Hechos 14:8 - Kashibo-Kakataibo Biblia

⁸ Usa ꞌain ca uni achúshi aín niti bëtsicë usabi bacë́an ꞌaísha nicëma, ax Listranu ꞌiacëxa.

Nukën 'Ibu Diosan ain unikama 'inan ain bana

⁸ Usa 'ain ca uni achúshi aín niti bëtsicë usabi bacë́an 'aísha nicëma, ax Listranu 'iacëxa.

Hechos 14:8 ပူးပေါင်းရင်းမြစ်များ

Juan 5:7

Cacëxun ca ꞌinsíncë unin cacëxa: —ꞌUnpax cubíncë nëbëtsi an ꞌë butúnti uni ca ꞌaíma ꞌicën. Usa ꞌain ca ꞌëx cuancëma ꞌaínshi ꞌë rëtibiani cuanx, uni itsix pain ꞌunpax cubíncënu butuia.

Hechos 14:21

Cuanx bëbatancëxun ca —Jesucristomi catamëti ca aín ꞌuchacama tërë́ncë ꞌaish uni Nucën Papa Diosnan ꞌiti ꞌicë —quixun unicama bana ñuixuancëxa. Ñuixunia cuati ca ꞌitsa uni Jesucristomi catamëacëxa. Usaquin ꞌatancëx ca Derbenuax Listranu cuantëcëanx Icónionu cuanan Antioquíanuribi cuantëcëancëxa.

Hechos 14:6

ꞌËsë́nania ñuia cuabiani ca Licaonia menu ꞌicë ëma rabë́, Listra ꞌimainun Derbe, ꞌimainun a ꞌurama ꞌicë me camanuribi cuancëxa.

Hechos 16:1

Cuanx ca Pablobë Silas Derbe ëmanu cuanan anuribi cuani Listra ëmanu bëbacëxa. Anu ca axa Jesucristomi catamëcë Timoteo cacë uni ꞌiacëxa. Aín titax ca judío xanu ꞌianan Jesúsmi sináncë ꞌiacëxa, ꞌimainun ca aín papax griego banan banacë ꞌiacëxa.

Hechos 3:2

Cuanx bëbaquin iscë́xbi ca uni achúshi aín niti bëtsicë, usabi bacë́an, anu tsoócëxa. Camabi nëtë́an bëxun bëxun tsóncancëxun ca anuxun Nucën Papa Dios rabiti xubu aín xëcuë Upíira cacë, anuxun unicama atsinia curíqui ñucácëxa.

Hechos 4:9

Aín niti bëtsicë unia pëxcúcë ñuiquin camina uisai cara pëxcúonxa quixun nu ñucatin.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.