Hechos 16:17 - Kashibo-Kakataibo Biblia

¹⁷ A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu ꞌicë ꞌApuira a ñu ꞌaxunia. Usa ꞌixun ca anúnmi mitsun ꞌuchacama tërë́ncë ꞌaish ainan ꞌiti bana mitsu ñuixunia.

Nukën 'Ibu Diosan ain unikama 'inan ain bana

¹⁷ A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu 'icë 'Apuira a ñu 'axunia. Usa 'ixun ca anúnmi mitsun 'uchacama tërë́ncë 'aish ainan 'iti bana mitsu ñuixunia.

Hechos 16:17 ပူးပေါင်းရင်းမြစ်များ

Daniel 3:26

Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Daniel 3:28

Usa ꞌikë iskëbëshi ka Nabucodonosor munuma banai kiakëxa: “¡Sadrac, Mesac ꞌimainun Abed-negó akaman Dios ax ka rabikë ꞌiti ꞌikën, an ka aín unikama an ënkinma rabikin ꞌapux kikë bana tani aín diosma ꞌain ami rantinpuruni ꞌikëma ꞌikëa bamamiti ꞌaínbi an ië́miti aín ángel xuaxa!

Daniel 4:2

ꞌËn kana mitsunmi Dios kamabi kushiñu an ꞌë ꞌaxunkë ñukama mitsun ꞌunánti kuëënin.

Daniel 5:18

Dios manámi ꞌikë kushiira an ka, min papa Nabucodonosor, axa ꞌapu ꞌaish chaiira ꞌikëa kamabi menu ꞌikë unin uisakinbi kakëma ꞌinun ꞌimiakëxa.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Jonás 1:9

Ësokin kakëxun ka Jonásnën atu kakëxa: —ꞌËx kana Israelkama ꞌain, usa ꞌixun kana ꞌën ꞌIbu Dios naínu ꞌikë a rabin, an ka parúmpapa ꞌimainun me uniokëxa.

Miqueas 6:6

¿Uisa ñu uani kuanxun karanuna, Nukën ꞌIbu Dios manámi ꞌikë a rabiti ꞌain? ¿ꞌIanan karana vaca bakë achúshi baritiañukama ꞌaímai këñutanu xaroxunti ꞌain?

Mateo 22:16

Sinántancëxun ca aín uni raíri ꞌimainun axa Herodesmi sináncë unibu Jesús ñucánun quixun xuacëxa. Xucëx cuanxun ca a unicaman Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Mateo 8:29

Usa ꞌixun ca a isi munuma cuëncë́nquin Jesús cacëxa: —¿Uisati caramina Jesús, Diosan Bëchicë, min nu ubíoin? ¿Anúnmi nu masóti nëtë ucëma pan ꞌaínbi caramina nu ubíoi uan?

Marcos 1:24

—Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Marcos 12:14

Xucëx cuanxun ca Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin. Usa ꞌixun camina nu cati ꞌain, ¿Nucën Papa Dios asérabi nun cushi ꞌain cara Romanu ꞌicë ꞌapu, César, a curíqui buánmiti asábi ꞌic? ¿Cara asábima ꞌic? ¿Caranuna curíqui ꞌinánti ꞌain? ¿Caranuna ꞌinántima ꞌain?

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Lucas 1:77

Min sinánmicëxun ca ꞌunánti ꞌicën, a cupí ca atun ꞌuchacama tërë́ncë ꞌaish Nucën Papa Diosnan ꞌinun ië́micë ꞌiti ꞌicë quixun.

Lucas 1:79

Xucëxun uquin ca axa aín ꞌucha cupí Nucën Papa Diosbë upíma ꞌianan —ꞌën bamati ca ꞌurama ꞌicë —quixun sinani racuëti masá nuituti bëánquibucënu ꞌicësa unicama atun ꞌuchacama tërë́nquin Nucën Papa Diosnan ꞌinun ꞌimianan nuxnu Nucën Papa Diosbë upí ꞌaish ax cuëëncësabi oi ꞌinun nu ꞌimiti ꞌicën. Usai ca Zacarías Nucën Papa Diosan Bëru Ñunshin Upitan sinánmicëx quiacëxa.

Lucas 20:21

Xucëx cuanxun ca Jesús cacëxa: —Cananuna ꞌunanin, min banax ca asérabi ꞌicën, upí oquin camina unicama bana ñuixunin. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Lucas 4:34

—Jesús Nazaretnu ꞌicë, ¿min caina nu uisoti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë, a ꞌain.

Lucas 4:41

Ñunshin ꞌatimanëxribi ca ꞌitsa uni ꞌinsíncënuax chiquíacëxa. Chiquiti munuma cuëncëni ca quiacëxa: —Mix camina Diosan Bëchicë ꞌain. Quiabi ca Jesusan —ca nëtë́t —caquin ñunshin ꞌatima banamiquinma nëtë́miacëxa. Atúxa Jesús ax ca Cristo, a Nucën Papa Diosan xucë a ꞌicë quixun ꞌunáncë ꞌaíshbi usai quiti ca Jesús cuëëanma ꞌicën. Usa ꞌain ca atúxa quiabi nëtë́miacëxa.

Lucas 8:28

ꞌItsa oquian ñunshin ꞌatimanën ꞌamicëxun ñu ꞌaia ca unin uni itsi ubíoxunma ꞌanun aín manë risin nëacëxa. Usocëxbi ca manë risi tëcapabiani ñunshin ꞌatimanën ꞌimicëx anu uni ꞌicëma menu usabii ꞌicë ꞌaish cuancëxa. Usa ꞌaísha a mërai aín bëmánon rantin purúncëxun ca Jesusan ñunshin ꞌatima —ënë uninuax ca chiquit —cacëxa. Cacëx munuma cuëncë́nquin ca Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? ꞌË tëmëramixunma ca ꞌat.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Hechos 18:26

Usa ꞌain ca anua judíos unicama timë́ti xubunuxun Apolosnën racuë́quinma bana ñuixunia cuaquin ca Aquílabëtan Priscilanën ꞌuri buánxun Apolos, Jesúsmi catamëti ca uni usai ꞌia quixun upí oquinra ñuixuancëxa.

Hechos 19:13

Nucën Papa Diosan ꞌamicëxuan Pablonën usoquin ꞌaia istancëxun ca an cuaínbëquini niquin uninua ñunshin ꞌatima chiquíncë judíos unicama raírinën, Nucën Papa Diosan ꞌamicëxuan Pablonën ꞌacësaribi oquin ꞌati sináncëxa. Usaquin sinánquin ca uninu ꞌicë ñunshin ꞌatima cacëxa: —Pablonëan unicama ñuixuncë Jesús an ꞌamicëxun cana mi cain, ënë uninuax ca chiquit —quixun.

1 Pedro 2:16

Mitsun upí ñuishi ꞌai camina ꞌapucamami racuë́tima ꞌain. Usa ꞌaíshbi camina —ꞌëx cana camabi unin iscëx upí uni ꞌai —quixun sinánquin amo cëmëanan ñu ꞌatima unë́xun ꞌati sinántima ꞌain. An asérabi Nucën Papa Dios cuëëncësabi oquinshi ꞌacë unisa camina ꞌiti ꞌain.

2 Pedro 2:2

A unicaman ꞌaia isquin ca ꞌitsa unin usaribi oquin ñu ꞌatima ꞌati ꞌicën. Atúxa usai ꞌicë cupí ca uni Jesucristo ñuicë bana ñui ꞌatimati banati ꞌicën.