Hechos 15:24 - Kashibo-Kakataibo Biblia

²⁴ Nun xucë́xmabi cuanxun isa uni raírinën mitsubë banaquin, usai judíos unicama ꞌiti Moisés quiásabi oi camina ꞌiti ꞌain quixun caquin mitsu masá nuitumiaxa quixuan ñuicania cananuna cuan.

Nukën 'Ibu Diosan ain unikama 'inan ain bana

²⁴ Nun xucë́xmabi cuanxun isa uni raírinën mitsubë banaquin, usai judíos unicama 'iti Moisés quiásabi oi camina 'iti 'ain quixun caquin mitsu masá nuitumiaxa quixuan ñuicania cananuna cuan.

Hechos 15:24 ပူးပေါင်းရင်းမြစ်များ

Jeremías 23:16

Nukën ꞌIbu kamabi kushiñu ax ka ësai kiaxa: “Israel unikama mitsun kamina, an këmëkinshi uni ꞌën bana ñuixunkë unikama ax kikë a kamina kuatima ꞌain. Atúxa kikë ax atúnbi sinanx këmëishi, usai ka ꞌiti ꞌikë kiax kikë ꞌikën, ꞌën kana usai karamina kiti ꞌai kixun atu kakëma ꞌain.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Gálatas 1:7

Anúan uni aín ꞌucha tërë́ncë ꞌaish Nucën Papa Diosnan ꞌinux ië́ti bëtsi bana ca ꞌaíma ꞌicën. Usa ꞌaínbi ca uni raírinën mitsu ꞌatimaquin sinánmiquin a bana bëtsi oisa tanquin bëtsi oquin ñuia.

Gálatas 5:10

Usa ꞌaínbi cana mitsúxmi Nucën ꞌIbu Jesucristomi catamëcë ꞌain ësaquin sinanin, mitsun camina ꞌën ꞌacësaribi oquin —Moisésnëan cuënëo bana cupíma Jesucristomi catamëcë cupíshi cananuna Nucën Papa Diosan iscëx upí ꞌai —quixun ꞌunanin. Usa ꞌaínbi ca an mitsu ꞌatimaquin sinanamisa tancë uni, uisa uni cara, abi Nucën Papa Diosan castícanti ꞌicën.

Gálatas 5:12

An mitsu ꞌunántioracanun quixun ubíocë unicama aín namiribi tëatibi ca ꞌia.

Gálatas 5:4

Uicaman caramina —Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupí ca ainan ꞌicë Nucën Papa Diosan ꞌë upí isia —quixun sinani, mix camina upí ꞌinux ami catamëtancëxunbi Cristo ëncë ꞌain. Usa ꞌaish camina Nucën Papa Diosnanmasa ꞌain.

2 Timoteo 2:14

Atúan a bana manuxunma ꞌanun sinanamiquin camina axa bëtsibë cuëbicánani —usama ca, ësaira ca bana ꞌicë —quiax cuamianáncë unicama, a Nucën ꞌIbu Dios cuëëncësabi oi usai ꞌiaxma ꞌinun quixun cati ꞌain. Usai cuamiananti ca ꞌaisama ꞌicën. Usa bana cuaquin ca uni itsin ꞌatimaquin sinánti ꞌicën.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.