Hechos 16:19 - Kashibo-Kakataibo Biblia

¹⁹ Usai ꞌicëbëtan ca aín patróncaman, a xanuan an ꞌacësabi oquin ñu ꞌacëbëtanma ca curíqui bitima ꞌicë quixun sinánquin, Pablocëñun Silas biacëxa. Bibianquin ca anua ꞌapu ꞌicënu buáncëxa.

Nukën 'Ibu Diosan ain unikama 'inan ain bana

¹⁹ Usai 'icëbëtan ca aín patróncaman, a xanuan an 'acësabi oquin ñu 'acëbëtanma ca curíqui bitima 'icë quixun sinánquin, Pablocëñun Silas biacëxa. Bibianquin ca anua 'apu 'icënu buáncëxa.

Hechos 16:19 ပူးပေါင်းရင်းမြစ်များ

Daniel 6:12

Usakin mërabianishi ka a unikamax an usai ꞌiti nankë bana a ñuikin ꞌapu kai kuankëxa, kuanxun ka ësokin kakëxa: —Mix ꞌapu ꞌixun kamina achúshi bana ësokin nan uin kara achúshi ꞌuxë anun uinu ꞌikë diosbi ñukánan, uibi ñukatima ꞌikën, uix kara mix ꞌapu ꞌaínbi mibë banaima ax ka anua paru ꞌinúankama ꞌikë kini anu bixun nikë ꞌiti ꞌikë kian, ¿asérabi kara usama ꞌik? kixun ka atun kakëxa. Kakëxun ka asérabi —ka usa ꞌikën —kixun ꞌapun kakëxa, usa ꞌain ka a bana kikësabiokin ꞌakin medos ꞌimainun persanu ꞌikësaribi ꞌikë uínbi tërëkatima ꞌikën.

Mateo 24:9

Usoquin canan ca ësaquinribi Jesusan aín ꞌunánmicë unicama cacëxa: —ꞌËmi sináncëma uni raírinën ca uni itsían mitsu bëtsi bëtsi onun ꞌinánuxun ꞌaia. ꞌInánan ca micama raíri ꞌanuxun ꞌaia. Mitsúxmi ꞌëmi catamëcë cupí ca camabi menu ꞌicë unicamax ꞌëmi sináncëma ꞌaish mitsumi ꞌi nishnuxun ꞌaia.

Marcos 13:9

ꞌËmi sináncëma uni raírinën ca ꞌapucamanu ami manánuxun mitsu buánti ꞌicën. Usonan ca anua judíos unicama timë́ti xubucamanuxun mitsu manë xon rishquiti ꞌicën. Mitsúnmi ꞌën bana uni ñuixuncë cupí ca unin mitsumi nishqiun judíosma unicaman ꞌapunu mitsu buánti ꞌicën, ami mitsu ñui manánuxun. Usai ca ꞌiti ꞌicë quixun ꞌunanx camina usaía ꞌicëbë ratútima ꞌain. Usocëxunbi camina a ꞌapucama ꞌë ñuiquin bana ñuixunti ꞌain.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

Hechos 14:5

Usax ca judíos uni raíri ꞌimainun judíosma uni raíriribi, acamax Iconionu ꞌicë atun cushicamabë Pablocëñun Bernabé ami nishquin ñu catancëxun maxaxan ꞌanux ꞌësë́nancëxa.

Hechos 15:22

Usaía Jacobo quia cuaquin ca Jesusan aín bana ñuixunun caíscë unicama ꞌimainun axa Jesucristomi catamëcë unicaman aín cushicamabëtan sináncëxa, Antioquíanua Bernabé ꞌimainun Pablobë cuantánun cananuna rabë́ uni caísti ꞌai quixun. Usaquin sinánxun ca axa Jesucristomi catamëcë uni rabë́, Judas ꞌicëbi Barsabásribi cacë, acëñun Silas caísacëxa.

Hechos 15:26

Nun caíscë uni a rabëtan ca ami nishquian unin ꞌaisa tancëxunbi Nucën ꞌIbu Jesucristoa usai ꞌia ñuiquin racuë́quinma unicama ñuixunia.

Hechos 15:40

Cuancëbëtan ca Pablonën Silas abëa cuanun caísacëxa. Caíscë ca axa Jesucristomi catamëcë unicaman —Nucën ꞌIbu Diosan ca nuibaquin bërúanquin mi ꞌaquinia —quixun catancëxun xuacëxa.

Hechos 16:16

Nëtë itsin anuaxa uni abë banacë anuax Nucën Papa Diosbë banai cuanquinbi cananuna xanu xuntacu achúshi ñunshin ꞌatimañu isacën. A xanun ca ñunshin ꞌatimanëan ꞌunánmicëxun uisai cara ꞌiti ꞌicë quixun ñucácëxun uni usai camina ꞌiti ꞌain quixun ñuixuancëxa. Usoquin ꞌaquin ca aín patróncama ꞌitsa curíqui bimiacëxa.

Hechos 16:20

Buánxun ca an uni bëtsi unimi manania cuacë uni cacëxa: —Ënë uni rabëtan judíos uni ꞌixun bana ñuixuncëxun cuati ca nun ëmanu ꞌicë unicamax tsuáquiruia.

Hechos 16:25

Usoquian ꞌacëx ca Pablobë Silas imë́ naëx Nucën Papa Diosbë bananan a rabi cantacëxa. Usaría ꞌia ca anua ꞌicë sipuacë uni raírinën cuacëxa.

Hechos 16:29

Cacëxuinshi, anun pëcaxun isti a aín uni ñucáxun bibianx ca bënëtishi abáquiani sipu mëú atsíancëxa. Atsini, bërëqui racuëtan bamai ca Pablo ꞌimainun Silas tanáin rantin purúancëxa.

Hechos 17:6

Usai quiquinbi mëraquinma ca Jasóncëñun axa Jesucristomi catamëcë unicama raíri nirínbianquin a ëmanu ꞌicë unicaman ꞌapunu buáncëxa. Buani ca munuma sharati quicancëxa: —An camabi menu ꞌicë unicama tsuáquirumicë uni rabëtax ca ënu uaxa.

Hechos 21:30

Usaía quicëbë tsuáquirui abácuatsini uquin ca Jerusalénu ꞌicë unicaman biquin, Pablo anuxun Nucën Papa Dios rabiti xubu ëman nirínbianquin bënë́nquinshi xëcuëcama xëpuacëxa.

Hechos 8:3

Usa ꞌain ca Saulonën Jesucristomi catamëcë unicama cëñutisa tanquin xubucama oi atsínquin bëbu ꞌimainun xanuribi nirínbianquin sipuanuxun buáncëxa.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

2 Corintios 6:5

Unían nu mëëanan sipuanan raíri uni numi tsuáquirumimainun ꞌaisamaira oquin ñu mëëanan, ꞌuxti tëanan ꞌacëñuma ꞌaish panancë ꞌixunbi cananuna bënë́quinma tanshitin.

Filipenses 1:30

Usaribi oquin ca ꞌëribi ꞌimiaxa. Jesucristonan cupía unin ꞌë ꞌatimoia camina isacën. Bëríribi cana tëmërai quixun ꞌën mitsu quirica buánmicëxun camina ꞌunanin. ꞌËx ꞌicësaribiti camina mitsúxribi tëmërain.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

1 Timoteo 6:10

Axa ñuñu ꞌianan ꞌaisamaira curíquiñu ꞌiti cuëëncë uni an ca masáquin sinan sinánquin, uisa ñu cara upíma ꞌicë abi ꞌaisama sinánñu ꞌixun ꞌaia. Usa ꞌain ca raíri unin Jesucristomi sináncë ꞌixunbi ꞌaisamaira ñu biti cuëënquin, Jesucristo manubianxun ñu ꞌaisama ꞌaia. Usa ꞌaish ca masá nuituti nitsia.

Santiago 2:6

Usa ꞌaínbi camina mitsun ñuñuma uni a —ꞌaisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama ꞌic?