Hechos 14:1 - Kashibo-Kakataibo Biblia

¹ Antioquíanuax cuanx Iconio ëmanu bëbax ca Pablobë Bernabé anua judíos unicama timë́ti xubunu atsíancëxa. Atsínxuan bana ñuixuncëx ca ꞌitsaira judíos uni ꞌimainun judíosma uni acamaxribi ami sinani Jesúsmi catamëacëxa.

Nukën 'Ibu Diosan ain unikama 'inan ain bana

¹ Antioquíanuax cuanx Iconio ëmanu bëbax ca Pablobë Bernabé anua judíos unicama timë́ti xubunu atsíancëxa. Atsínxuan bana ñuixuncëx ca 'itsaira judíos uni 'imainun judíosma uni acamaxribi ami sinani Jesúsmi catamëacëxa.

Hechos 14:1 ပူးပေါင်းရင်းမြစ်များ

Marcos 7:26

A xanux ca judíosma, Sirofenicia menu ꞌicë ꞌiacëxa. Usa ꞌixun ca aín tuánua isa ñunshin ꞌatima chiquínun quixun Jesús cacëxa.

Juan 12:20

Judíos unicamax Pascua anun carnero ꞌati nëtën Jerusalénu cuanmainun ca griego banan banacë unicama raírinëxribi atubë Nucën Papa Dios rabi cuancëxa.

Juan 7:35

Quicëbë ca judíos ꞌapucamax ñucacanani quiacëxa: —¿Uinu cara ënë uni nun mëratimoi cuanti ꞌic? Bëtsi bëtsi ëma, anua griego banan banacë unicama ꞌicë, anua nun aintsi raíri cuancë, anu sapi ca Jesús anu ꞌicë judíosma unicama bana ꞌunánmi cuanti ꞌicën.

Hechos 11:21

Nucën ꞌIbu Diosan cushiocëxuan a unicaman aín bana ñuixuncëxun cuati ca ꞌitsa uni atúan bëráma ñu ꞌaisama ꞌacëcama ënquin sinanati, Nucën ꞌIbu Jesúsmi catamëacëxa.

Hechos 13:43

Usa ꞌain ca unicamaxa a xubunuax chiquícëbë judíos uni raíri ꞌimainun judíosma ꞌixunbi Nucën Papa Diosan bana sinánquin ax quicësabi oquin ꞌacë, acamax Bernabé ꞌimainun Pablobë cuancëxa. Cuania buánquin ca Pablobëtan Bernabénën ꞌësëquin ësaquin cacëxa: —Nucën Papa Diosan mitsu nuibacëx camina ami manutima ax cuëëncësabi oi ꞌiti ꞌain.

Hechos 13:46

Usa ꞌain ca Pablobëtan Bernabénën racuë́quinma atu cacëxa: —Nun nu judíos uni ꞌicë mitsu pain Nucën Papa Diosan bana ñuixuncëxbi camina ꞌiti ꞌaíshbi ainan ꞌiisama tanquin aín bana cuaisama tancanin. Usa ꞌain cananuna judíosma unicama Jesús ñuiquin bana ñuixuni cuanti ꞌain.

Hechos 13:5

Chiprenu ꞌicë ëma Salamina anu bëbatancëxun ca anu judíos unicama timë́cë xubucamanuxun Jesucristo ñuiquin Nucën Papa Diosan bana unicama ñuixuancëxa. Bana ñuixunia ca Juanënribi ꞌaquiancëxa.

Hechos 13:51

Usa ꞌain ca a ëmanuax cuanquin —nun aín bana cuatima ca Nucën Papa Diosan iscëx ꞌaisama ꞌicë —quixuan anu ꞌicë unicaman ꞌunánun quixun aín taxacanu ꞌicë me cupúcë tacabiani, Iconio cacë ëmanu cuancëxa.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

Hechos 14:2

Catamëcëbëtanbi ca Jesucristomi sinántisama tancë judíos unicaman, judíosma unicama ꞌatimaquin sinánmiquin axa Jesucristomi catamëcë unicamami nishnun quixun tsuáquirumiacëxa.

Hechos 14:21

Cuanx bëbatancëxun ca —Jesucristomi catamëti ca aín ꞌuchacama tërë́ncë ꞌaish uni Nucën Papa Diosnan ꞌiti ꞌicë —quixun unicama bana ñuixuancëxa. Ñuixunia cuati ca ꞌitsa uni Jesucristomi catamëacëxa. Usaquin ꞌatancëx ca Derbenuax Listranu cuantëcëanx Icónionu cuanan Antioquíanuribi cuantëcëancëxa.

Hechos 16:1

Cuanx ca Pablobë Silas Derbe ëmanu cuanan anuribi cuani Listra ëmanu bëbacëxa. Anu ca axa Jesucristomi catamëcë Timoteo cacë uni ꞌiacëxa. Aín titax ca judío xanu ꞌianan Jesúsmi sináncë ꞌiacëxa, ꞌimainun ca aín papax griego banan banacë ꞌiacëxa.

Hechos 16:2

Listra ꞌimainun Iconio ëmanu ꞌicë axa Jesucristomi catamëcë unicaman —upí uni ca —quixun ñuicë ca Timoteo ꞌiacëxa.

Hechos 17:12

Usaquin ꞌai ca atux ꞌitsáxira —asérabi ca —quixun sinani Jesucristomi catamëacëxa. Usai ꞌimainun ca griego banan banacë unicama ꞌimainun xanucamaribi —upí sinánñu ca —quixuan unin ꞌunáncë, acamax Jesucristomi catamëacëxa.

Hechos 17:17

Usa ꞌixun ca anua judíos unicama timë́ti xubunuxun, judíos unicama ꞌimainun judíosma ꞌixunbia an Nucën Papa Dios rabicë unicamaribi, Jesús ax ca asérabi Cristo, axa uti judíos unicaman caíncë, a ꞌicë quixun sinánmisa tani cuënëo bana ñui atubë canancëxa. Usai ꞌianan ca camabi nëtën anuxun ñu marutinuaxribi anua ꞌicë unicamabë Jesús ñui canancëxa.

Hechos 17:4

Ñuixunia cuati ca judíos unicama raíri, Jesús ax ca asérabi Cristo ꞌicë quixun sinani, ami catamëti Silas ꞌimainun Pablobë timë́acëxa. ꞌImainun ca griego banan banacë uni ꞌixunbia Nucën Papa Diosan bana cuacëcama, a ꞌimainun —ax ca aín nuitu upí ꞌicë —quixuan unin cacë xanucamaxribi Jesúsmi catamëacëxa.

Hechos 18:4

Usoquin ꞌanan ca anun ñu mëëtima nëtëcaman anua judíos unicama timë́ti xubunu cuanxun —Jesús ax ca asérabi Cristo, axa utia judíos unicaman caíncë, a ꞌicë —quixun bana ñuixuancëxa. Ñuixuncëxun ca judíos unicama raíri ꞌimainun judíosma unicama raírinënribi —Jesús ax ca asérabia Nucën Papa Diosan xuá a ꞌicë —quixun ꞌunánquin sináncëxa.

Hechos 18:8

Usa ꞌain ca anua judíos unicama timë́ti xubunu ꞌicë ꞌapu, Crispo, abë aín xubunu ꞌicë aín aintsi ꞌibucamaxribi ami sinani Nucën ꞌIbu Jesúsmi catamëacëxa. Usai ꞌimainun ca Pablonëan bana ñuixunia cuati, ꞌaisamaira Corintonu ꞌicë unicamaxribi ami sinani Nucën ꞌIbu Jesúsmi catamëti nashimicë ꞌiacëxa.

Hechos 19:10

Usaquin ca Pablonën rabë́ barin anuxun bana ñuixuancëxa. Pablonëan usaquin ñuixuncëxun ca Asianu ꞌicë unicama, judíos unicama ꞌimainun judíosma unicamanribi Nucën ꞌIbu Jesús ñuiquian ñuixuncë bana cuacëxa.

Hechos 19:17

Usoquian ꞌacëa ñuia ca Efesonu ꞌicë judíos unicama ꞌimainun judíosma unicamanribi cuacëxa. Cuati racuë́quin ca: —Nucën ꞌIbu Jesús, ax ca cushiira ꞌicë —quiquin a rabiacëxa.

Hechos 19:8

Usa ꞌain ca Pablonën anu rabë́ ꞌimainun achúshi ꞌuxë ꞌiquin, anua judíos unicama timë́ti xubunuxun racuë́quinma upí oquin Jesús ñuiquin bana ñuixuancëxa. Ñuixunquin ca, Jesucristomi catamëti ca uni Nucën Papa Diosnan ꞌiti ꞌicë quixuan ꞌunánun anu ꞌicë unicama ñuixuancëxa.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Hechos 21:28

Bitsi ca munuma cuënishi quicancëxa: —Israel unicama, nu ca ꞌaquin. Ënë unix ca an camabi menu cuanquin judíos unicamamia ꞌinun quixun unicama ñuixuncë a ꞌicën. Usa ꞌixun ca nun cuati bana Moisésnën cuënëo quicësabi oi ꞌiaxma ꞌinun quixun canan, anuxun Nucën Papa Dios rabiti xubu ënë ꞌatimaquin ñuiquinribi unicama caia. Usa ꞌixun ca anuxun Nucën Papa Dios rabiti xubunu judíosma, axa griego banan banacë unicama raíriribi atsínmiaxa. Atsínmixun ca ënë xubu upí ꞌatimamiaxa —quiax.

Hechos 9:20

Anu ꞌixun ca anua judíos unicama timë́ti xubucamanuxun, Jesús ax ca asérabi Nucën Papa Diosan Bëchicë ꞌicë quixun unicama ñuixuancëxa.

Romanos 1:16

ꞌËx cana ënë bana unicama ñuixuni rabiniman. Axa a bana quicësabi oi Jesucristomi catamëcë uni a ca Nucën Papa Diosan aín cushínbi ainan ꞌinun ië́mia. Judíos unicama pain ñuixuntancëxun cana judíosma unicamaribi a bana ñuixunin.

Romanos 10:12

Judíos unicama ꞌimainun judíosma unicamaribi ꞌimainun uisa uni cara, axbi ca Cristomi catamëti ainan ꞌia. Cristo ax ca camabi uni axa ami catamëcë aín ꞌIbu ꞌicën. Usa ꞌixun ca an ñucácë unicama upí oquin ꞌaquianan ax cuëëncësamaira oquin ñu ꞌinania.

Gálatas 2:3

ꞌËn usoquin judíosma uni bana ñuixuncë chiquinaxuncëxun ca —asábi ca —quixun sinánquin —griego uni ꞌicë camina Tito judíos unicama ꞌicësaribitia ꞌinun ꞌunántioracamiti ꞌai —quixun ꞌë cáma ꞌicën.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.