín xubunuxuan abëtan pi unun ꞌitsa uni camiacëxa. Camicëx uxun ca Levísaribi ꞌitsa uni an ꞌapu buánmiti curíqui bicë ꞌimainun usa uni raíriribi, camaxunbi Jesús ꞌimainun aín ꞌunánmicë unicamabëtan mesanu tsóxun piacëxa.

Hechos 11:14

Bëcëx uxun ca uisai caramina min xubunu ꞌicë camabëbi Nucën Papa Diosnan ꞌaish abë ꞌinux ië́ti ꞌai quixun mi cati ꞌicën.

Hechos 16:15

Sinánmicëx Jesucristomi catamëti ca Lidia, aín xubunu ꞌicëcamabë, nashimicë ꞌiacëxa. Nashimicë ꞌixun ca nu cacëxa: —Mitsun, ꞌëx cana asérabi Jesucristonan ꞌain quixun sinani camina ꞌën xubunu ꞌiti ꞌain. Usaquin nu caía nux anu ꞌiti cuëëncëbë cananuna anu ꞌiacën.

Hechos 16:35

Usaía ꞌian pëcaracëbëtan ca an uníxa uni itsimi manania cuacë unicaman policía xuquin cacëxa: —An sipuacë unicama bërúancë uninu cuanxun camina a uni rabë́a cuantánun ënun quixun cati ꞌain.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 8:39

A nashimitancëx caman ꞌiruiaishia Nucën Papa Diosan Bëru Ñumshin Upitan buáncëx nëtëtia ca a unin Felipe istëcëanma ꞌicën. Istëcënímabi cuëënquiani ca aín menu cuancëxa.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

Romanos 5:11

Usaquin ꞌimicëx cananuna —Nucën ꞌIbu Jesucristo a cupí cana Nucën Papa Diosnan ꞌaish abë upí ꞌai —quixun ꞌunani cuëëinra cuëënin.

Romanos 5:2

Jesucristomi catamëcë cupíshi cananuna uisaira oquin cara Nucën Papa Diosan nu nuibaquin nu ainan ꞌinun ꞌimia quixun ꞌunanin. Usoquin ꞌunani cuëënquin cananuna, nux cananuna Nucën Papa Diosnan ꞌaish aín nëtënu abë ꞌiti ꞌai quixun ꞌunanin.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Filipenses 4:17

Mitsúnmi ꞌë curíqui ꞌináncë ashi sinanima cana ꞌëmi ꞌaquincë cupími mitsux Nucën Papa Diosan iscëx upí ꞌiti cuëënin.

Filipenses 4:4

Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

Filemón 1:7

ꞌËn xucën, cana mi cain, axa anuax Jesucristomi catamëcë uni raírinëan masá nuitucë ꞌixunbi minmi nuibaquin ꞌaquincëxun upí oquin sinania ñuia cuaquin cana cuëënquin upí oquin sinan.

1 Juan 3:18

ꞌËn bëchicësa ꞌicë, cana mitsu cain, nun cuëbitanshi uni —ꞌën cana mi nuibati —quixun caquinma cananuna asérabi nuibaquin ꞌaquinsa ꞌicë a ꞌaquinti ꞌain.