Hechos 13:51 - Kashibo-Kakataibo Biblia

⁵¹ Usa ꞌain ca a ëmanuax cuanquin —nun aín bana cuatima ca Nucën Papa Diosan iscëx ꞌaisama ꞌicë —quixuan anu ꞌicë unicaman ꞌunánun quixun aín taxacanu ꞌicë me cupúcë tacabiani, Iconio cacë ëmanu cuancëxa.

Nukën 'Ibu Diosan ain unikama 'inan ain bana

⁵¹ Usa 'ain ca a ëmanuax cuanquin —nun aín bana cuatima ca Nucën Papa Diosan iscëx 'aisama 'icë —quixuan anu 'icë unicaman 'unánun quixun aín taxacanu 'icë me cupúcë tacabiani, Iconio cacë ëmanu cuancëxa.

Hechos 13:51 ပူးပေါင်းရင်းမြစ်များ

Mateo 10:14

Uinu ꞌicë ëmanu ꞌicë unicaman cara, uinu ꞌicë xubunu ꞌicë unicaman cara mitsu biisama tanan mitsun bana cuaisama tania, anuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani bëtsi ëmanu cuanti ꞌain.

Marcos 6:11

Uinu ꞌicë ëmanu ꞌicë unicaman cara mitsu biisama tanan mitsun bana cuaisama tania, aín ëmanuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani cuanti ꞌain. ꞌËn cana asérabi mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca a ëmanu ꞌicë unicama an mitsu bicëma cupí ax ꞌiti ꞌicën.

Lucas 10:11

Nunu mitsu cacë bana cuatíma ca Nucën Papa Diosan iscëx ꞌaisama ꞌicë quixun mitsun ꞌunánun cananuna nun taxacanua ꞌicë mitsun ëmanu ꞌicë me cupúcë tërë́nbianin. Nux cuancë ꞌaínbi camina ꞌunánti ꞌain, axa Jesúsmi catamëcëcama Nucën Papa Diosan anun ainan ꞌimiti nëtë ca ꞌurama ꞌicë quixun.

Lucas 9:5

Uinu ꞌicë ëmanu ꞌicë unicaman cara mitsu biisama tanan mitsun bana cuaisama tania, aín ëmanuax cuani camina anu ꞌicë unicaman, mitsun bana cuatíma ca Nucën Papa Diosan iscëx ꞌaisama ꞌicë quixun ꞌunánun, mitsun taxacanu ꞌicë me cupúcë tacabiani cuanti ꞌain.

Hechos 14:1

Antioquíanuax cuanx Iconio ëmanu bëbax ca Pablobë Bernabé anua judíos unicama timë́ti xubunu atsíancëxa. Atsínxuan bana ñuixuncëx ca ꞌitsaira judíos uni ꞌimainun judíosma uni acamaxribi ami sinani Jesúsmi catamëacëxa.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

Hechos 14:21

Cuanx bëbatancëxun ca —Jesucristomi catamëti ca aín ꞌuchacama tërë́ncë ꞌaish uni Nucën Papa Diosnan ꞌiti ꞌicë —quixun unicama bana ñuixuancëxa. Ñuixunia cuati ca ꞌitsa uni Jesucristomi catamëacëxa. Usaquin ꞌatancëx ca Derbenuax Listranu cuantëcëanx Icónionu cuanan Antioquíanuribi cuantëcëancëxa.

Hechos 16:2

Listra ꞌimainun Iconio ëmanu ꞌicë axa Jesucristomi catamëcë unicaman —upí uni ca —quixun ñuicë ca Timoteo ꞌiacëxa.

Hechos 18:6

Cacëxbi ca aín bana timanan ami ꞌatimati banai ami nishacëxa. Usaía ꞌia ca Pablonën anuax ca cuania quixuan atun ꞌunánun aín chupa tacaquin cacëxa: —Mitsúxbi ꞌiisama tani camina Nucën Papa Diosnan ꞌitima ꞌain. Usaími ꞌicëxbi ca ꞌën ꞌuchama ꞌicën. Mitsúnmi ënë bana cuaisama tancëbëtan cana judíosma unicama ñuixuni cuanin.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.