Hechos 15:17 - Kashibo-Kakataibo Biblia

¹⁷ Judíos unicamainshima judíosma unicamanribia ꞌënan ꞌinuxun ꞌë ñucácë cupí cana acaman ꞌapu, Davidnën rëbúnqui achúshi ꞌimiti ꞌain.

Nukën 'Ibu Diosan ain unikama 'inan ain bana

¹⁷ Judíos unicamainshima judíosma unicamanribia 'ënan 'inuxun 'ë ñucácë cupí cana acaman 'apu, Davidnën rëbúnqui achúshi 'imiti 'ain.

Hechos 15:17 ပူးပေါင်းရင်းမြစ်များ

Génesis 22:18

usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Isaías 43:7

ꞌën unikama kamina kamabi mitsun bëtëkënti ꞌain akamax ka ꞌën aintsi ꞌibu ꞌikën, usa ꞌain kana atu ꞌën uniokën, usa ꞌixun ka atun ꞌë rabiti ꞌikën.

Isaías 63:19

Usa ꞌain kananuna nux uínsaranbi min ꞌakinkëmasa ꞌianan, uínsaranbi min unibu ꞌikëmasa ꞌiakën.

Isaías 65:1

Ësai ka Nukën ꞌIbu kiaxa: An añu ñubi ꞌë ñukáma unikama ax ka ꞌënu uakëxa; an ꞌëmi sinánkin ꞌë bariama unikama anbi ka ꞌëmi sinánkin ꞌë mërakëxa. Achúshi ëmanu bukukë unikama an ꞌë kuëënkëma akana kakën: Ënu kana aín.

Jeremías 14:9

¿Uisa kupín kaina achúshi uni ñu ꞌianan, axa ꞌakánanti ꞌunánkë ꞌixunbi raíri uni ꞌakinkin ië́mikëma usaribi ꞌain? Usa ꞌaínbi kamina mix nun Dios ꞌaish nukama nëbëtsi ꞌiti ꞌain, usa ꞌain ka nux kananuna min unikama ꞌai kixun kamaxunbi ꞌunánkanxa; ¡usa ꞌain kamina nukama ëntima ꞌain!

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Daniel 9:19

¡Nukën ꞌIbu, Nukën ꞌIbu! ¡Nun bana kamina kuati ꞌain, nun ꞌakë ñukama kamina nu mëníoxunti ꞌain! ¡ꞌAnan kamina nukamannu mi ñukákëkama nu ꞌakini uti ꞌain! ¡Mixi Dios ꞌixun ꞌanan kamina min ëma ꞌimainun min unikama an min anë rabikë akama ꞌakinti ꞌain kamina basitima ꞌain!

Oseas 2:23

Usa ꞌain ka ꞌën me ꞌinánkëx anu tsóti ꞌën unikamax ꞌënanshi ꞌiti ꞌikën; usa ꞌain kana mi kana nuibatima kixun kakin ꞌën Lo-ruhama, kakin anëkin Israelkama nuibati ꞌain, ꞌimainun kana. Lo-amí ꞌën unima kamina ꞌai kixun ꞌën kakë Israelkama bërí kamina ꞌën unikama ꞌai kixun kati ꞌain, kakëxun ka atun mix kamina ꞌën Dios ꞌai kixun ꞌë kati ꞌikën. Kiax ka Dios kiakëxa.”

Joel 2:32

ꞌAínbi ka kamabi unikama an Nukën ꞌIbun anë rabikë atun bamatinuax ië́ti tanti ꞌikën, usa ꞌain ka aín bashi Sión kakë Jerusalénnu ꞌikë anu ka anua atux ië́ti ꞌiti ꞌikën. Nukën ꞌIbu usai ka ꞌiti ꞌikë kiax kiásabi oi. Usa ꞌain ka an kaískë unikamax bamanuxbi tsókëpan ꞌiti ꞌikën.

Amós 9:12

usa ꞌain ka axa Edom menu bërua ꞌimainun bëtsi ëmakamanu bërua akamax amiribishi Israel menubi kuantëkënti ꞌikën.” Usai ka Dios kiaxa usa ꞌain ka aín bana kikësabi oi ꞌiti ꞌikën.

Miqueas 5:7

Usa ꞌain ka Israel unikamax bëtsi bëtsi ëmanu ꞌikë unikamasamaira ꞌaish, nibí ꞌimainun ꞌuí Diosan menu ꞌibúmikëxua, xubi komikë usaribikin ka unixa usai ꞌiti ꞌikë kixun sinánkë ꞌaímabi ꞌiti ꞌikën.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Números 24:23

Usai kitankëx sënëni ka ësai kiakëxa: ¿Uix kara bamakëma ꞌikë ax kara Diosan usakin ñu ꞌakëbë anubi tsóti ꞌik?

Números 6:27

Ësokian sacerdote unikaman ꞌën anë ñuikin Israel unikama kakëbëtan kana, ꞌën asérabia usai ꞌinun ꞌimiti ꞌain.

Santiago 2:7

Usaquin ꞌai ca Cristo, ax upí ꞌixuan an mitsu ainan ꞌimicë a ñui ꞌatimati banaia. ¿Atux cara usama ꞌic?