Hechos 16:16 - Kashibo-Kakataibo Biblia

¹⁶ Nëtë itsin anuaxa uni abë banacë anuax Nucën Papa Diosbë banai cuanquinbi cananuna xanu xuntacu achúshi ñunshin ꞌatimañu isacën. A xanun ca ñunshin ꞌatimanëan ꞌunánmicëxun uisai cara ꞌiti ꞌicë quixun ñucácëxun uni usai camina ꞌiti ꞌain quixun ñuixuancëxa. Usoquin ꞌaquin ca aín patróncama ꞌitsa curíqui bimiacëxa.

Nukën 'Ibu Diosan ain unikama 'inan ain bana

¹⁶ Nëtë itsin anuaxa uni abë banacë anuax Nucën Papa Diosbë banai cuanquinbi cananuna xanu xuntacu achúshi ñunshin 'atimañu isacën. A xanun ca ñunshin 'atimanëan 'unánmicëxun uisai cara 'iti 'icë quixun ñucácëxun uni usai camina 'iti 'ain quixun ñuixuancëxa. Usoquin 'aquin ca aín patróncama 'itsa curíqui bimiacëxa.

Hechos 16:16 ပူးပေါင်းရင်းမြစ်များ

Isaías 8:19

Usa ꞌain ka unikaman mitsu káshibuinxun ësakin kati ꞌikën: “Mitsux kamina uni ñukëkama aín ñunshinbë banati ꞌain, ꞌianan ka axa usai ka ñu ꞌiti ꞌikë kixun ꞌunánkë akamabëribi munura banati ꞌain. ¿Achúshi ëmanu ꞌikë unikaman kara atun dioskamabë, bananan uni bamakëkama a kara uisakin

Levítico 19:31

Uni an ñunshinan ꞌamikëxun ñu ꞌakë ꞌimainun an ñu tankë uni kamanu kamina kuankantima ꞌain. Usai abë banakin kamina mitsúnbi ꞌaisama ñu ꞌati ꞌain. ꞌËx kana mitsun ꞌIbu Dios a ꞌain.

Hechos 16:13

A ëmanuax cananuna anun ñu mëëtima nëtën baca cuëbí cuancën, anuaxa axa ami sináncë unicamax usabii ꞌicë ꞌaish Nucën Papa Diosbë banacë, anu. Cuanquinbi xanucama timë́cë isi anu tsóbuquin cananuna Jesúsmi catamëti bana atu ñuixuancën.

Hechos 16:18

Usai quiquin ca ꞌitsa nëtën nu nuiacëxa. Usoquin ꞌuran ubíocëx cuainacë́quin ca Pablonën ñunshin ꞌatima cacëxa: —Jesucristonëan quimicëxun cana mi cain, ënë xanunuax ca chiquit. Quixuan cacëxëshi ca bënëtishi ñunshin ꞌatima chiquíacëxa.

Hechos 16:19

Usai ꞌicëbëtan ca aín patróncaman, a xanuan an ꞌacësabi oquin ñu ꞌacëbëtanma ca curíqui bitima ꞌicë quixun sinánquin, Pablocëñun Silas biacëxa. Bibianquin ca anua ꞌapu ꞌicënu buáncëxa.

Hechos 19:24

Usaía ꞌinun ca Demetrio, an uxua manë unioquin ñu chucúmaracama ꞌati ꞌunáncë, an tsuáquirumiacëxa. Demetrio an anuxun diosa Artemisa cacë rabiti xubu iscësa ꞌitánun chamaburatsu oquin manë uxua uniocëxa. Unioxun maruquin ca a ꞌimainun abëtan ñu ꞌacë unicamanribi ꞌitsaira curíqui biacëxa.

Gálatas 5:20

ꞌAnan ca ꞌaia, Nucën Papa Diosmi sinánquinma unin ꞌacë ñu rabiti, ñubë́ ꞌiti, bëtsibë nishánanti, cuamianani nishánanti, ñuñanánti, unimi pishui nishti, bënëtishi unimi nishti, anbi ñu ꞌacatsi quixun sináncë ꞌiti, ꞌimainun uni raíri, raíri unibë nishananquin amanu amanu sinánun sinánmiti, acamaribi.

1 Timoteo 6:10

Axa ñuñu ꞌianan ꞌaisamaira curíquiñu ꞌiti cuëëncë uni an ca masáquin sinan sinánquin, uisa ñu cara upíma ꞌicë abi ꞌaisama sinánñu ꞌixun ꞌaia. Usa ꞌain ca raíri unin Jesucristomi sináncë ꞌixunbi ꞌaisamaira ñu biti cuëënquin, Jesucristo manubianxun ñu ꞌaisama ꞌaia. Usa ꞌaish ca masá nuituti nitsia.

2 Timoteo 3:8

Usa unicaman ca Janesbëtan Jambresnën Moisésnën ꞌacë ñu ax ca cëmë ꞌicë quixun uni sinánmiasaribi oquin Nucën Papa Diosan bana ax ca cuatima ꞌicë quixun unicama sinánmia. Aín sinan upíma ꞌaish ca Nucën Papa Diosan iscëx ainanma ꞌicën.

2 Pedro 2:3

A unicaman ca mitsun curíqui biti cupíshi cëmëquin paránquin Nucën Papa Diosan banamabi, anbi sináncë bana mitsu ñuixunti ꞌicën. Usaquian ꞌacë cupí ca ië́tima cëñúti ꞌicën, usai atux ꞌitia Nucën Papa Diosan mëníosabi oi.

1 Samuel 28:3

Usa ꞌain ka Samuel ñukë ꞌain kamabi Israel menua ꞌikë unikama anun rabanan masá nuituti ꞌikankëxa, usai anun rabanan ꞌitankëxun ka anuaxa bakëan aín me Ramá kakë anubi maínkankëxa. ꞌImainun ka Saúlnën an ñu tankë unikama ꞌimainun an ñukë uni ain ñunshin abë banati kuëënkë a kamabi a menua chikínkë ꞌiakëxa.

1 Samuel 28:7

Usokëxun ka ain suntárunën kushikama kakëxa: —Axa ñukë uni aín ñunshinbë banakë xanu achúshi kamina ꞌë barixunkanti ꞌain, ꞌëx abë banai anu kuanun. Kakëxun ka ain suntárunën kushikaman kakëxa: —Endor kakë ëmanu ka axa ñukë unikaman ñunshin kuëntankëxa abë banakë xanu ꞌikën kixun ka kakëxa.