Hechos 16:23 - Kashibo-Kakataibo Biblia

²³ Usoquin cacëxun cushíinra ꞌitsa oquin rishquitancëxun ca sipuacëxa. Sipuatancëxun ca an sipunu ꞌicë unicama bërúancë uni cacëxa, Pablocëñun camina Silas machiquitia upí oquin bërúanti ꞌai quixun.

Nukën 'Ibu Diosan ain unikama 'inan ain bana

²³ Usoquin cacëxun cushíinra 'itsa oquin rishquitancëxun ca sipuacëxa. Sipuatancëxun ca an sipunu 'icë unicama bërúancë uni cacëxa, Pablocëñun camina Silas machiquitia upí oquin bërúanti 'ai quixun.

Hechos 16:23 ပူးပေါင်းရင်းမြစ်များ

Mateo 26:48

Usa ꞌain ca buánquin Judasnën abë ꞌicë unicama cacëxa: —ꞌËn bëtsucucaia isquin camina ꞌunánti ꞌain, ax ca Jesús ꞌicë quixun. ꞌUnánquin camina a biti ꞌain.

Lucas 21:12

Usai ꞌicëma pan ꞌain ca mitsúxmi ꞌëmi catamëti ꞌën uni ꞌicë cupí, unin mitsu bixun bëtsi bëtsi onan anu judíos unibunëx timë́ti xubunu ꞌicë unin mitsu ꞌuchonun buánan, mitsu sipuanan, ꞌapu cha ꞌimainun ꞌapu chucúmaribi mitsu ñui ami manánquin mitsu ꞌinánti ꞌicën.

Hechos 12:18

Usaía ꞌion pëcaracëbë ca an bërúoncë suntárucamax, uimi cara Pedro quiónxa quiax sináncasmai raíribë ñucacanancëxa.

Hechos 12:4

Sipuamiquin ca ësaquin sináncëxa: Ënë nëtëcama inúcëbëtan sipunua chiquíminuxun cana judíos unicaman ismainun uisa carana Pedro oti ꞌai quixun isti ꞌain. Usaquin sinánquin ca chiquíti rabanan Heródesnën Pedro sipuanun quixun cacëxa. Cacëxun ca dieciseis suntáru a bërúanun mëníoquin policíanën rabë́ ꞌimainun rabë́ suntárunën paían bërúanun quixun sipuamiacëxa. Usoquin ca suntárucaman an paían bërúancëcamaxa cuancëbë cuancëbë uquin raírinënribi bërúancëxa.

Hechos 16:27

Usaía ꞌicëbë bësuquinbi, xëcuëcama xëóquicë isquin ca an sipuacë unicama chiquíti rabanan bërúancë unin sináncëxa, —sipuacë unicama ca chiquíquiani cuanxa —quixun. Sinánquin ca axbi taroracácatsi quixun aín manë xëtocë biacëxa.

Hechos 16:36

Usaquin caxun xucëx cuanxuan cacëxun ca an sipuacë unicama bërúancë unin Pablo cacëxa: —An uníxa uni itsimi manania cuacë unicaman ca mi chiquínun quixun ꞌë camiaxa. Usa ꞌain camina chuámashirua ꞌaish cuanti ꞌain.

Hechos 5:18

Nishi ami tsuáquiruxun ca Jesusan aín bana ñuixunun caíscë unicama bixun sipuacëxa.

Hechos 5:23

ca cacëxa: —Nun iscëx ca asérabi sipu cushioquin xëtáscë ꞌiaxa. An bërúancë suntárucamaribi ca aín xëcuë tanáinbi nicë ꞌiaxa. ꞌAínbi ca nun xëocaquin iscëxbi uni achúshibi ꞌaíma ꞌiaxa.

Hechos 8:3

Usa ꞌain ca Saulonën Jesucristomi catamëcë unicama cëñutisa tanquin xubucama oi atsínquin bëbu ꞌimainun xanuribi nirínbianquin sipuanuxun buáncëxa.

Hechos 9:2

—Damasco ëmanuaxa ax Jesúsmi catamëcë unicama ꞌimainun xanucamaribi bixun nëaxun, Jerusalénu bënun camina quirica ꞌaxun ꞌë ꞌinánti ꞌain. ꞌInáncëxun cana Damasconu cuanxun anua judíos unicama timë́ti xubucamanu cuanquin atu bariti ꞌain.

2 Corintios 11:23

¿Atun cara Cristo ñuiquin bana ñuixunin? Sinánñuma uni quicësai cana quin, atun ꞌacësamaira oquin cana ꞌën ꞌacën. Atux ꞌicësamairai cana bana ñuixuni tëmëracën, atu ꞌacësama oquin ca ꞌë ꞌitsa oquin sipuacancëxa, atu ꞌacësama oquin ca ꞌë ꞌitsa oquin rishquicancëxa, ꞌitsai cana bamaibi ië́acën.

2 Corintios 6:5

Unían nu mëëanan sipuanan raíri uni numi tsuáquirumimainun ꞌaisamaira oquin ñu mëëanan, ꞌuxti tëanan ꞌacëñuma ꞌaish panancë ꞌixunbi cananuna bënë́quinma tanshitin.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

Filemón 1:9

Usa ꞌaínbi cana —ꞌë nuibaquinshi camina ëx cuëëncësabi oquin ꞌati ꞌai —quixun sinánquin mi cain. ꞌËx cana Pablo, caniacëcë uni ꞌaish, Cristo ñuiquin uni bana ñuixuncë cupí sipuacë ꞌain.

Josué 4:17

Kakëxun ka Josuénën anuaxa kuaitanun kixun atu kakëxa,

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.